Алғыс айту күніне арналған ашық сабақ 3 сынып

1 наурыз – Алғыс айту күні

Мақсаты: балалардың «сыйластық» құндылығы туралы түсініктерін кеңейту Міндеттері: - ризашылық пен алғыс туралы түсінік беру; - үлкен - кішіге деген сүйіспеншілігін, сыпайылық қарым - қатынасын дамыту; - әдептілікке, кішіпейілділікке, ізеттілікке тәрбиелеу Әдістері: сыни тұрғыдан ойлау технологиясының стратегиялары, ойын, түсіндіру, әңгімелесу. Көрнекіліктері: оқулық, дәптер, сандықша Барысы: 1 наурыз – Алғыс айту күні

І. Ұйымдастыру .Шаттық шеңбері.Оқушылар тізбектеліп, бір - бірлеріне тілек білдіріп шығады. Ризашылық өлеңін оқу Ризамын бүгінге, Ризамын бүгінге, Ризамын бүгінге, Ризамын қазірге! Ризамын, ризамын, ризамын бүгінге, Ризамын, ризамын, ризамын қазірге. ІІ. Кіріспе. Дәйек сөз.«Өмірге риза болып, алғыс айт»

Әңгімелесу Ризашылық дегеніміз не? Алғыс дегенді қалай түсінесіңдер? - Адам өзінің ризашылығын, алғысын қандай сөздермен білдіреді? - Сендерге кім қандай жағдайда алғыс айтты? - Өздерің қандай жағдайда алғыс айтып көрдіңдер? Балалардың жауаптары тыңдалады.

ІІІ. Негізгі бөлім. Ризашылық - адамның басқа адамнан көрген жақсылығы, көмегі, көңілі үшін қанағаттанушылық және алғыс білдірушілік сезімі.

- Алғыс – адамның адамға жасаған жақсылығы, көмегі, көңілі үшін ризашылық білдіруі, сондай - ақ оның ойы мен іс - әрекетіне, жасаған істеріне жоғары баға беруі.

Ризашылық ұғымымен тағы қандай ұғымдар байланысты?Адамдар арасындағы ынтымақты қарым - қатынастың орнауы әр адамның өзіне және қоршаған ортасына тікелей байланысты. Сондықтан «Ризашылық» атты Қазақстан елінің барлық оқушылары мен отбасылары қатысатын акциясы өткізіледі. Осы акция төңірегінде көмекті қажет ететін балалар мен ересек адамдарға ақшалай, тұрмысқа қажет құралдар мен киім - кешек түрінде көмек көрсетіледі. Осы акцияның негізін салушы Сара Алпысқызы.

Анаға – өмір сыйлағаны үшін, Әкеге – қорған болғаны үшін, Далаға – гүлдері мен көк шалғыны үшін, Сөзге – жанды жылытатыны үшін, Күнге – шуағы мен назары үшін, Жұлдызға – қараңғы түндегі жарығы үшін, Досқа – құшағы мен иығы үшін, Әжеге – ыстық алақаны үшін, Суға – тіршілік көзі болғаны үшін, Жерге – махаббаты мен бар болғаны үшін, Отқа – жылулығы үшін..