Әлеуметтік серіктестіктің маман даярлауға ықпалы

ӘЛЕУМЕТТІК СЕРІКТЕСТІКТІҢ САПАЛЫ МАМАНДАРЫН ДАЙЫНДАУДАҒЫ ЫҚПАЛЫ

Аманқосова Арайлым Жолдасбайқызы

Ақтөбе облысы, Ақтөбе қаласы , Есет батыр атындағы олимпиада резервінің облыстық мамандандырылған мектеп-интернат-колледжі

Бүгінде әлем Төртінші өнеркәсіптік революция дәуіріне, технологиялық, экономикалық және әлеуметтік салалардағы терең және қарқынды өзгерістер кезеңіне қадам басып келеді.

Жаңа технологиялық қалып біздің қалай жұмыс істейтінімізді, азаматтық құқықтарымызды қалай іске асыратынымызды, балаларымызды қалай тәрбиелейтінімізді түбегейлі өзгертуде.

Елбасының "Төртінші өнеркәсіптік революция жағдайындағы дамудың жаңа мүмкіндіктері" жолдауының ЖЕТІНШІ БАСЫМДЫЛЫҚ - Адами капитал – жаңғыру негізі. Білім берудің жаңа сапасы. [1].

"Баршаға тегін кәсіптік-техникалық білім беру" жобасын жүзеге асыруды жалғастыру қажет. Мемлекет жастарға алғашқы мамандықты береді.Үкімет бұл міндетті орындауға тиіс.

Жоғары оқу орындары шетелдердің жетекші университеттерімен, ғылыми орталықтарымен, ірі кәсіпорындарымен және трансұлттық корпорацияларымен бірлескен жобаларды белсенді түрде жүзеге асыруы қажет- деп атап көрсетті.

Осы басымдылық негізінде, тегін білім беруді Есет батыр атындағы олимпиада резервінің облыстық мамандандырылған мектеп-интернат-колледжі үкімет қолдауымен жүзеге асыруда. Әлеуметтік серіктестік маңыздылығына тоқталсақ, бұл білім беру мекемелерінің еңбек нарығы институттары мен субъектілерімен, мемлекеттік жергілікті билік ұйымдарымен, қоғамдық бірлестіктермен студенттердің кәсіби қызығушылығын арттыра түсу үшін жасалатын қарым-қатынастың ерекше түрі. Басты әлеуметтік серіктестер жұмыс берушілер яғни, техникалық және кәсіби білім беретін оқу орнының негізгі клиенттері болып табылады.

Мақсаты-колледждің әлеуметтік серіктестермен әр түрлі ведомосттар, қоғамдық ұйымдар мен қызметтер, кәсіпорындар арқылы байланыс жасай отырып, аймақтық еңбек нарығының қажеттілігін өтеуде нәтижелі көрсеткішті ұйымдастыру болып табылады.

Негізгі міндеттері:

– мамандарды жұмыс берушінің талаптарына сәйкес дайындап шығару;

– колледж бен өндірістік кәсіпорындар арасында байланыс орнату;

– колледж түлектерін жұмыспен қамтуға өзіндік үлесін қосу;

– кәсіби практиканың сапарын арттыру;

– колледж түлектерінің жұмыспен қамтылуын барынша ұлғайту.

Елімізде білім беруге арналған мемлекеттік бағдарламасы талаптарына сай кәсіби құзырлы мамандар даярлау, кәсіби даярлыққа қос бағытты білім беруді ендіру, базалық мекемелермен әріптестік серіктестікті нығайту, теория мен практиканың мазмұнын сәйкестендіру мақсатында жұмыстар жүргізілуі қажет.

Әлеуметтік серіктестермен ең алғашқы диалог студенттердің кәсіптік практикадан өтуі кезеңінен басаталады. Кәсіби даярлық білім алушының мамандығының бейіміне сәйкес келетін ұйымдарда өткізіледі, осы кезеңде жұмыс беруші ұйымдармен әлеуметтік серіктестік туралы келісім -шарттар жасалады [2].

Ақтөбе өңірінде спорт жақсы дамығанымен, бұған дейін спорттан мектеп-интернат-колледж болған емес. Дарынды балалар өзге облыстарға барып жаттығады. Жақсы көрсеткішке ие болған спортшыларымыз сол жақтың командаларына қабылданып кетеді. Осы ретте өзіміздің өңірге де бір спорт мектеп-интернаты қажет еді. Осы мақсатымыз орындалды. Бұған дейін білім басқармасының қарауында болған лицей-интернат спорт басқармасының құзырына өтті.

Ақтөбе облысы әкімдігінің Есет батыр атындағы спорт мектеп-интернатын «Есет батыр атындағы олимпиада резервінің облыстық мамандандырылған мектеп-интернат-колледжі» деп өзгерту туралы қаулысы бекітілді. Бүгінгі күні Қазақстан Республикасының Мемлекеттік жалпыға міндетті техникалық және кәсіптік білім беру стандартына ( ҚР МЖМБС 4.05.075-2009) сәйкес 0103000 «Дене тәрбиесі және спорт» мамандығының 0103033 «Спорт жаттықтырушысы - оқытушы» біліктілігі бойынша екі топ жасақталып, студенттер білім алып жатыр.