Алғыс күніне арналған ойындар мен сценарийлер жинағы

АСТАНА ҚАЛАСЫ БІЛІМ БАСҚАРМАСЫ

№58 МЕКТЕП-ГИМНАЗИЯ

«Бекітемін»

№58 мектеп –гимназия директоры

_______________ С.Нугуманова

«Қамқорлық мейірімі тарқамаған,

Алғыс деген ел сыйын арқалаған»

1наурыз «Алғыс айту күні» мерекесінің бағдарламасы

2015-2016 оқу жылы

Өткізілетін күні: 2016 жылғы 1 наурыз

Өткізілетін уақыты: сағат 12.00

Өткізілетін орны: мәжіліс залы

/ Фанфар ойналады/

І-Жүргізуші:

Армысыздар ұстаздар, жүрегі жылылыққа толы жарқын жандар!

Айнала жайма- шуақ күйге еніп, мерекелі де берекелі күндердің бастауына себеп болып тұрғандай.

Қазақстан Республикасы Президентінің «Қазақстан Республикасындағы кәсіптік және өзге де мерекелер туралы» Жарлығына 1 Наурыз күнін «Алғыс айту күні» деп жариялады. Алғыс айту күні – барша қазақстандықтарға арналған жалпыұлттық мереке.

ІІ-Жүргізуші:

Алғыс- адамның адамға жасаған жақсылығы, көмегі, көңілі үшін ризашылық білдіруі. Сондай-ақ оның ойы мен іс-әрекетіне, жасаған істеріне жоғары баға беруі.

І-Жүргізуші:

Алғыс сөздерінде бір сиқырлық бар сияқты. Қалай ойлайсың?

ІІ-Жүргізуші:

Иә, апай. Алғыс сөзі арқылы біз бір–бірімізге ризашылығымызды білдіріп, жақсы көңіл-күй сыйлаймыз.

Ғалымдардың айтуынша, «рақмет» сөзін айту- адамдар арасында жақсы қатынас орнатады. Пенде үшін ең мерейлі іс –үлкендерден бата алып, елдің, халықтың алғысына, құрметіне бөлену. Бастысы алғысымыз жүректен шығуы шарт.

І-Жүргізуші:

Бүгін біз мерекелік кешімізге алғыс айту үшін алғысқа лайықты жандарды шақырып отырмыз. Сонымен, алғысқа лайықты кімдер екен?

Ана – өмір сыйлағаны үшін,

Әкеге – қорған болғаны үшін,

Далаға – гүлдері мен көк шалғыны үшін,

Сөзге – жанды жылытатыны үшін,

Күнге – шуағы мен назары үшін,

Жұлдызға – қараңғы түндегі жарығы үшін,

Досқа – құшағы мен иығы үшін

Әжеге – ыстық алақаны үшін,

Суға – тіршілік көзі болғаны үшін

Отқа- жылулығы үшін,

Жерге – махаббаты мен бар болғаны үшін.

Би кетеді.

ІІ-Жүргізуші:

«Қамқорлық мейірімі тарқамаған

Алғыс деген ел сыйын арқалаған» атты Алғыс айту күніне арналған іс

шарамызға хош келдіңіздер!

ІІ-Жүргізуші:

«Ел алғысын алсаң елеулісі боларсың» -демекші, елдің алғысына бөленіп жүрген жомарт жандар арамызда жоқ емес. Мектебіміздің дамуына үлес қосып, алғыс алуға лайық ата-аналарымыз баршылық. Жас ұрпақты тәрбиелеуде мектеппен етене араласып, қол ұшын…