Әліппе – білім бастауы тәрбие сағаты, 1 сынып

Әліппе- білім бастауы!

Мақсаты: Оқушылардың сауат алу барысындағы білімін тиянақтау. Әр оқушының іс – әрекеттері арқылы икемділігін, шығармашылық мумкіндігін ашу. Адамгершілікке, ұқыптылыққа, өзін – өзі дұрыс ұстауға, ана тілін сүйіп қастерлеуге тәрбиелеу.

Көрнекілігі: гүлдер, шарлар, нақыл сөздер.

Мұғалім:

Сәлеметсіздер ме, құрметті ұстаздар, ата – аналар, қонақтар! Бүгінгі күні сіздер үшін тойларыңызға тағы бір той қосылмақ. ХХІ – ғасыр білімділер ғасыры болмақ. Сондықтан жас ұрпақ білімді, сауатты болу үшін ата – аналарға да жүктелетін міндет аз емес. Күні кеше ойын баласы болған сіздердің балаларыңыз, бүгінде бойларына үлкен міндет, жауапкершілік арқалап отыр. Тұңғыш рет сауатымызды ашқан Әліппе оқулығы- біздің ұландарымыздың алғашқы өмірге бастаған үлкен сара жолы.Енді оқушылармен бірге білім бастауы болған әліппе оқулығымен қоштасу мақсатында « Әліппе – білім бастауы!» атты ертеңгілік ұйымдастырып отырмыз.

Көрініс: «Әжесі мен немересі»

Анеля: Алты жасар баласын

Алпыста әжей жетектеп

Келе жатыр көшеде,

Қайда әлгі мектеп деп,

Алпыс келед сүрініп,

Алты келед жүгіріп.

Бала: Апар ана мектепке

Ата – аналық парызың.

Оқып білім аламын,

Мен оқушы боламын.

Әже: Асықпа әлі қарағым

Санауға енді жарадың

Жасың толсын алтыға,

Сонда алып барамын.

Бала: Менің қарыс мандайым,

Балаң болам талапты

Тәртіп сақтап әрдайым,

Жақсы оқимын сабақты.

Әже: Айтқанымды шырағым,

Шығарма тек санаңнан.

Мектептегі мұғалім,

Кем болмайды анаңнан.

Бала: Қыркүйекте келдім де,

Сыныпқа кірдім қуанып

Қарсы алды ұстаз мейіріммен

Қадамымды құп алып.

Мұғалім: Күні кеше ғана жаңағы көріністегідей құлындай құлдырыңдап келген балалар бүгін бар білім бастауы қасиетті Әліппе оқулығымен қоштасқалы отыр.

«Әліппе- білім бастауы» атты ертеңгілікке қош келдіңіздер! Ортаға 1 «Б» сынып оқушыларын шақырамыз.

(Қолдарына шар, гүл ұстаған оқушылар кіреді)

Хор: Мектебім

Нұрсая: Көз салып қараңызшы бойымызға,

Ортақ боп бүгінгі өскен ойымызға.

Хош келіпсіз ұстаздар, ата- аналар,

Әліппемен қоштасу тойымызға.

Қыр гүліндей жайнаймыз,

Ән сап билеп, ойнаймыз.

Бүгін бізде мереке,

Әліппе тойын тойлаймыз.

Тал шыбықтай бойына,

Әдемі көйлек жарасар.

Ортада біздің сүйікті,

Балдырған балғын балалар.

Мұғалім: Бар білімнің бастауы

Бар ғылымның бастауы

Жас балаға нұр шашқан,

Қандай кітап тіл ашқан? (Әліппе)

Іші толған әріпке,

Білімдіге жарық не?

Балалар: Болашаққа жол ашар,

Ол- сүйікті Әліппе!

Нұрсая: Достар! Осы мен әліппемен қоштасуды жөн көрмей тұрмын.

Айгерім: Ой! Не болды? Неге олай дейсің?

Назерке: Ал мен жылағым кеп тұр.

Аружан: О, несі, неге жылағың кеп тұр?

Жанель: Мен білем, бірақ айтпаймын, өздерің тауып алыңдар.

Мұғалім: Дауласпайық, балалар! Мен сендерден де бұрын біліп тұрмын. Себебі сендер 4 ай бойы оқыған білім атасы «Әліппемен» қоштасқалы тұрсыңдар. Қимай тұрсыңдар , солай ма?

Алихан: Дұрыс айтасыз,әпкей. Әліппемізге рахмет айтсақ та қимай тұрмыз.

Мұғалім: Балалар,олай болса, Әліппені ортаға шақырайық!

Бәрі: Әліппе, әліппе, әліппе!

(Музыка)

Әліппе келеді:

Анеля: Ішім толы әріпке

Менмін әйбат әліппе!

Барлық ілім – білімнің

Бастауы мен – әліппе!

Менің бұл жерде 40 әріп, 2 таңбам бар. Ал сендерге әріптердің сөйлегендігі туралы ертегі айтып берейін.

Ерте, ерте, ертеде,

Ешкі жүні бөртеде,

Қырғауылы қызыл екен,

Құйрық жүні ұзын екен.

Баяғыда орманда екі үй болыпты: біреуі көк, біреуі қызыл. Көк үйде дауыссыз дыбыстар, қызыл үйде дауысты дыбыстар тұрыпты. Олардың атасы «Әліпби» деген дана болыпты. Осы екі үйдің қызыл үйшіктегі әріптері дауыс шығарып көңілді тұрыпты да, ал көк үйдегі әріптер үнсіз өмір сүріпті.

Бұны көрген Әліпби «Мен осы екі үйдегі әріптерді араластырсам не болар екен?» деп ойланып, араластырыпты. Сөйтсе ғажап бір жайға куә болыпты. Әріптері сөйлей жөнеліпті. Осылайша әріптерден сөз, сөйлем пайда болыпты. Енді кезекті осы әріптерге берейік!

Ақжан: «А» Алыбы алыптардың- Ата- ана,

Ақыл, ар, адам, арман - А- дан ғана.

«Ә» Әкелген едім «Әліппе»-

Әр беті толған әріпке.

Ринат: «Б» Барабан, балға, бала- барлығы да,

Бой ұрып бас ұрады осы «Б»- ға.

«В» Ваня ағай толғанды,

Велосипедті қолға алды.

Апсатар Б: «Г» Газет, Гауhар, газ, гуіл,

Гүл сөзінен «Г»- ні біл.

«Ғ» Ғажабы мен ғарыштың

Ғалымдардай таныс кім?

Ахмедин Б: «Д» Дәмежанға дәрігер,

Дәрі беріп әбігер.

«Е» Еріншектің ертеңі-

Елге таныс ертегі.

Ақниет: «Е» Е әрпін біз білдік,

Елкаға бас боп жүреді.

«Ж» Жаз биыл да жаңбырлы,

Жайлау талай жаңғырды.

Жандарбек: «З» Зәуре ұзақ биледі,

Зерлі көйлек кигені.

«И» Иттер келіп икемді,

Иесіне сүйкенді.

Бақдәулет: «Й» Йод-дәрі, мемлекет- Йемен

Басталды шолақ «И»- ден.

«К» Көктемде жер кепкенде,

Көк қонды белге.

Муборак: «Қ» Қауырсынын құстардың,

Қызықтауға құштармын.

«Л» Латиф пен Лайық,

Лақты қуды- бұл айып.

Ерзат: «М» Мен көп тердім мақтаны,

Марат мені мақтады.

«Н» Нағашым өтінді Назардан,

«Науат әкел» деп базардан.

Марал: «Ң» Шаң- тозаң, кетті- ау мазаң,

«Ң» әрпін тап, паң, маңнан.

«О» Орындықта отырып,

Оқулықты оқылық.

Адина: «Ө» Өз бөлмемнен көрмедім,

Өрмекшінің өрмегін.

«П» Пайыз палау пісірді,

Папасына ұсынды.

Айбек: «Р» «Р-р-р» деп бір ит жолықты,

Раушан одан қорықты.

«С» Самарқау Самат сабақта,

Сан үңілді сабаққа.

Аружан: «Т» Тәп- тәтті нан- таба нан,

Таба алмай қалдым табадан.

«У» Улы жыланды Уәлі

Уақ тас алып қуады.

Ниетжан Б: «Ұ» Ұл атану Ұрыншақ,

Ұят екен ұғынсақ. Ұлболсын: «Ү» дегенім үріккен,

Үйрегіңнен ауысты.

Үзіліп түскен түйнекті,

Үйрек тістеп түйрепті.

Жанель: «Ф» Фото тілші Фуатты,

Фархат келіп қуантты.

«Х» Хат жолдады Ахмет:

«Хаhім, саған рақмет!»

Алихан: «h» әрпіне «қаhарман»

«Гауhар» деген сөз қосам.

«Ц» «Циркуль керек» деп маған,

Цехқа қарай кетті ағам.

Назерке: «Ч» Чемпионатта кешегі,

Чехтар жеңді деседі.

«Ш» Шабындық жер шалғай ма?

Шалғысы бар шал қайда?

Айгерім: «Щ» Щеткамен тазарт киімді,

Деп ағам маған бұйырды.

«Ы» Ырысбек сүйер жұмысты,

Ықыласпен жуды ыдысты.

Нұрсая: «І» Ізбасар болар ініміз,

Ісінен оның біліңіз.

Э,Ю,Я: Эшелон, Юпитер, Якорь,

«Э» әрпі,»Ю» және «Я» тұр.

Әліппе: 42 әріпті игерді,

Әріптен буындап сөз терді.

Ризамын, балалар, сендерге

Рақмет айтатын кез келді.

Барлығы: Әліппеге рақмет!

Хор: «Әліппе»

Ахмедин Б: Әліппем! Сен адамзаттың жақын досы,

Келмейді сені оқымай көңіл хошы.

Асыл жыр, өмір сыры, ғажайыптар,

Басылған таңба болып, өзіңде осы

Тақпақ па, өлең бе әлде, ертегілер!

Айгерім: Ақылдың сөнбейтұғын шамшырағы,

Білімнің сарқылмайтын бал құрағы.

Ашқанда- ақ әр әріпке беттеріңді,

Әліппе көз алдымда сен тұрасың!

Балалар, осы қонақтарға арнап көрініс көрсетсек қайтеді?

Мұғалім: Көрініс «Жалқаубек»

(Ортаға шулаған балалар мен Жалқаубек шығады.Осы балалар «Жалқаубек» әнін орындайды)

Ахмедин Б: Әй, Жалқаубек сенбісің? Балалардың бәрі мектепке жиналмақшы, сен бармаймысың? Сөмкең қайда? Бар, сөмкеңді әкел, мектепке барасың.

(Жалқаубек сөмкесін алып келеді. Ішінде тамақ, машина, доп т.б)

Ахмедин Б: -Ой, мынауың жарамайды. Сен сөмке не үшін керек екенін әлі білмейді екенсің. Ендеше, қара, біздің балалар сен үшін «Портфель» көрінісін көрсетеді.

Автор: Бір күні Әліппе келе жатып, жолда портфельді көреді, әрі қарап, бері қарап былай дейді:

Әліппе: Нұрсая -Мынау маған бір ыңғайлы үй екен ғой. Ертең балалар мектепке барғанда мені осы үйге салса, өте жақсы болар еді. Бұның атын мен портфель деп…