Алтын күз әсем айналам тақырыбындағы мерекелік сценарий

«Алтын күз әсем айналам»

Жүргізуші: Құрметті ата-аналар, ұжымдастар. Күз өзіндік ерекшеліктері бар өте әдемі жыл мезгілі. Күз мезгілі байлық, молшылық, береке, шаттық, қуаныш, сыйлайтын мезгіл. Жапқандай жапырағы сіздерді, Қуантып байлығымен ізгі елді. Бір тойдырып қайту үшін біздерді, Сабырлы, сары алтындай күз келді - дей келе №10 топ бүлдіршіндерінің «Алтын күз әсем айналам» атты ертеңгілігін ашық деп жариялауға рұқсат етіңіздер.

(әсем әуенмен балалар кіреді)

Жүргізуші: Нұрға бөлеп өмірді,

Жырға бөлеп көңілді.

Жарқыраған сәулелі,

Күзгі әуен төгілді.

Ән: «Алтын күз»

(Балалар отырады, тарсылдаған жаңбырдың дауысы естіледі).

Жүргізуші: Ой, балалар! Естіп тұрсыңдар ма? Жаңбыр жауайын деп тұрған сияқты.

(Жаңбырдың даусымен залға бұлт кіреді).

Бұлт: Сәлеметсіңдер ме, балалар!

Балалар: Сәлеметсіз бе!

Жүргізуші: Сәлеметсің бе, бұлт! Біз сені көргенімізге қуаныштымыз.

Бұлт: Күзгі көк бұлт мен болам,Көтеріліп теңізден,Аспанға биік барамын,Қаласам қазір сендерге,Жаңбыр болып жауамын.(Балаларға жаңбыр шашады).

Жүргізуші: Жаңбыр жаумай тоқтай тұр,Дабылыңды соқпай тұр.Саяғыңды түгендеп,Үйіріңді соқпай тұр! -Балалар біз су болып қалмау үшін әдемі қолшатырларымызды алып жүреміз. Кәне, балапандарым, Бұлт досымызға би билеп берейікші.

Би: «Қолшатыр»

Бұлт: Рахмет, балалар. Қандай керемет би!

Жүргізуші: Бұлт енді сен балалардың күз мерекесіне арнаған тақпақтарын тыңда.Алмаз Хан: Алтын нұрдай тамшылап, Жапырақтар төгілді. Біздің өмір таңшуақ, Біздің өмір көңілді. Ғанибек: Алма,өрікті қамбаларға, Толтырды әкеп алтын күз. Гүл болып та Ақтауыма, Байланыпты алтын күз. Дастарқан да таба нанға, Айналыпты алтын күз. Бекарыс: Мерейлі күз, мырза күз, Сыйлығына ризамыз. Аппақ арай таңында, Шомыламыз нұрға біз. Жанель: Жомарт көңіл, жарқын күз, Берекесі елімнің. Қош келіпсің алтын күз. Құт қоңағы төрімнің. Батырхан: Күзім ау, күзім ау, Мінезің бұзық ау. Жаңбырың сіркіреп, Жүргенің қызық ау. Салтанат: Үйрек-үйрек, қаздары, Шулайды көл қорғаны. Дәурен өтіп жаздағы,

Күздің желі соғады. Кейде құйын өтеді, Тозаңдатып жан-жақты. Кейде құйын кетеді, Доп қылып ап қаңбақты. Мансур: Жаздай күткен бәріміз Сары алтындай сары күз, Алтын ұя бақшада, Ойын бастар шағымыз. Рамадан: Жайдарлы күз, жарқын күз. Аяулы күз, алтын күз. Дәнге толы кең далам. Дариядай шалқар күз. Бұлт: Қандай әдемі тақпақтар! Рахмет балалар. Балалар сендер жаңбырдан қорықпайсыңдар ма? Балалар: Жоқ Бұлт: Аяқтарыңды сулаймыз деп қорықпайсыңдар ма? Балалар: Жоқ Бұлт: Балалар қалай сендердің барлықтарың батылсыңдар? Менімен ойын ойнағыларың келе ма? Балалар: Иа Бұлт: Ендеше «Кім жылдам?» ойынын ойнайық. Ойын: «Кім жылдам?» Шарты: Балалар екі топқа бөлінеді. Балалардың қолдарына қолшатыр, аяқтарына галош кигізеді. Екі топ жарысады. Қайсы топ бірінші келсе, сол топ жеңіске жетеді. Бұлт: Балалар барлықтарың жылдам және шапшаң екенсіңдер. Жүргізуші: Бұлт, сенімен өте көңілді. Балалар сенімен ойнады, күлді, бірақ бізге әлі де біреу жетіспейтін сияқты. Бізде күн жоқ екен. Қане, балалар, бәріміз мейрамымызға күнді қонаққа шақырайық. (Балалар орындарына отырып, қолдарын шапалақтап, аяқтарың тыпырлатып, күнді шақырады). Күн келеді.

Күн: Сәлеметсіңдер ме балалар? Сендер мені шақырдыңдар ма достарым?Балалар: Сәлеметсіз бе. Иә.Жүргізуші: Сәлеметсің бе, Күн! Шуағыңды шашып, ңұрыңа бөлеп келгеніңе қуаныштымыз.

Күн: Мен жарқырап төбеде,Нұрын төгіп тұратын.Шуақ шашып бәріне,Бала жанын ұғамын.