Ана – аса қымбатты жан балабақшаға арналған ашық сабақ

Ертеңгілік

Тақырыбы: "Ана-аса қымбатты жан"

Мақсаты: Жарық дүниеге әкеліп, оны тәрбиелеп өсірген анасы екенін түсіндіру. Балаларды аналардың өлшеусіз еңбегін бағалай білуге үйрету. Анасын сүю арқылы еліне, жеріне деген сүйіспеншілігін арттыру.

Көрнекілік: Аналар мерекесі туралы суреттер, нақыл сөздер.

Нәтижесінде: тілдері тақпақ айту арқылы жаттығады, көтеріңкі көңіл күй алады, өлең айту, би билеу арқылы шығармашылық қабілеті артады. Құттықтау қағазын сыйлау арқылы өзінің істеген еңбегін көрсетіп жапсыру, мүсіндеу сабағы арқылы ата-анасына нәтижесін көрсетеді.

Өту барысы: Қолдарында жапырақтары бар гүл ұстаған ұл-қыздар ортаға саппен әуен ырғағымен келіп 2 қатар болып тұрады. Тәрбиеші құттықтау сөзін жолдайды.

Тәрбиеші: Құрметті балалар, 8 наурыз – көктемгі күннің жылы жүзді, тұла бойына сұлулық тұнған, сұлу атары, нұрлы келбеті қызғалдақтай алаулаған аналарымыздың, аруларымыздың, ақ жаулықты әжелеріміздің шұғылалы мерекесі. Соларды бүгін құттықтап, тақпақтарымыз бен өлеңдерімізді айтып, би билеп қуантайық, өнерімізді шыңдайық.

Балалар: иә апай құттықтаймыз!! Дейді.

Хормен мерекеңмен әнін орындайды

Ердос. Жүре берсең қасымда,

Әйбат анам әй анам,

«Ботам» деген даусыңнан.

Мен мәз болып оянам.

Нүргүл. Әлпештеген аялаған.

Ақ сүт берген апатайым,

Сәлем жазып саған бүгін

Мейрамыңмен құттықтаймын

Қайрат. Мені жақсы көреді

Күндей күліп келеді

Көп тертегі біледі

Маған айтып береді

Ақтілек. Бөбегіңнің сыйлығын

Қабыл алшы анашым,

Ұзақ өмір жүз жасап

Ауырмашы анашым

Ардақ. Ақ қабақты анашым.

Күн сәулелі анашым,

Әлпештеген баласын

Айналайын анашым.

Айару. Үлгі өнеге әр ісің

Жетеді сізге қарызым

Ақ сүтіңді ардақтау

Мойнымдағы парызым.

Қыздардың орындауында «Қызғалдақ» биі. Толғанай, Гүлсезім, Нұрбиби, Ақтілек, Фатима, Айша.

Тәрбиеші Адам үшін ең аяулы, ең қастерлі жан – Ана. Ол бала дүниеге келгеннен бастап, өзінің жұмсақ алақанын, жылы жүзін ыстық құшағы мен

махаббатын арнайды. Өсіріп ұлды ұяға қызды қияға қондырады. Сүйтіп, әже болады. Ал әженің орны бір бөлек ерекше. Оның ыстық ықыласы Ботам, құлыным, қозым деген сөзі махаббаты сендерге қанат береді. Айтқан ертегісі, күш, қуат береді. Әжемізге арнап тақпақ айтыңыздаршы.

Бекжан: Өзің мені өсірген

Айналайын ақ әжем

Тентек болсам кешірген

Ауырмашы ай әжем.