Алтыбақан ойын-сауық кеші үйірме жетекшілеріне

Алматы облысы Алакөл ауданы «Үшарал қалалық балалар шығармашылық орталығы» МКҚК Тақырыбы: «Алтыбақан» ойын – сауық кеші Домбыра үйірмесінің жетекшісі Ахметова Назерке Токтарбаевна

1-жүргізуші: Армысыздар, халқымыздың ән мен жырын, биі мен күйін, мағыналы сөзін сүйер қадірлі қонақтар! 2-жүргізуші: Жылдардың да жұлдызды жылы болады, айлардың да айшықты айы болады, күндердің де естен кетпес елеулі күні болады демекші бүгін біздің мектебімізде естен кетпес тамаша күндердің бірі «Алтыбақан» кеші!

«Елге сәлем» әні орындалады. 1-жүргізуші: Бабамыздан қалған бізге көп мұра, Көнеру де тозу оған жоқ сірә Алтыбақан серік болған сан ғасыр, Өнерімнің өсуіне сол куә 2-жүргізуші: Сәлем достар ешбір жерде тартынба Жалында жас құрметтеген қартын да Сендер үшін алтыбақан құрулы Аясында ән мен күйдің жарқыра Халық әні. 1-жүргізуші: Нұр-Әділ, өзің білесің қазақ халқының тәрбиесі әлемде теңдесі жоқ тәрбие.

2-жүргізуші: Дұрыс айтасың, Аяулым жалпы «ұлттық» деген сөздің астарында елге, жерге, тілімізге, дінімізге деген құрмет жатыр. 1-жүргізуші: Ал, осы ұлттық тәрбиені бала бойына сіңіруде үйдегі үлкен ата-апаларымыз, әкелеріміз, аналарымыз және мектептегі ұстаздарымыздың атқарар еңбегі ерекше. 2-жүргізуші: Ендеше, дастархан басындағы апаларымыздан бала тәрбиесіне байланысты ырым-тыйымдар жайында айтып беруін сұрайық.

Дәстүрін дәріптеп, салтын сақтаған атам қазақ ырым- тыйымдары арқылы тәрбие берген. Ырым-тыйымның пайдасы да ұшан-теңіз...

Қыз өкпелегіш болса – ырысы кем болады. Жеңілтек болады деп қыз баланы қырқынан ерте шығармайды. Қыз баланың бір тал түскен шашын кез келген жерге тастамайды, құс іліп кетсе, бас ауруына шалдығады. Қазақ баланы санамайды және санын айтпайды. Қыз балаға шашы өссін деп желке жегізеді. Бала ортан жіліктің майын жесе – ата-анаға мейірімсіз болады. Қонақ қызды үй иесі төрге шығарса, сол үйге құт келеді деп ырымдаған. Қыз бала дауысын қатты шығарып күлмейді. Қыз бала түнде шашын жаймайды. Сәби шалқасынан алаңсыз ұйықтаса – елге белгілі азамат болып өседі, бүк түсіп ұйықтаса – уайымшыл, жігерсіз болып шығады, етпетінен жатып ұйықтаса – ойшыл болады. Егер аяқ-қолын еркін созып ұйықтаса – болашақта батыр болады, бұл – кемеңгерліктің белгісі. Шөбересінің алақанынан су құйып ішкен қарт жұмаққа барады. Балаға асық етін мүжітпейді. «Алты жыл аш болсаң да асық етін мүжіме» деген сөз бар. Тілдің ұшын жесе – сүйреңдеп сөйлей беретін болады деп ырымдаған. Баскиімді кез келген жерге тастамайды, аяққа баспайды, астыға басып отырмайды, аяққа кимейді. Олай жасаса, бастан бақ таяды, бас ауруына тап болады. Міне балалар, қазақ халқының бала тәрбиесіне байланысты осындай ырым-тыйымдары бар. Сендер де осыл

«Наурыз» күйі.

1-жүргізуші: Жақсы дәстүр жалғасын тауып жатыр, Алатаудың аялы саясында Жас ұрпақ ойын-сауық құрып жатыр Тербеліп алтыбақан аясында 2-жүргізуші: Қасиеттің бәрі керек адамға, Жұмбағы көп мынау үлкен ғаламда. Әрі тапқыр, әрі өнерлі жастарым ,