Алтын күз ертеңгілігі тәрбие сағаты мектепке дейінгі балалар

Берекелі Алтын күз ертеңгілігі.

Жүргізуші: Сәлеметсіздер ме,құрметті ата-аналар,балалар,ұстаздар!

Балалар ел байлығын арттырған берекелі күз айы да келіп жетті.

Тілегім аман болсын ел іргесі,

Алтын күз қайта келді берекесі.

Молшылықтың жаршысы бола білді,

Алтын күз ырыс,береке,бірлік ала келді.

Армысыздар, ағайын, бүгінгі шағын тобымыздың дайындаған «Берекелі алтын күз» атты ертеңгілігіне қош келдіңіздер! Сіздерге әрқашан осы күз мезгіліндегідей молшылық тілейміз! Ал балалар, берекелі де ырысты алтын күз құрметіне арналған мерекемізді бастаймыз.

Жүргізуші: Жарайсыңдар, балалар! Балалар, тыңдандаршы, бұл не шу? (Осы кезде әдемі әуенмен Күз ханшайымы келеді. Қолында жеміске толы себет, үсті толы сары жапырақ, басында жеміс тағылған әдемі бас киім.

Күз ханшайымы: Сәлеметсіздер ме, балалар,ата-аналар мен қонақтар!Бүгін сіздерде мереке болып жатыр екен,мен сендерге құр қол келген жоқпын,жомарт күз сыйын ала келдім.(қолындағы ыдыстағы жемістерді жүргізушіге ұсынады.)Ал мен балалардың білімдерін байқап көргім келеді,ол үшін мен жұмбақ жасырамын сендер шешіп көріңдер.(Жұмбақ жасыру)

Жиын-терін болатын,

Қамбаға астық толатын.

Қызыл қырман ойнайтын,

Қай мезгіл деп ойлайсың? (Күз )

Жазда тұрып жоғары,

Күзде жерге қонады.(Жапырақ)

Жерге тырс-тырс тамады,

Сайға қарай ағады.

Шешуін кім табады? (Жаңбыр)

Жүргізуші: қымбатты Күз ханшайымы! Біздің балалар да күз туралы тақпақтар мен өлеңдер айтады. Сіз жайланып отырып, балалардың өнерін тамашалаңыз.

Ән: «Жау-жау-жаңбыр» орындайтын топ балалары

Ыбырай: Жомарт көңіл,жарқын күз,

Сары алтынға малынған.

Жетті міне алтын күз,

Көптен күтіп сағынған.

Албина: Келістіріп бар сәнін,

Берген өзің табиғат.

Алтын күзді ал кәне,

Қарсы алайық жамағат.

Нұрберген: Жемісі мол теретін,

Күз дос екен бізбенен.

Бәрін тауып беретін,

Жомарт екен күз деген

Ақмира: Күз айы тамаша,

Ән айттық жаңаша.

Би билеп бәріміз,

Қуанайық балаша.

Ақниет: Жомарт көңіл жарқын күз,

Берекесі халқымның.

Қош келіпсіз алтын күз,

Құт қонағы төрімнің.

Ән; «Күзгі вальс». Орындайтын: Нұрланқызы Қарақат

Алфия: Ой,балалар,балалар,

Қоңырқай күз келіпті.

Қурап жапырақ солыпты,

Ел егінін орыпты.

Жанай: Жоғары шық,кел төрлет!

Абыройсың, бағың –бұл.

Көңілдерді ән тербеп,

Арналады саған жыр.

Ән: «Ата-ананы тыңдаймыз!» орындайтын Алмасұлы Жанай

Фариза: Алтын,сары,қызыл,көк,

Алуан-алуан жапырақ.