Ана бақыт ана күн тәрбие материалы

Сабақтың тақырыбы: Ана – өмірдің гүлі

Сабақтың мақсаты: Балаларға қазақ халқының отбасына деген қарым-қатынасы, олардың өмірдегі алар орнын нақыл сөздер, сызбалар және қосымша мәліметтер арқылы жеткізу.

балалардың отбасына балаларды және ата-аналарды сыйлауға, құрметтеуге, қадірлеуге және бір-бірімен сыпайы қарым-қатынаста болуға тәрбиелеу.

Сабақтың түрі: сайыс сабақ.

Сабақтың көрнекіліктері: гүлдер, шарлар, суреттер, сызбалар, нақыл сөздер, тақырып жазылған плакат.

Сабақтың барысы: а) Ұйымдастыру кезеңі.

ә) Негізгі бөлім.

1-жүргізуші: Армысыздар, жиналған қауым! Міне, көктемнің алғашқы мерекесі – 8-наурыз халықаралық әйелдер күні де келіп жетті. Тотыдай таранған, алтындай ардақты, жібектей созылған, мақпалдай масатты, қарлығаштың қанатындай қиғаш қасты, құралайдың көзіндей мөлдіреген, раушан гүлдей хош иісті, айнадай таза, сәуледей жарқыраған, маржандай тізілген тісті, сымбатты арулар! Төл мерекелеріңіз құтты болсын!

2-жүргізуші: Ана – жүрек, жүректі құдірет де,

Ана – тірек, тіректі құрметте.

Ана – шыңың, шыңыңа сағынып жет,

Ана – күнің, күніңе табынып өт.

Расында да адамның әдептілігі мен жан дүниесінің сұлулығы, ең алдымен балаға ақ сүтін беріп, әлпештеп өсірген ана жүрегінің жылуынан басталады. Бойымыздағы ең жақсы қасиеттер бізге алдымен анадан тарайды. Ананың нәзік үні, жұмсақ та аялы алақаны, жан жылуымен аялауы бізді әлдилеп жұбатады, көңілімізді сергітеді.

1-жүргізуші: Дүниедегі ең ардақты асыл жан,

Анам менің мәпелеген жасымнан.

Мен қуансам қуанады ол бірге.

Мен қиналсам табылады қасымнан.

Маған қымбат жан жоқ сірә анадан,

Бар жақсылық аналардан тараған.

Жер бетіне өмір нәрін себуші-

Ана алдында борышты ғой бар адам.

2-жүргізуші: Ана тұрса құшаққа алып баласын,

Бақыт, шаттық белгісіндей жарасым.

Қабағыңды кірбің шалмай өмірде,

Қуанышқа кенеле бер анашым.

Мен ананы шуағы мол күн деймін,

Анадан зор құдіретті білмеймін.

Анам ылғи қамқор болып жүреді,

Сондықтан да жылда түлеп гүлдеймін.

1-жүргізуші: Анам менің, асылым, лағыл әнім,

Кең кеудеңе гүл болып тағыламын,

Жұлдызыңдай көгіңде жағыламын.

Алыс кетсем аңсаймын, сағынамын,

Анам менің, асылым, лағыл әнім.

/Ән: Ш.Қалдаяқов. «Ана туралы жыр»/

2-жүргізуші: Аяулы да алтын нұрлы анашым,

Жүрегіммен мәңгі бірге боласың.

Сен асқарсың, сен аспансың, биіксің,

Сен дарқансың,сен жомартсың, данасың.

1-жүргізуші: Асыл анам – алтын жан, асқар тауым,

Арайланып алдымнан атқан таңым.

Әлпештедің, әлдилеп, аяладың,

Әр кеш менің – ән-күйім, сая бағым.

Гүлің болып көгімде сен көрінген,

Күнім болып көгімде сен көрінген.

Ақын ең сен, әр таңға асық жаның,

Алыс кетсем аңсаймын, сағынамын.

Барлығы:

Сендерден өскен балалар, сендерден өскен даналар,

Құттықтаймыз мейраммен, құрметті апа-аналар!

/Ортада білімгерлер өз өлең шумақтарымен/

1-білімгер: Ана деген асыл жандар болаттай,

Ана деген мөлдір жандар бұлақтай.

О, адамдар қадірле біл ананы,

Жат қылыққа ақыл-ойды тонатпай.

Ана десем сезім билер тым ыстық,

Жарасымды адамдарға туыстық.

Берсе барлық адамға ана мейірін,