Алтын күзге арналған әдістемелік материал тәрбиешілерге

Бекітемін: ___________

балабақша меңгерушісі

Айтимова. Қ . С

Алтын күз Мақсаты: Күз мезгілінің ерекшеліктерін ұғындыру. Күз өнімдерімен таныстыру, олардың ағзаға пайдасын түсіндіру. Мерекелік көңіл – күй орнату. Балаларды ән салуға, би билеуге, түрлі іс - әрекеттерге тарту, бейімділіктерін арттыру. Шығармашылық ой - қиялдарының дамуына ықпал ету. Барысы: Бөлме мерекеге сай безендірілген. Жүргізуші: Әсем әуен ырғағымен балаларды «Алтын күз» мерекесін тойлауға шақырады.

Жүргізуші: балалар күз мезгілі келіп жетті.

Балалар күз мезгілінде ауа-райы қандай болады?

Балалар күз дегеніміз, байлық, молшылық. Астық, қауын, қарбыз, картоп, пияз, сәбіз, алма, алмұрт, жүзім күзде әбден пісіп жетіледі. Әне қарандаршы дала да егін де, ағаштар да бәрі сап-сары. Сондықтан да халық күзді. «Алтын күз» дейді.

Залға қолында жеміс- жидек салынған кәрзеңкесі бар Алтын күз кіреді.

Күз: Сәлем, өрен достарым,

Алақанды тос бәрің.

Қызығыма қараңдар,

Ән салыңдар, күліңдер.

Жайнап гүлдей жүріңдер,

Кел күз тойын тойлайық.

Би-билейік ойнайық!

Жүргізуші: Сәлем, сәлем, Алтын күз,

Жаны жомарт жарқын күз!

Қош келдің, Алтын күз! Өзіңмен бірге береке, байлық, мол ырыс әкелгеніңе біз де қуаныштымыз. Енді балалардың өзіңе арнаған өнерлерін тамашала. Біздің балалардың өзің туралы тақпақтары да, әндері де, ойындары да көп. Біз саған арнап тақпақтар айтып береміз.

Балалар сендер күз туралы тақпақтар білесіңдер ме?

Балалар: Иә білеміз.

Олай болса келесі кезекті балаларымыздың тақпақтарына берейік.

Әдемі: Алақай, алақай!

Шаттанды балақай.

Күз түсті, дән пісті,

Айтамыз алғысты.

Айсұлтан: Жер берді жемісті,

Күз келді келісті.

Күз-байлық, береке,

Алтын күз- мереке!

Алинұр: Алтын, сары, қызыл, көк-

Алуан-алуан жапырақ.

Күзгі бақта күлімдеп,

Көз тартады атырап.

Ал, балалар, тұрмайық,

Қол соғайық ұрайық.

Күзгі бақта бүгінгі,

Шырқап әнге салайық.

Ән: «Күз»

Күз: Рахмет, бүлдіршіндерім, мен туралы әсем ән, әдемі тақпақтар айттыңдар. Ал мен сендермен бір ойын ойнағым келіп тұр. Ойын ойнағыларың келе ме?

Балалар: Иә.

Күз: Олай болса мен сендерге ойынымыздың шартымен таныстырайын.

Ойын: «Кім көп жапырақ жинайды?»

Күз: ойын шартымен таныстырып, ойында жеңген баланы атап, мақтаулар айтады.