Алтын күз мерекесіне арналған балабақша материалы

Топтың іші әсем безендірілген.Қолдарында жапырақтар ұстаған балалар топқа кіреді.

Күз ханшайымы ортада билеп, ән салып жүреді.

Тәрбиеші: Балалар біз күз еліне келдік. Бізді Күз ханшайымы тосып жүр екен.

Күз ханшайымы: Ой, сәлеметсіңдер ме?

Балалар: Сәлеметсіз бе, Ханшайым!

Күз ханшайымы: Хош келдіңдер күз еліне, төрлетіңдер.

Тәрбиеші: Балалар қәзір жылдың қай мезгілі?

Балалар: Күз мезгілі.

Күз ханшайымы:Жарайсыңдар балалар!

Күз ханшайымы: Қане, балалар маған қандай өнер көрсетесіңдер?

Тәрбиеші: Біздің балалар өнерлі, Күз ханшайымы біздің балалардың сізге арнаған ән,тақпақтары бар.

Балалардың әні:

Ән «Жемістер мен көкөністер »

Жеміс толы бақтарда

Алма,алмұрт көп мұнда

Жинаймыз да тереміз

Себетке біз саламыз

Ля-ля-ля-ля-ля-алма

Ля-ля-ля-ля-ля-алмұрт

Бақшамыз да өнеді

Қияр,сәбіз көп енді

Жинаймыз да тереміз

Себетке біз саламыз

Ля-ля-ля-ля-ля-қияр

Ля-ля-ля-ля-ля-сәбіз

Тәрбиеші: Балалардың жаттаған тақпақтарына кезек берейік!

Балалардың тақпақтары:

Жемісі мол теретін

Күз дос екен бізбенен

Бәрін тауып беретін

Жомарт екен күз деген. (Алихан)

Армысындар халайық

Бармысындар халайық

Күзгі тойды жұп жазбай

Бірге қарсы алайық. (Ғ Нұрәлі)

Берекесін сыйлауға

Өлкемізге күз келді

Жемістерін жинауға

Шақырады біздерді. (Әміре)

Сарғайды тоғай

Сап-сары маңай

Соңғы әнін айтып

Құс кетті қайтып. ( Ислам)

Мен жүзіммін, жүзіммін

Моншақ болып тізілдім.

Сары күзде үзіліп

Себетке кеп тізілдім. (Жанәли)

Шиемін мен,шиемін

Піскенше тон киемін

Бала келсе жаныма

Басымды мен иемін. (Мерей)

Жемісі мол теретін

Күз дос екен бізбенен

Бәрін тауып беретін

Күз дос екен бізбенен. (Арлан)

Жапырақ ұшты

Суықта түсті

Сондада бізге

Қызық көп күзде. (Асылжан)

Көбейсін құт береке

Астық толы қамбамыз

Құтты болсын мереке

Алтын күзді тойлаймыз. (Алдияр)

Алтын күз

Күтеміз біз сені

Төріміз сіздікі

Келіңіз, келіңіз. (Нұрәлі)

Мен өрікпін,өрікпін.

Табиғатқа көрікпін. (Арсен)

Алтынға бояап өңірді

Күзде келді көңілді.

Сары жапырақ төгілді. (Айдана)

Күз дос екен бізбенен,Бәрін тауып беретін.Жомарт екен күз деген,

Алтын дәмін беретін. (Бейбарыс)

Алтын сары қызыл көк

Алуан-ауан жапырақ

Күзгі бақта күлімдеп

Көз тартады абдырап. (Айнамкөз)

Жапырақ ұшты

Суықта түсті

Сондада бізге,

Қызық көп бізде. (Мадияр)

Күз ханшайымы:Өте тамаша айттыңдар тақпақтарыңды