Алғыс айтуға арналған танымдық сайыс материалы

Арқалық медицина колледжінде 1 - наурыз Алғыс айту күніне орай

«Алғыс айту - парызым!» тақырыбы аясында кітапханада танымдық сайыс ұйымдастырылды.

Мақсаты: Алғыс айту туралы түсінік беру; үлкен - кішіге деген сүйіспеншілігін, сыпайылық қарым - қатынасын дамыту; әдептілік, кішіпейілділік, ізгілікке тәрбиелеу. Студенттер арасында қарым - қатынасты нығайту, жағымсыз көңіл - күйден арылу, күш - қуат жинау, өзін - өзі тану, құрметтеу, өзін еркін сезінуге көмектесу.

Сайысқа қатысушы 11 фкб тобының студенттері.

Алғыс – адамның адамға жасаған жақсылығы, көмегі, көңілі үшін ризашылық білдіруі, сондай — ақ оның ойы мен іс — әрекетіне, жасаған істеріне жоғары баға беруі.Анаға – өмір сыйлағаны үшін, Әкеге – қорған болғаны үшін, Далаға – гүлдері мен көк шалғыны үшін, Сөзге – жанды жылытатыны үшін, Күнге – шуағы мен назары үшін, Жұлдызға – қараңғы түндегі жарығы үшін, Досқа – құшағы мен иығы үшін, Әжеге – ыстық алақаны үшін, Суға – тіршілік көзі болғаны үшін, Жерге – махаббаты мен бар болғаны үшін, Отқа – жылулығы үшін..

Сайысымыздың шарты:

1.«Алғысқа лайықты кімдер?» 2. «Жұптық алғыс» 3. «Көңіл - күй» 4. «Жарысты жалғастыр» 5. «Автограф» ойыны 6. Ойландырар бес сұрақ" 7. «Құнды қасиеттерді жинау» 8. «Құпия сыйлық» жаттығуы. 9. «Алғыс торы» ойыны. 10.Қорытынды.

1.Анаға – өмір сыйлағаны үшін,Әкеге – қорған болғаны үшін,Далаға – гүлдері мен көк шалғыны үшін,Сөзге – жанды жылытатыны үшін,Күнге – шуағы мен назары үшін,Жұлдызға – қараңғы түндегі жарығы үшін,Досқа – құшағы мен иығы үшін,Әжеге – ыстық алақаны үшін,Суға – тіршілік көзі болғаны үшін,Жерге – махаббаты мен бар болғаны үшін,Отқа – жылулығы үшін..

Өзіне жасалған жақсылыққа ризашылық білдіруді алғыс дейміз.

2. «Жұптық алғыс»

Студенттерге әр түсті қағазға жазылған сандар таратылады. Бірдей сандар сәйкес келсе, бір-біріне ризашылықтарын айтып алғыстарын білдіреді. Алғыстарын бір – біріне жақсылап жеткізген жұп жеңіске жетеді.

3. «Көңіл - күй»

Бұл ойында ортаға 7 адам шығып, берілген сұрақтарға сай әр түрлі

көңіл – күйді бейнелеуі тиіс.

1.Ойланып тұрған адамның бет-әлпет кескіні.

2.Ренжіп тұрған адамның бет-әлпеті.

3.Қайғылы адамның бет-әлпеті.

4.Ашулы адамның бет-әлпеті.

5.Таңдаған кейіп көрсету.

6.Өкініп тұрған адамның бет-әлпеті.

7.Қуанып тұрған адамның бет-әлпеті.

4. «Жарысты жалғастыр»

Бұл ойында оқушыларға мақал – мәтелден бір – екі сөз айтылады. Сіздердің міндеттеріңіз сол жасырылған сөздерді табу болып табылады. Мысалы:

1.«Кемшіліксіз..........адам..........»

2. «Дұшпан.........., дос..........»

3. «Жаңылмайтын.........., тұяқ..........»

4. «..........жақсы,..........көнесі..........»

5. «..........ақшаң.........., ..........досың..........»

6. «Досы.........., ........... көппен..........»

7. «Досы.........., өзі де..........»

8. «..........басқа.........., ............аяққа..........»