Алтын нұрлы анашым атты тәрбие сағаты, 2 сынып

Хлебодаровка орта мектебі

Ашық тәрбие сағатының тақырыбы:

«Ақ жарқын – жан анам»

Өткізген: Г.А.Қалиева

2015-2016 оқу жылы

Тәрбие сағатының тақырыбы: «Ақ жарқын – жан анам»Мақсаты: 8 наурыз Халықаралық әйелдер күні мерекесінің салтанатын сезіндіру. Анаға деген махаббаттарын арттыру.

Аналар мен қонақтар төрден орын алады. Сынып жетекшісінің кіріспе сөзі./ музыка сәл ғана естіліп тұрады/

Мұғалім: Ана- барлық өмірдің бастауы. Ол адамды өмірге әкеледі, оны тәрбиелейді,өсіреді. Адам бойындағы барлық асыл қасиет күннің нұрынан, ананың ақ сүтінен дариды. Ана -ұлы адам, Ана-құдіретті жан ,ендеше бүгінгі мерекелеріңіз құтты болсын, Аяулы аналар!!! Арулар! Сіздерді әйел жанымен байланысты тамаша көктем мерекесі – 8 Наурыз мерекесімен шын жүректен құттықтаймын! Алғашқы көктем мерекесі Жер бетіне өмір сыйлаушы нәзік, ақылды, сымбатты, мейірімді жандарға арналғаны қандай тамаша мереке ! Тәуелсіз еліміз тұрғындары ертеңгі күнге сеніммен қарайды. Бұл сенімділік қойылған мақсаттарға қол жеткізуге және ауқымды жоспарларды іске асыру мүмкіндігіне көмектеседі. Әлемдегі ең асыл жан ол – Ана десек , жүрегімізде сүйікті жанға деген маххабат сезімі оянады. Ана бұл аяулы да мейірімді жан. Баланың тілі шыққаннан –ақ бірінші сөзін ана деп айтады. Өмірдің есігін ашқаннан соң осы өмірдегі өзіңнің жан анаңды көресің. аяулы аналарымыздың құрметіне оқушыларымызды «Ана туралы жыр» әнін мерекелік шараның тұсауесері ретінде қабыл алыңыздар. Хор:»Ана жыры» әні/Аналарға арналған өлеңдер оқылады/Нұржайна

Мерекеңіз құтты болсын анажаным,Өзіңменен атып келед әрбір таңым.Өмірде сенен асқан жан бар ма екен,Алтын анам, аяулы менің, ақ мамам.

Мына өмірде бақыт жоқ қой мен білсем,Анашымның еркелеткен сөзінен.Еркем, күнім деп қана күліп жүрсең,Бұдан өзге бақыт жоқ қой мен білсем.

Бекзат

Жамандықтан сақтандырып,Жақсы ісімді мақтан қылып.Мәпелелеген ақ мамамды,Жүрсем деймін шаттандырып.Еркелесем, күлімдейтін,Ұрысқаны білінбейтін.Маңдайымнан иіскеп менің,«Құлыншағым, күнім», - дейтін.

Аида:Құтты болсын осы шаттық күніңіз

Бақытты да,ұзақ өмір сүріңіз

Қуанышты жүзіңізбен әрдайым

Бұл өмірде күліп қана жүріңізАна деген асыл жандар,болаттай

Ана деген мөлдір жандар бұлақтай

О,адамдар ,қадірлей біл ананы

Жат қылыққа ақыл ойды талатпай

Мұғалім: Әке - өмірдің берік тірегі болса, ана - ағынды арнасы. Ана жаны сондай нәзік, ана жүрегі сондай ізгі, мейірімді. Нәресте шыр етіп дүниеге келгеннен бастап оны алақанына аялап, ақ сүт емізіп, әлпештеп баулитын - ана. Ананың асыл қасиеттерін аз ғана сөзге сыйғызу мүмкін емес. «Ана»деген сөздің қуаты дарияға тең. Ол сарқылмайды, ұмытылмайды, ескірмейді. Бала - ананың асыл арманы, алтын кені. Ендеше сол балаларыңыздың дайындаған шағын мерекелік сый тартуын қабыл алыңыздар. Ән: «Анаға сәлем» орындайтын Ақалмасұлы Саламат Орындайтын ұлдар тобы.Пародия «Алло»Жұбаныш:

Мерейлі сәт мерекеге ұласып,

Сегізінші наурыз келді қыр асып.

Қыз- келіншек, нәзік жандар мейрамы-

Көктемімнің шапағатын тұр шашып.

Құттықтаймыз аналарды, қыздарды,

Мерекеден шуақты бір із қалды.

Болсын әркез көтеріңкі көңілдер,

Нұрын шашсын мерекеге өңірлер!

Мансур:

Түн ұйқысын төрт бөлген,Қатем болса кешірген,Еркелетіп өсіргенАнам саған бас ием! Менің анам шуағым,Айтқандарын ұғамын.Мен өскенде анамдай,Ақылды боп шығамын

Ақкербез:

Ана десем алғыс алам халқымнан

Ана десем теңіз болам шалқыған

Ана десем ,ашылады қабағым

Ана десем әділдікті ұғамын

Біз ғана емес Қадір тұтқан бабалар

Аналардаң туған небір даналар

Ана деген тіршіліктің тірегі

Армысыздар,қасиетті аналар!

Мұғалім:

Азамат қуат алар ақ сүтіңнен, Мәпелеп әлдилеген пейілі кең. Аналық махаббатың кәусәр-бұлақ, Сөнбейтін ақ жүрегің мәңгі шырақ.