Алтын күз мерекесіне арналған ойындар мен сценарий

«Алтын күз» ертеңгілігі.

Жүргізуші: Құрметті ұжымдастар, кішкентай бүлдіршіндер. Біздің «Ботақан» тобында ұйымдастырғалы отырған «Алтын күз» атты мерекелік ертеңгілігімізге қош келдіңіздер. Сіздерді мерекелеріңізбен құттықтаймыз. Күз мезгілі барлық үйге молшылық алып келсін.

Уа,халайық,халайық,

Мұнда назар салайық.

Алтын күзге арналған,

Кешімізді бастайық.

(Әдемі әуенмен ортаға «Ботақан» тобының бүлдіршіндері кіреді)

Жүргізуші: Кәнекей, балалар қонақтармен амандасайық.

Балалар: Сәлеметсіздер ме.

Жүргізуші: Балалар,қараңдаршы біздің тобымыз қандай әсем безендірілген. Балалар айналадан нелерді көріп тұрсыңдар?

Балалар: Жапырақтар

Жүргізуші: Ия,балалар бізге көптеген жапырақ ұшып келіпті. Ал жапырақтардың түстері қандай?

Балалар: қызғылт сары, жасыл, сары.

Жүргізуші: Ия, балалар түрлі-түсті алуан-алуан жапырақтар бар екен. Балалар сендерде өте әдемі болып келіпсіңдер. Қандай әсем балалар.Балалар не үшін сіздер әдемі болып киініп келдіңіздер?

Балалар: Мерекеге.

Жүргізуші: Ия, балалар бүгін күз мерекесі. Балалар күз мезгілінде ауа-райы қандай болады?

Балалар: Күн салқын болады, жапырақтар түседі, жапырақтар сарғаяды, жаңбыр жауады.

Жүргізуші: Кәне,балалар орнымыздан тұрып күзгі жаңбыр туралы ән айтайық.

Ән: «Кап-кап»

Жүргізуші: Өте жақсы, балалар. Кәнекей, балалар ойын ойнағыларың келе ма?

Балалар: Ия

Ойын: «Құстар қанат қағады»

Шарты: Ортаға балалар шығады.Жүргізуші нұсқауы бойынша құстар болып ұшады. Балалар құстар болып ұшып жүрген кезде жаңбыр жауып кетеді. Балалар қолшатырдың астына тығылады. (2 рет)

Жүргізуші: Балалар ойын ұнады ма?

Балалар: Ия

(Есік қағылады)

Жүргізуші: Балалар бізге қонақ келген сияқты. Кәне қол шапалақтайық. Кәне біздің қонағымыз.

Қызыл телпек: Сәлеметсіңдер ме, балалар. Мен орманнан келе жатқан Қызыл телпекпін. Мен сіздерге тосыр сый дайындадым. Менің себетімде не бар екенін білгілерің келе ме? Ендеше мен сендерге жұмбақ жасырайын. Сендер мұқият тыңдаңдар.

Жұмбақ: Жазда жайқалып өседі,

Күзде сыбдыр-сыбдыр түседі. (Жапырақ)

Қызыл телпек: Дұрыс айтасыңдар. Бұл-жапырақтар. Кәне қыздар ортаға шығып екі-екіден жапырақтарды алып тұрамыз. Қолымызды жоғары көтеріп әдемі би билейміз.

Би: «Жапырақтар» биі.

Қызыл телпек: Балалар жапырақтар қайда кетті. Мен көрмей тұрмын. Кәне үрлеп көрейінші.

(Балалар орындарына отырады)

Қызыл телпек: Өнерлі балалар екенсіңдер. Маған сіздердің билерің өте ұнады. Тағы да қандай өнерлерің бар?

Балалар тақпақ айтады.