Алтын күз мектепке дейінгі балаларға арналған материал

Тақырыбы: « Алтын күз! »

Мақсаты: күзгі табиғат ерекшеліктерімен таныстыру,көгөністер мен жемістерді ажырата білуге үйрету.Балаларды өз еркімен нақты жауап беруге жаттықтыру.Ойлау қабілетін,сөздік қорын молайту. Балалардың қызығушылықтарын арттыру.

Қажетті құралдар: шарлар, түрлі-түсті жапырақтар жеміс жидектер атрибуты

Өткізілетін орын: Залда.

Өтілу барысы: Зал ішін безендіру, музыка ойнап тұрады.

Тәрбиеші: Құрметті әріптестер,балабақша тәрбиеленушілері, бүгінгі «Алтын күз» атты ертеңгілікке қош келдіңіздер!

Тәрбиеші: Береке бақ дарыған,

Жомарт көңіл, жарқын жүз.

Сары алтынға малынған,

Жетті міне, алтын күз!

Иә,балалар табиғаттың бізге берер байлығы мен берекесін сыйлауға сары алтын күзіміз тағы келді,мерекеміз құтты болсын!

Бүгін біздің зал қандай әдемі,түрлі –түсті жапырақтарға толы. Балалар,бүгін бізде қандай мейрам?

Балалар:Күз мейрамы.

Тәрбиеші: Балалар есікті кім қағып тұр екен?

Залға Күз ханшайымы кіреді.

Балалар: амандасады.

Күз ханшайымы:Ой, балалар ,балалар,

Қоңырқай күз болыпты.

Қурап жапырақ солыпты,

Ел егінін орыпты.

Алма,өрік,шиелер,

Себептерге толыпты.

Тәрбиеші:Кәне,балалар біз өз өнерлерімізді ортаға салайық,

Сұрақ-жауап:

Тәрбиеші: Бір жылда неше мезгіл бар?

Балалар:Төрт мезгіл ( қыс, көктем, жаз ,күз)

Тәрбиеші:Қазір қай мезгіл?

Балалар: Күз мезгілі.

Тәрбиеші: Күз-осень

Тәрбиеші: Даладан қандай өзгерістерді байқадыңдар?

Балалар: Ағаштардың жапырақтары сарғайып,жерге түсуде,ауа райы суытып,құстар жылы жаққа ұшуда.

Тәрбиеші: Олай болса суретке қарап әңгіме құрастыруға кезек берейік.

Балалар: Кезекпен шығып суретке әңгіме құрастырады.

Тәрбиеші:

Міне,келді алтын күз,

Сары шашу шашқандай.

Берекелді дастархан,

Дәмді болды ас қандай.

Тақпақтар:

Күзім,күзім,күзім

Пісті алма,жүзім.

Тұрғанда бәрін күз беріп,

Кел алайық, біз теріп. ( Інжу )

Алтын,алтын, сары алтын

Алтын күзде нұр жатыр

Ақ бидайды оратын

Алақай-ау күн жақын ( Нуралы )

Қуандырып біздерді,

Мерекелі күз келді.

Кел,жемісті Алтын күз,

Кемелденсін халқымыз . ( Алишер )

Күз келіпті дегенше,

Жеміс пісті дегейсің.

Бағымызда ендеше,

Алма теру көбейсін,

Көбейді құт-береке. ( Азиза )

Дөп-дөңгелек сары,

Ішінде бар дәні.

Қызығасың көріп,

Оның аты-өрік. ( Мирас )

Тәрбиеші: балалар жұмбаққа кезек берейік

1.Көкпеңбек еді көктемде,

Қызарды күзге жеткенде. ( Алма )

2.Қалың киім ұнатады,

шешіндірсең жылатады. ( Пияз )