Алтын күз тақырыбындағы мектепке дейінгі ойындар сценарийі

№62 «Нұрсәуле» балабақшасы

Тәрбиеші: Набиева Қыдыркул Усенбековна

Мерекеге сай зал іші күзгі жапырақтармен безендірілген. Балалар ортаға әсем әуен ырғағымен зал ішіне кіреді.

Жүргізуші:- Сәлеметсіздер ме, қадірлі қонақтар! Бүгін біз жыл мезгіліндегі ең тамаша-«Алтын күз, әсем айналам, Еліне береке сыйлаған » атты ертеңгілігімізге қош келдіңіздер! Баршаңызды бүгінгі «Алтын күз!» мерекесімен «Балауса» тобы құттықтайды!

Балалар: - Жер берді жемісті,

Күз келді келісті.

Күз байлық, береке.

Алтын күз мереке!

Жүргізуші: - Бүгін мейрам, бүгін той,

Қуаныш күн біліп қой.

Күзгі бақтай сыңғырлап,

Алақанды соғып қой.

Ән: «Келді міне күз» әні.

1 бала: - Осень наступило,

Высохли цветы.

И глядят уныло,

Голые кусты.

2 бала: - Келді міне күз,

Айнала сары түс.

Керемет, тамаша,

Қандай әсем күз - деп, мерекеміздің сәнін келтіретін Күз ханшайымын ортамызға шақырайық!

(Осы кезде әуенмен Күз ханшайымы ортаға билеп шығады, қолында күзгі базаларлығы бар)

Күз ханшайымы: - Армысыздар, балалар!

Күзгі бақтағы қонақтар!

Өздеріңе әкелдім,

Күздің сыйын көз тартар.

Жүргізуші: - Сәлеметсіз бе, Алтын күз. Көп рахмет сізге, Күз ханшайымы, мына сыйлықтарды балаларға берсек бола ма?

Күз ханшайымы: - Жоқ менің әкелген сыйымды балалар еңбек етіп алулары керек. Мысалға балалар осы жеміс жидектер туралы тақпақтар біле ме?

Балалар: -Иә.

Жүргізуші:- Олай болса келесі кезекті жемістер мен көкеністер туралы тақпақтарға берейік.

1 бала:- Мынау жүзім, жаным,

Сөлі балдай шырын.

Тәттілігін біледі,

Ара менен шыбын.

2 бала: -Мынау алмұрт ақылдым,

Күзде жинап алатын.

Балбыраған біруін,

Жесең тойып қалатын.

3 бала: -Пияз бізге келе ғой,

Пияз бізбен билей ғой.

Алақан соқ- соқ,

Аяқпен топ- топ.

4 бала:- Піскен кезде құлпынай,

Қандай әсем, шіркін ай.

Қарай бергің келеді,

Дүркін, дүркін, дүркін ай.

5 бала:- Картоп біздің атымыз,

Жер астында жатамыз.

Бір тамырдан тараған,

Ағайынбыз бәріміз.

6 бала:- Шиемін мен шиемін,

Күннің көзін сүйемін.

Қышқыл шырын менде бар,

Төмен басты иемін.Жүргізуші:- Бүлдіршінмен бәріміз,

Отбасындай бір ұямыз.

Береміз ендеше,

Би өнеріне кезегін –деп, ортада бір топ бүлдіршіндерімізді қарсы алайық.

Би: «Жапырақтар» биі.

(Осы кезде әуенмен саңырауқұлақ кіреді)

Саңырауқұлақ: -Сәлеметсіңдер ме, балалар мені таңыдыңдар ма?

Балалар: -Иә.

Саңырауқұлақ: -Мен сендерді мейрамдарымен құттықтауға келдім. Мен ормандағы ең үлкен саңырауқұлақпын мен бәрін-бәрін білемін. Шын айтамын. Балалар сендер де, бәрін білетін боларсыңдар. Мен сендерге бірнеше сұрақтар қойғым келіп отыр.…