Алғашқы әскери дайындық арқылы оқушы тәрбиесі туралы мақала

Мектеп:ШҚО, Күршім ауданы «Қалжыр орта мектебі»КММ

Пән мұғалімі:Читимов Медет Каирханович

АЛҒАШҚЫ ӘСКЕРИ ДАЙЫНДЫҚ ПӘНІ АРҚЫЛЫ ҰЛТТЫҚ РУХЫ МЫҚТЫ, ЕЛЖАНДЫ ОҚУШЫНЫ ТӘРБИЕЛЕУ

Қазақстан Республикасы Қарулы Күштерінің қатарында әскери қызмет атқаруға дайындық жүйесінің бір бөлігі ретінде алғашқы әскери дайындық пәні оқытылып, онда білім алушыларды әскери-патриоттық дайындыққа, жастардың әскери iстi жақсы меңгеруiне, төтенше жағдайларда қорғанудың тәсiлдерi мен құралдарын дұрыс пайдалана бiлуiне ықпал етеді. Әскери-патриоттық тәрбие беруде мұғалімнің атқаратын рөлі өте маңызды. Болашақ Отан қорғаушысын дайындау пән мұғалімдерінің басты міндетінің бірі деп санаған жөн.

Оқушылардың алғашқы әскери дайындық пәніне деген қызығушылығын ояту үшін, педагогикалық технологиялар бойынша әр-түрлі әдістерді пайдалана отырып өткізу қажет. Бейнематериалдар, әр түрлі деңгейдегі тестілеу материалдарын, сабақ өткізу кезінде психологиялық, әскери бағыттағы тренингілер өткізу де маңызды. Сабақ өткізу барысында өмірмен ұштастырып, қоғамдық-әлеуметтік, азаматтық сұраныстарға сай оқушылардың қызығушылығын, Отанға деген сүйіспеншілігін арттыру керек.

Мысалы, сабақ барысында теориялық білімді практикалық тәжірибемен ұштастыру мақсатында Басқұншы шекара заставасында оқушылар әскери қару-жарақ құралдарымен жұмыс жасауды, техникалық қауіпсіздік ережелерін сақтауды ойластырдым. Сабақта өздері жіберген қателіктерін түзеуге назар аударылды. Заставамен өткізілген жас шекарашылардың сабағы өте жоғары деңгейде өтілді, саптық ережелерін орындап, өз білімдерін көрсетіп, оқушылар топ бойынша бір-бірінің білімдерін дұрыс нақты бағалай білді. Мектеп әскери бөлімшемен тығыз байланысын көрсете алды.

Оқушының ұлттық рухта тәрбиеленуіне алғашқы әскери дайындық пәні арқылы берілетін білім мазмұнының қазіргі жаһандану заманында алатын орны ерекше. Әрбір азаматтың әскери дайындық сапында, Отан қорғау мәселесіне дайын болуын қамтамасыз ету үшін «Автоматты толық емес бөлшектеу және жинақтау» тақырыбындағы бір сабақты ұсынуды жөн көрдім.

Сабақтың мақсаты: оқушыларға автоматты толық емес бөлшектеу және жинақтау ретін түсіндіру; автоматты толық емес бөлшектеу және жинақтауды үйрету, оған қабілеттілігін арттыру және дамыту; еліңді, жеріңді сүюге, өз Отанын қорғауға, және патриоттыққа тәрбиелеу.

Сабақтың түрі: аралас, сайыс сабағы

Сабақтың көрнекі құралдары: 2 автомат АК-74, автоматты бөліп жинайтын орын.

Сабақтың барысы:

І Ұйымдастыру кезеңі: сәлемдесу, оқу орнына отырғызу.

ІІ Таныстыру

— Автоматты толық емес бөлшектеу тәртібі:

Оқжатарды автоматтан бөлу.

Автоматты 45-60 градуста бұрышта ұстап, оқтың бар-жоғы тексерілді.

Жабдықтар пеналын дүм ұясынан шығарып алу.

Сүмбіні алу.