Алғыс айту күніне арналған тәрбие сағаты психология

Тақырыбы: Үлкенге құрмет – кішіге ізет

Мақсаты: балалардың «сыйластық» құндылығы туралы түсініктерін кеңейту

Міндеттері: - ризашылық пен алғыс туралы түсінік беру

үлкен, кішіге деген сүйіспеншілігін, сыпайылық қарым-қатынасын дамыту

әдептілікке, кішіпейілділікке, ізеттілікке тәрбиелеу

Жоспары

«Алғыс айту күні белгіленді»

«Бізден сауал, сізден жауап»

«Әкеңді қадірле» бейнебаяны

Алғыс хат жазайық

«Қайырымды бол» слайды

Күн көзіне нұр қосайық

Қайырлы күн, қымбатты ұстаздар мен оқушылар «Үлкенге – құрмет, кішіге – ізет» атты АЛҒЫС айту күніне арналған тәрбие сағатымызға қош келдіңіздер!

Алғыс айту күні белгіленді.

Талайлы тағдырлардың басын өз шаңырағының астына біріктіріп, қанатымен су сепкен қарлығаштай, қамқорлығына алған Қазақстанда адамның адамға құрмет көрсететін күні белгіленген. Мемлекет басшысы Нұрсұлтан Әбішұлы Назарбаев барлық ұлттың бір- біріне және қазақтарға алғыс айту күнін бекітуді ұсынды.

Қазақстан халқы Ассамблеясының «Мәңгілік Ел: бір ел- бір тағдыр» тақырыбымен басталған ХХІІ сессиясының ашылу салтанатында сөйлеген сөзінде Елбасы: «Сталин режимінде әр жылдары, өздеріңіз білетіндей, халықтар түгелдей жер аударылды. Оларды вагондардан ауылдарға тастап кете берді, олардың еш дүниесі болған жоқ. Сол уақытта бұл далада өздері мұқтаж бола отырып, оларды саман үйлеріне қабылдаған қазақтар, қазақ отбасылары ғана өмір сүрді. Саманнан жасалған екі бөлмелі үйде тұрған біздің отбасы үш баласы бар жанұяны қабылдап алды. Көз алдымда әрқашан олардың бөлменің бір бұрышына жиналғанын елестете беремін, олар қорқып

тұрды – киімдері жыртылған, аш, тозып кеткен. Олар біздің отбасында өмір сүрді, жұмыс істей бастады, өмір бойы алғыс айтып өтті. Мен оның балаларымен дос болдым»,- деген екен. Қазақстан халқы 2016 жылы тұңғыш рет Алғыс айту күнін атап өтті.Елбасы сол жылдың 14 қаңтарында Қазақстан халқы Ассамблеясының құрылған күні - 1 наурызды елімізде Алғыс айту күні деп жариялап, №173 Жарлыққа қол қойған болатын.

«Бізден сауал, сенен жауап»

Айтыңдаршы алғыс дегеніміз не?

Алғыс- адамның адамға жасаған жақсылығы, көмегі, көңілі үшін ризашылық білдіру, сондай- ақ оның ойы мен іс- әрекетіне, жасаған істеріне жоғары баға беру.

Ал ризашылық дегеніміз не?

Ризашылық- адамның басқа адамнан көрген жақсылығы, көмегі, көңілі үшін қанағаттанушылық және алғыс білдірушілік сезім.

Шынында да Елбасы өзінің Жолдауы арқылы еліміздің болашағына көз салуға мүмкіндік берді. Болашақ ұрпаққа: «Мен елім үшін не істей аламын?» - деген сұраққа жауап іздеуге көмектесті. Рухани жаңғыру – өскелең ұрпақтың дара жолы. Жаңа көзқарасы бар, жоғары білімді, салауатты өмір салтын ұстанатын әрбір азамат, рухани жаңғыруды өзінен бастауы тиіс- деп нақтылады

ҰСТАЗ болу аса маңызды және өте қиын мамандық, өйткені ұстаз білім ғана беріп қоймайды. ҰСТАЗ баланы болашақ үлкен өмірге дайындап қажетті кеңестермен сусындатады.

Құрметті ұстаздар, мектеп оқушыларының атынан көрсеткен қамқорлықтарыңыз бен аялы алақан, жылы лебіздеріңіз үшін басымызды иіп, рахметімізді айтамыз. Еңбектеріңізге жеміс, отбасыларыңызға бақыт тілейміз.

Мұғалімнен өнеге-білім алып, өмір теңізіне құлаш ұрған кез келген шәкірт ұстазымен мақтанады. «Мектептің жүрегі», «Бала жанының бағбаны»... Иә, бұл мектеп мұғалімі- ұстазға арналған теңеулер. Мұндай мадақтауларды жалғастыра берсек, даналық сөздер тізбегі шексіздікке ұласады. Мерейлі мерекеде дендеріңізге саулық, отбасыларыңызға амандық, істеріңізге сәттілік тілейміз. Осы тұста Абай атамыздың қандай нақыл сөзі есімізге түседі? - «Білімдіден шыққан сөз, талаптыға болсын кез»

Ұстаз деген ұлы сөз ұлағатты,

Ол болмаса, кім береді парасатты.

Асылын беріп шәкірт бойларына,

Ағартқан сол үшін де қара шашты.

Ұстазға әркім басын ию керек,

Кемеңгер, ақылшым деп білу керек.