Алғыс айту күніне арналған өлеңдер 10 сыныпқа

Азима: Адамның еліне сіңірген еңбегңне, халыққа көрсеткен құрметіне, жасаған ерлігіне, парасаттылығына, басқада жақсылық істеріне ризашылық білдіру, ізгі ниет, ықылас білдіру алғыс деп аталады.

Ерболат: Бата -тілек те алғысқа жатады. Дәйім ел жұрттың ризашылығына бөленіп, алғысын алғанға не жетсін?! Жақсылықтың үлкен- кішісі болмайды, қолыңнан келген жәрдемді аямаған абзал.

Дариға: Көшеде өтіп бара жатқан қарт адамды демеп жіберсең, "Тәңір жарылқасын, мұратыңа жет" деп батасын береді. Алғыстың кейбір түрлері: "Өркенің өссін", "Қадамыңа гүл бітсін", "Қатарыңның алды бол", " бағың ашылсын", "Тілеуіңді берсін"

Сұңқар: Көпті көрген көне көз қариялар жәбір -жапа көрсе де, қиянатшыл адамды қарғамаған. Керісінше "Тәңірім оны да оң жолға салсын" деп тілеген. "Жақсылыққа жақсылық- әр адамның ісі, жамандыққа жақсылық -ер адамның ісі" деген халық даналығы осындайда айтылған.

Гүлжазира: Ұл-қыз ата-анасын,үлкендерді қуанышқа бөлеп,бақытқа кенелтсем десе,алдымен әдепті болулары керек.Өз жұмыстарын адал да тыңғылықты атқарса,ата-ананың ұл-қызы болып өседі.

Досбол: Ата-ана жеміс ағашына ұқсайды,Жеміс ағашын жақсы қарап күткендей,ата-анаңды аялап бақсаң,армандарың орындалады.

Мадина:Сәби шағында олар өзіңді қалай бағып- қақса, қартайғанда оларды да солай алақанға салып, аялап күту керек.

Саят: Түн ұйқысын төрт бөлген ,түнде бесік таянып, түнде шошып оянған ананың ақ мейірімі үшін мың алғыс!

Гүлнұр: Біз — қазақ деген елміз, бірақ ешкімге соқтықпай жай жатқан елміз. Елімізден құт-береке қашпасын деп, жеріміздің шетін жау баспасын деп, найзаға үкі таққан елміз. Досымызды сақтай білген елміз, дәм тұзды ақтай білген елміз.

Бекарыс:Тәуелсіздік ата-бабам аңсаған

Жете алмай құрбан болды қанша адам.

Сая: Шаттық нұры шашылып зеңбіректен

Шуағын күн төгеді енді көктен.

Шылбыр үзді даланың арғымағы,

Тәуелсіздік жалауын желбіреткен.

Нұрсұлтан: Дүбір қосып өзіңдей сәйгүлікке

Ақ боз аттың алдынан жанды үміт те.

Ту ғып ұстап аңсаған азаттықты,

Қазақстан бет алды мәңгілікке!

Арайлым: Құрбандарым жазықсыз құрбандарым,

Бет бағдарын бақиға бұрғандарым

Қаралы жылдардай боп қарауытып,

Халқымның мәңгі есінде тұрғандарым.

Ата баба рухына алғыс айтып бас иеміз,

Осы күнді тарту еткен біздерге