Алматы туралы бастауыш сыныпқа арналған оқу материалы

Сабақтың тақырыбы: Алматы – әсем қала

Сабақтың мақсаты: Алматы қаласы туралы білетін өлең, әндерін айтқыза отырып, жаңа мәліметтер беру. Оқушылардың танымдық, байланыстырып сөйлеу, есте сақтау қабілеттерінің дамуына ықпал ету. Эстетикалық, экологиялық тәрбие беру. Өз қаласын сүю, мақтаныш сезімдерін ояту.

Сабақтың көрнекіліктері: Алматы қаласының картасы, кітаптар, журналдар, қала ғимараттары суреттері, Алматы апорты, суреттер.

Ұйымдастыру: Балаларды сабаққа даярлау.

Мұғалімнің кіріспе сөзі. (М. Мақатаев «Қазақ жері»)

Пай, пай, пай киелі неткен жер?

Батырлар дүрілдеп өткен жер

Тұлпарлар дүбірлеп төккен тер

Ғашықтар бір-бірін өпкен жер

Сарылып сал-сері кеткен жер

Бас иіп иіскеп топырағын,

Тағызым жасамай өтпеңдер!

Мұғалім: Қазір біздің арамызға апортты Оңтүстік Қазақстан, Жетісу өңіріне әкелген ата Е.В Редько келеді. Е.В. Редько болып киінген бала: Амансыңдар ма, балалар! Мен апортты Қазақстанның Жетісу өңіріне әкелген Е.В. Редько аталарыңмын. Халық Александр сортын Алматы апорты дейді, суыққа төзімді, 6-7 жылда жеміс береді, жемісі өте ірі, 250-400 грамм.

Мұғалім: Осындай тәтті алманы біздің жерімізге таратқан атамызға арнап ән айталық. Ән «Сағындым Алматымды».

2-оқушы: Қанат жайған көсіле

Алатаудың төсіне

Алматыны атасақ

Алма түсер есіңе.

3-оқушы: Алматыда тамызда

Болған кезің болды ма?

Аты айналған аңызға

Апорты өз алдына

Топ-топ етіп түседі

Әлемге аян дақпырты

Уылжиды піседі.

Алмасы мен алмұрты.

4-оқушы: Алматы 1807 жылдан Верный, 1921 жылдан бастап Алматы атанған. Қаланың аумағы 286 шаршы шақырымға созылған.

5-оқушы: Алматы Тянь-Шанның Қиыр Солтүстік жанындағы Іле Алатауының бөктеріне орналасқан. Қала арқылы Үлкен және Кіші Алматы, Есентай, Ремизовка, Казачка өзендері ағады.

6-оқушы: Алматы қорығы 1931 жылы құрылған, Іле Алатауында орналасқан. Қорықта өсімдіктердің 1300-ден аса, құстың 200, сүтқоректілердің 50-ге жуық түрі бар.

7-оқушы: Алматымыз шынында, Алатаудың қырында

Әншілердің әнінде, ақындардың жырында

Ән «Жау,жау, жаңбыр»

Ойын: «Жаңа құрылыс» Алматы қаласын аудан бойынша бөліктерге бөлу. Сол бөліктерді аудара отырып, берілген тапсырмаларды орындау арқылы қалаға жаңа ғимарат салу. Тапсырмалары:

Қала көшелерін ата.

1986 жылы саяси оқиға қай қалада өтті?

Қала әкімі кім?

Тәуелсіздік қашан, қай қалада жарияланды?