Алтын күз мерекесіне арналған тәрбие сағаты балабақша

Тақырыбы: «Алтын күз»

Мақсаты:Күз мезгілінің ерекшеліктерін ұғындыру.Күз өнімдерімен таныстыру,олардың ағзаға пайдасын түсіндіру.Мерекелік көңіл—күй орнату.Балаларды ән салуға,би билеуге ,түрлі іс-әрекеттерге тарту,бейімділіктерін арттыру.Шығармашылық ой-қиялдарының дамуына ықпал ету.Ата-аналармен тығыз қарым-қатынас қалыптастыру.

Жүргізуші: Келді міне Алтын күз,

Сары шашты жарқын жүз.

Мол өнімді ісімен

Таңдандырып халқын күз!

Армысыздар ағайын!

Сәлеметсіздер ме,қадірлі қонақтар!Бүгінгі берекелі де ырысты Алтын күз құрметіне арналған мерекемізді бастаймыз.

Балалар,қазір жылдың қай мезглі?

Күз мезгілінде неше ай бар екен?

Күзде біз ауа райынан қандай ерекшеліктерді байқаймыз?

Олай болса алтын күз мерекесін әдемі әнімізбен ашайық!

Ән «Кап-кап»

Жүргізуші:Жарайсыңдар балалар ,орындарыңа жайғаса қойыңдар!

Балалардың тақпақтары

Қадіржан:Сары жапырақ төгілген

Тоғайды да көрдім мен

Енді сары бояумен

Күз суретін салам мен.

Ибрахим:

Жемісі мол теретін

Күз дос екен бізбенен

Бәрін тауып беретін

Жомарт екен күз деген

Айса:

Сары ала тон жамылған

Күз атамыз секілді

Қойны толы дәмді нан

Тәттісі көп не түрлі

Сабыржан:

Күзде жауын.Бұлт.Тұман

Сары жапырақ жауады

Сары құйын ұйытқан

Сапырады ауаны.

Әділет:

Алтын,сары,қызыл,көк

Алуан,алуан жапырақ

Күзгі бақта күлімдеп

Көз тартады атырап.

Аяулым:

Ой,алақай тамаша!

Шашу шашты жапырақ.

Бақтың іші алаша

Аунар ма едім жатып ап

Жасмин:Берекесін сыйлауға

Өлкемізге күз келді.

Жемістерін жинауға

Шақырады біздерді.

Жүргізуші:

Ал,балалар,балалар,

Енді бері қараңдар.

Бізге қонақ келмекші

Сендерді бір көрмекші

Әуелі жұмбақ жасырам,

Қулығымды асырам.

Таба алсаңдар шешімін,

Қонағымды дәл ортаға шақырам!

Өрік ,Алма,

Жидек ,жүзім піседі.

Қауын,қарбыз,

Қияр,сәбіз дүкендерге түседі.

Астық пісіп,орақ түсіп.

Қырман дәнге толады.

Бөбектерім айтыңдаршы,

Бұл қай кезде болады?

(Күз мезгілі)

Өте жақсы.Ендеше уәде еткеніміздей ортаға қонағымыз -Алтын күзді шақырайық!

Алтын күз: Сәлеметсіздер ме балалар!

Сәлеметсіздер ме қонақтар!

Мен- Алтын күзбін!

Жайдарлы жарқын жүзбін.

Қонаққа келдім сендерге.

Сәбіз,картоп,тәтті алма!

Оған достым таң қалма!

Жапырақ та сиқырлы

Ойын ойнар түр -түрлі!

Жүргізуші: Рахмет,саған алтын күз!

Қабыл алдық сыйды біз!

Отырыңыз жайғасып!

Ал,ендеше балалар,бекер қарап түрмаңдар.

Жапырақпен сиқырлы,ойынды тез ойнаңдар.

Ойын: «Кім тез жапырақтарды жинайды?»

/балалар қызыл ,сары жапырақтарды түстеріне қарай жинайды/