Алтын сақа сайысына арналған материал, 3-сынып

Мақсаты: Білімге деген көзқарасын қалыптастыра отырып, білім жарыстырып, ой шапшаңдығын, тіл шешендігін дамыту. Ұйымшылдыққа, ізденімпаздыққа, шығармашылыққа тәрбиелеу.

Түрі: сайыс сабақ.

Әдісі: өтілген материалды қайталау, сұрақ-жауап, деңгейлік тапсырма, ізденушілік.

Жүргізуші: Сәлеметсіздер ме ұстаздар!Айтар ойын тұспалдар. Біз оқытқан оқушылардың Сәті келді сыналар.

-Қош келдіңіздер, қадірлі ұстаздар, әділқазылар және оқушылар!

-Қымбатты білім сүйгіш жас достар!

1. «Жалғасын тап» ойыны. мақал

2. Сен білесің бе? Сұрақ-жауап алысу

3. «Ұшқыр ой» (Берілген әріптердің ішінен мағыналы сөздерді табу)

4. «Іздеген жетер мұратқа». (әдебиеттік оқу,қазақ тілі,математика,дүниетану)

5. «Ойлан тап» Жұмбақтар шешу.

6. Поэзия минуты.

Бұл сайыста әртүрлі қызықты сұрақтар мен тапсырмалар ұсынылады. Сайыста жеңу үшін сендер белсенділік танытып берілген сұрақтарға өзгелерден тезірек ойланып, жауап берулерің керек және тапсырмаларды дұрыс орындауларың қажет.

- Бұл сайыс-үлкен еңбек. Сондықтан сайыс кезінде өте ұқыпты, ойларың жинақталған болу керек және тәртіп сақталғаны жөн.

-Енді сайысымыздың өтілу ережесімен танысыңдар:

Жүргізуші: Құрметті ұстаздар сайысқа қатысатын жас өрендер! Бүгін оқушылар арасында өткізгелі отырған «Алтын сақа» интеллектуалдық сайысына қош кедіңіздер. Қазақ халқы ежелден салт-дәстүрін қастерлеген. Міне осы уақытқа дейін салт-дәстүріміз ұмытылмайды, сақталып келеді. Ендігі жалғастырушы келешек жас ұрпақтар. Жас өрендерге сәттілік тілейік.Адал еңбек алғыр ой анық досың біліп қой. Балалар біздің сабағымыз, ата салтын дәріптеген, ұлт жанды өрендерге арналады. Олай болса уақытты созбай, ұшқыр ойлы оқушыларымызбен таныс болайық

1-топ: Білімдері ақылына сай «Ойшылдар»тобын ортаға шақырайық

Айтқали Аяулым

Оңай Есбол

Іскендір Сабина

2-топ: Мыңнан тұлпар «Дарындылар» тобы ортаға шақырайық

Аманкелді Толғанай

Медел Нұртілеуді

Балықбай Алма

Жүргізуші: Әділ бағаға қалтасы толы,

Әділ-қазылармен танысайық.

1. Майра апайларың

2. Бақтыгүл апайларың

Балалар ертегіде алтын сақа кімнің қолында болушы еді мыстанның қолында. Бар білімімізді өнерімізді ортаға салып мыстанның қолынан алтын сақаны қайтарып алуымыз керек. Балалар шын мәнінде жүзден жүйрік мыңнан тұлпар нағыз мықты топ ғана алтын сақаны қайтарып алады. Олай болса сайысымызды бастаймыз.

1 сайыс. «Жалғасын тап» ойыны. (Мақалдар) 5 ұпай

«Ойшылдар»

1) Күш-білімде, білім-....... (кітапта)

2) Көп жасаған білмейді,- ....................................... (Көп көрген біледі)

3) Білім қымбат, .......... (білу қиын)

4) Ердің атын ............... (еңбек шығарады)

5) Ақыл-тозбайтын тон................................... (Білім-таусылмайтын кен)

6) Шебердің қолы .................. (көпке ортақ)

«Дарындылар»

1. Оқусыз білім жоқ, .............................. (Білімсіз күнің жоқ)

2. Еңбек ерлікке жеткізеді, .............................. (Ерлік елдікке жеткізеді)

3. Отансыз адам.............................. (Ормансыз бұлбұл)

4. Әдепті бала – арлы бала ..................(әдепсіз бала- сорлы бала)

5. Жақсы жолдас-жанға серік ............(жаман жолдас-малға серік)

6. Бірліксіз ел тозады, ..................(бірлікті ел озады)

2 сайыс. Сен білесің бе? Сұрақ-жауап алысу. 10 ұпай

«Ойшылдар»

1. Ата заңымыз қай күні, қай жылы қабылданды? (30 тамыз 1995 ж)

2. Бес асыл, бес дұшпан туралы өлеңді кім жазған? (А. Құнанбаев)

3. Жеті күнді атаңдар. (дүйсенбі, сейсенбі, сәрсенбі, бейсенбі, жұма, сенбі, жексенбі)

4. Түйе малының сүтінен дайындалатын сусын қалай аталады? (шұбат)

5.ҚР-ның мемлекеттік Елтаңбасының авторларын ата. (Шот-Аман Уәлиханов, Жандарбек Мәлібеков)

6.Біз қай облыста тұрамыз? (Маңғыстау)

7. Күйді орындайтын адамды кім дейді? (күйші)

8. Өз алдына дербес мемлекет. (Тәуелсіз)

«Дарындылар»

1. Ай атауларын ата. (қаңтар, ақпан, наурыз, сәуір, мамыр, маусым, шілде, тамыз, қыркүйек, қазан, қараша, желтоқсан)

2. ҚР-ның Мемлекеттік Туының авторы кім? (Шәкен Ниязбеков)

3. Президент халыққа не жолдады. (Жолдау)

4. Адам денесінде неше жұп қабырға бар? (12 жұп)

5. Тұңғыш «Әліппе» оқулығын жазған кім? (А. Байтұрсынұлы)

6. Қазақ балаларына алғаш мектеп ашқан кім? (Ы.Алтынсарин)