Алғашқы қоңырауға арналған мерекелік сценарий

Жанпейсов Қуаныш Сейтқұлұлы

Қызылорда облысы Қазалы ауданы

Әйтеке би кенті №165 С.Сейфуллин атындағы

орта мектебінің қазақ тілі мен әдебиеті пәнінің мұғалімі.

1 қырқүйек – Білім күніне арналған «Төртінші өнеркәсіптік революция жағдайындағы дамудың жаңа мүмкіндіктері » атты салтанатты жиының сценарийі

Өтілетін орны: Мектеп алаңы

Күні: 01.09.2018 жыл

Сағ: 09-00

«Қазақ биі»

I жүргізуші:

Бар мектептің басталар бүгін жыры,

Бақ қоңырау шақырып ұғымдыны.

Жаңа оқу жылы басталды, ұстаз, шәкірт,

Құтты болсын бүгінгі Білім күні!

ІІ жүргізуші:

Мереке зор қуаныш – Білім күні,

Сыңғырла қоңыраудың алғашқы үні.

Қош келдің, құтты болсын қадамдарың,

Балдырған, балғын жандар – өмір гүлі.

І жүргізуші:Қайырлы күн, құрметті ұстаздар мен қадірменді ата-аналар!

ІІ жүргізуші:

Армысыздар ардақты, мектеп оқушылары мен балауса балдырғандар!

І жүргізуші:Биылғы 2018-2019 жаңа оқу жылының 1 қыркүйек – Білім күніне арналған «Төртінші өнеркәсіптік революция жағдайындағы дамудың жаңа мүмкіндіктері» атты салтанатты жиынға қош келдіңіздер!

ІІ жүргізуші:Мектеп деген білім күні, жыр күні,

Мектеп деген ғылымның ең үлкені.

Мектеп деген тәрбиеші адамға,

Мектеп деген даналардың мекені.

І жүргізуші: Шуақты қыркүйек айының алғашқы күні барша оқушы қауым алтын ұя мектебіне қайта оралып, мектеп табалдырығын алғаш аттаған балдырғандармен бірге сыңғырлаған қоңырау үнімен табысып отыр. Құрметті ұстаздар, қонақтар, ата-аналар, аяулы оқушылар! Бүгінгі сағынышқа, шаттыққа толы алғашқы қоңырау мерекелеріңіз баршаларыңызға құтты болсын!

ІІ жүргізуші:

Көшбасшымыздың «Болашаққа бағдар: рухани жаңғыру» атты халықтан қызу қолдау тапқан кешегі тұғырнамасын ширек ғасырды артқа тастаған Тәуелсіз Қазақстанның жаһандану дәуіріндегі рухани кеңістігіміздің жаңа бастауы деп бағалауымыз керек.

І жүргізуші:

Елбасы Нұрсұлтан Әбішұлы Назарбаевтың бұл мақаласы ел дамуының жарқын үлгісі мен нақты қадамдарын көрсететін келелі ой, салиқалы пікір, батыл шешімдерге құрылған маңызды құжат. Бұл мақалада сананы жаңғырту, ұлттық болмыстан, ұлттық кодтан айырылып қалмай, оны әлемдік құндылықтармен үйлестіріп, Қазақстанның игілігіне жарату жолындағы мақсат-мүдделер туралы өзекті мәселе көтеріліп отыр.

ІІ жүргізуші: Елбасы тұтас қоғамның және әрбір қазақстандықтың санасын жаңғыртудың бірнеше бағытына жеке-жеке тоқталады. «Сананы жаңғыртудың» мазмұнын негіздей отырып, Президент жаңғырудың алты бағытын белгілейді:

1. Бәсекеге қабілеттілік;

2. Прагматизм;

3. Ұлттық бірегейлікті сақтау;

4. Білімнің салтанат құруы;

5. Қазақстанның революциялық емес, эволюциялық дамуы;

6. Сананың ашықтығы.

І жүргізуші: «Болашақта ұлттың табысты болуы оның табиғи байлығымен емес, адамдарының бәсекелік қабілетімен айқындалады… Сондықтан әрбір қазақстандық, сол арқылы тұтас ұлт ХХІ ғасырға лайықты қасиеттерге ие болуы керек. Мысалы, компьютерлік сауаттылық, шет тілдерін білу, мәдени ашықтық сияқты факторлар әркімнің алға басуына сөзсіз қажетті алғышарттардың санатында. Сол себепті, «Цифрлы Қазақстан», «Үш тілде білім беру», «Мәдени және конфессияаралық келісім» сияқты бағдарламалар – ұлтымызды, яғни барша қазақстандықтарды ХХІ ғасырдың талаптарына даярлаудың қамы», – деп ашып көрсетеді.

ІІ жүргізуші: Ендігі міндет – осы айтылғандарды іске асыру жолында аянбай еңбек ету.

Бәсеке болған жерде әрбір тұлға өзінің ең сапалы қызмет түрін ұсынады. Білім мен тәрбиесі ғажайып түрде үндескен, ұлттық идеологиясы темірқазығына айналған табысты ел болуымыз үшін жақсылыққа ұмтылып, жаманшылықтан арылып, саналы түрде барлық қасиеттерімізді ізгілендіріп, сананы рухани жағынан үнемі жетілдіріп, дамытып отыруға тиістіміз. Ең бастысы – бағыт-бағдарымыз анық, жолымыз жарқын.

ІІ жүргізуші:Өмір бойы мектебімді жыр етем,Бір өзіңде бақыт, білім, берекем.Шәкірттерің өрістесін, өрлесін,Құтты болсын «Білім күнің »- мерекең!

І жүргізуші: Көк байрақ иілмесін, жығылмасын,

Көзге жас, кеудеге өксік тығылмасын.

Тұрғанда көкшіл Туы көкті тіреп,

Қазағым сен қашанда тұғырдасың!

ІI жүргізуші:

Дайындалыңыздар!

«Қазақстан Республикасының Мемлекеттік Туы»

(Гимн орындалады)

І жүргізуші:

Ерекше бүгінгі күн, салтанат сән,

Тербетер әр жүректі бір әсем ән.

Құлпырып шәкірттер тұр мектеп – ұстаз,

Сағынып жыл құсындай қайта оралған.Бүгін біздің қуанышымызға ортақтасу үшін мерекемізге келген құрметті қонақтармен таныс болыңыздар:1. ........................................................2. ...................................................3. .......................................................

ІІ жүргізуші: Жан шуағы, күн шуағы арай ма,Ұстаз деген әулиедей талайғаБасын иіп өткен жоқ па біз түгіл,Әл- Фараби, Омар Хаям, Абай да.

І жүргізуші:Жүрегі алауланып жалын атқан,

Үмітін көре білген болашақтан.

Тынбастан еңбек етіп шәкірт үшін,

Білімнің өшпейтұғын шамын жаққан - Бүгінгі 1қыркүйек - Білім күні «Алғашқы қоңырау» мерекесін салтанатты түрде ашу үшін алғашқы сөз кезегі мектеп директоры ------------------беріледі.

ІІ жүргізуші:

«Ұстазым» әні, орындайтын 7 «Б» сынып оқушысы Жұбатқан Жанель