Алтыншы сыныпқа арналған тәрбие жұмысының жоспары

«Бекітемін» «Келісемін»

«Жармыш орта мектебі» ММ Тәрбие ісі жөніндегі орынбасары:

Мектеп директоры: ________________ А.Булеубаева

___________ С.Қапашұлы «___» __________ 2017ж

«___» __________ 2017ж

6а - сыныбына арналған тәрбие жоспары

Скачать материал

«Жармыш орта мектебі» ММ

Сынып жетекші: Манашева Гүлшат

2017-2018 оқу жылы

«Тәрбие беруде тұлғалық-бағытталған әдістерді пайдалану арқылы баланың болашақта әлеуметтенуіне ықпал ететін жеке тұлғалық қасиеттерін дамыту»

Мақсаты:

Білім мен тәрбие қашан да егіз ұғым. Білім алушы шәкірттеріміздің жан – жақты дамыған, ақыл – ойы жетік, рухани құндылықтарды қадірлей білетін, адамгершілік қасиеттермен қаруланған жеке тұлға қалыптастыру.

Мектептегі оқу – тәрбие жұмысының бала тәрбиесі мен оның жан – жақты дамуына отбасы мен жанұяның, мектептің ынтымақтастығын арттыра отырып, ата – аналарға, оқушыларға оқу – тәрбие үдерісінің мазмұны мен әдістемесін таныстыру.

Балаларға салауатты өмір салтының машықтарын сіңіру және насихаттауға байланысты нақты шараларды жүзеге асыру.Оқушыларды зиянды әдеттерден сақтандыру.

Оқушылардың туған жерге деген сүйіспеншілігін арттыра отырып, экологиясы нашар аймақтармен таныстыру, жерге деген мейірім мен ықыласын, байлығы мен әсем табиғатын қорғай білуге үйрету.

Оқушылардың шығармашылықпен ойлау қабілетін, санаткерлік және жалпы даму көрсеткіші негізінде тілін дамыту. Отаншылдыққа, ұлттық патриотизмге тәрбиелеу.

Оқушылардың экономикалық білім негіздерін толықтыру, ата – ананы құрметтеуге, олардың еңбегін бағалауға тәрбиелеу, Оқушыларды отбасы бюджетін үнемді, ұқыпты, дұрыс жұмсай білуге тәрбиелеу.

Адам бойындағы ұнамды, ұнамсыз қасиеттерді айта отырып, оқушылардың әдеп әліппесі бойынша ықпал жасау.

Әдет – ғұрыпты сақтайтын, дәстүрді жалғастырушы қайырымды ұрпақ тәрбиелеу. Оқушыларды адам бойындағы асыл қасиеттерді бағалай білуге, адамдармен қарым – қатынас жасау дағдыларын арттыру.

Міндеттері:

Отанымыздың тарихи құндылықтарын бағалау қабілеттілігін арттыру.Отандық қорғау-азаматтық борыш ұғымын қалыптастыру.

Адами іс-әрекет жасау тәжірибесін қалыптастыру, сыртқы келбет пен күнделікті тұрмыс тіршілік дағдыларын қалыптастыру.

Эстетикалық құндылықтарды өн бойына игеруге қызығушылығын арттыру, қандайда бір көркем шығарма саласында өзінің бейімділігі мен қабілетін байқап көруге ұмтылысын қалыптастыру.

Табиғат тағдыры үшін тұлғаның жауапкершілік сезімін қалыптастыру, жанашырлық сезімін қалыптастыра отырып, табиғат үйлесімін қорғауға көзқарасты нығайту

Өз туыстарының кемшіліктеріне шыдамдылық көрсетуін қалыптастыру, өзін отбасының тең құқылы бір мүшесі ретінде сезінуіне, ересек адам ретінде пікір айта алуына дағдыландыру.

Теріс әсерлерге қарсы тұра алу қабілетін қалыптастыру, дене еңбегі, психологиялық, әлеуметтік және рухани саулық туралы түсінік қалыптастыру.

Нарықтық экономиканың негізгі заңдары жайлы білімдерін қалыптастыру, жасөспірімдерінің өзіне-өзі өқызмет көрсету шеберлігін және дағдыларын игере отырып көздеген мақсатына жетудегі шыдамдылықты қалыптастыру.

Шығармашылық жұмыстарда оқушы өзінің ойын білдіріп, қабылдаған шешім нәтижесін бағалай білу дағдысын қалыптастыру және өз қадірін сақтай білу және өзгенің қадір-қасиетін бағалай білу қасиетін қалыптастыру

Әрбір оқушының өзін өзі бағалау, өзін - өзі реттеу, өзін - өзі іске асыру қабілетін дамыту, өзіне деген сенім қалыптастыру, өз қадірін сақтай білу және өзгенің қадір-қасиетін бағалай білу қасиетін қалыптастыру.

Кәсіби шығармашылық танымын кеңеиту, мамандықты дұрыс таңдауға бағыт-бағдар беру және адам белгілі бір еңбек іс-әрекетіне неіп, бір ізге түсуіне көмек беру.

Оқу процесінде алған білімдерін тереңірек жетілдіріп, жан – жақты дамыған, кешегін білетін, бүгінгіні саралай алатын тұлға қалыптастыру

Өткен оқу жылының тәрбие жұмысына анализ:

Өткен 2016-2017 оқу жылында сынып жетекшісі ретінде алдыма қойған мақсатым келесідей болды:

Тәрбиелік:

5-ші сыныпқа ауысқан оқушылардың әрбіреуімен жақынырақ танысу (психологиялық халі, физиологиялық жағдайы, жанұядағы жағдайы т.с.с); жаңа пәндермен, жаңа мұғалімдермен танысуда бейімделу аралығын жеңіл өтуіне ықпал ету; сынып ұжымының ұйымшыл тату болуына ықпал жасау; оқушылардың өзін-өзі басқаруына ықпал жасау; мектепішілік іс-шараларға қатысу жұмыстарын белсендіру.

Ата-аналардың және оқушылардың көмегімен әртүрлі іс-шаралар өткізілді, айта кетсем, «Мектепке жол» акциясы аясында аз қамтылған отбасынан және көпбалалы отбасынан шыққан оқушыларға оқулықтар мен сабаққа қажетті құралдар алып берді. Сынып ұжымы мектептің қоғамдық жұмыстарына, соның ішінде, сенбіліктер, мектепішілік кезекшіліктерге өте белсенді қатысып жүрді. Мерекелік шараларға «Алтын күз» , «Жаңа жыл-2016» мерекелері ата-аналарының бірлесуімен өте жоғары деңгейде өтті.

8 наурыз мейрамында сынып ұлдары қыздарға мерекелік концерт ұйымдастырса, 7 мамыр мерекесіне қыздар ұлдарға кеш ұйымдастырып, көңілдерін көтеріп қайтты. Тоқсанына бір рет өтетін ата-аналар жиналысында да ата-аналар өте жоғары белсенділік көрсетті. Пән мұғалімдері, мектеп медбикесінің және мектеп психологының қатысуымен өткен психологиялық тренингтер дәрістер өте жоғары деңгейде өтіп, көптеген сұрақтарға жауаптар алынды. Бірнеше мәселелер шешілді.

Сыныптың психологиялық-педагогикалық мінездемесі

Сыныпта 21 оқушы, 6 қыз, 15 ұл. 2016-2017 оқу жылының қорытындысы бойынша 5 үздік оқушы, 8 оқу екпіндісі болды.

Сыныпта басқа мектептен, басқа сыныптан ауысып келген оқушылар жоқ. Әлеуметтік құрамы орташа. Материалдық жағынан жеткілікті қамтылған.

Сынып оқушылары ұйымшыл, бір-бірімен жақсы араласады. Сыныптың жалпы танымдық бағыты жақсы. Жақсы оқитын балалар саны – 5, орташа оқитын балалар саны – 8, қалғандары қанағаттанарлықтай. Сынып математика жағынан көп қиналады, ал ауызша сабақтарға келгенде алдарына жан салмай бір-бірімен жарысып сабақ айтады.

Үйірмелерге сынып жақсы қатысады. Ұлдар спорттық үйірмелердің барлығына қатысады. Оның ішінде аудандық, облыстық жарыстарға қатысып орын алып жүрген ұлдар да бар.

Сыныптан тыс жұмыстарды сынып жетекшісінің көмегімен көбінесе сынып әкімі мен тәрбие секторы ұйымдастырады. Барлығын жоспарлап алғаннан соң әрбір оқушыға тапсырмаларын бөліп беріп, орындалуын қадағалап отырады. Тапсырманы әр оқушының бейімділігін, жеке-дара ерекшелігін ескере отырып бөледі.

Сынып іші топ-топқа бөліну, бір-бірімен араласпай жүру деген сияқты жаман қылықтардан аулақ. Оқушылар ұйымшыл, бір-бірімен өте жақсы араласады. Сабақ үстінде бір-біріне үнемі көмектесіп отырады. Бірінші сыныптан бастап бірге оқып дос болып келе жатқан оқушылар де бар. Сыныптағы ұлдар мен қыздар арасындағы қарым-қатынас жақсы. Көбінесе ұлдар қыздарды сыйлап, олардың ырықтарына көніп отырады. Оқудан тыс өмірде оқушылар сынып жетекшісімен бірге бүкіл сынып болып қыдырады, кейде өздері ұйымдасып барады. Мысалы, 8 наурыз, «Халықаралық әйелдер мерекесінің» құрметіне ұлдар қыздарды киноға шақырды, 7 мамыр күні ұлдар мерекесіне байланысты сынып жетекшілерімен бірге кеш ұйымдастырды. Сынып оқушылары сабақ жағына да, сыныптан тыс жұмыстарға белсене, бірігіп…