Ана – біздің күніміз мерекелік сценарийі, 1-сынып

Ана - біздің күніміз!

Армысыздар, аяулы аналар, гүлдей құлпырған қыздар! Барлығымыз асыға күткен көктемнің алғашқы күндерімен бірге 8 наурыз Халықаралық әйелдер күні де келіп жетті. Бұл - бір қолымен бесікті, екінші қолымен әлемді тербеткен аналар мен нәзік жанды қыздар қауымының төл мерекесі. Бүгінгі мерекелеріңіз құтты болсын! Сіздерге сарқылмайтын денсаулық, ұзақ ғұмыр тілейміз. Осы күні өздеріңізге бағытталған тілектер періштенің құлағына шалынсын. Әрдайым біздердің жанымызда жүре беріңіздер.

Көрініс.

(Музыка қосылып тұрады)

Әрбір әйелдің күні осылай өтеді.

Ол үйді жинастырады.

Күйеуіне таңғы ас дайындайды.

Балаларды мектепке жібереді.

Күйеуінің шұлығын жуады.

Күйеуін жұмысқа шығарып салады.

Содан соң үйдің күнделікті шаруасымен айналысады.

Бірақ, жылына бір рет осындай жағдай болады...

Бірақ, бұл күн соңына жетеді.

Олай болса, бүгін біздің аналарымыз дем алсын. Ол үшін біз бар күш – жігерімізді саламыз.

Осы 8 наурыз мерекесі туралы балаларыңыз білгісі келетін бірнеше сұрақтар бар еді. Сол сұрақтарға жауап алсақ деп едік.

(гүл күлтешелеріне жазылған сұрақтарды балалар аналарына апарып береді)

1. 8 наурыз мерекесіне қандай сыйлық алғыңыз келеді?

2. Жарыңыздың осы мерекеде сыйлаған ең алғашқы сыйлығы есіңізде ме?

3. Өлең айтып бере аласыз ба?

4. Қыздарымызды құттықтап 4 жол өлең шығара аласыз ба?

5. Осы мерекеде анаңызға қандай сыйлық жасадыңыз?

6. Осы мерекеде алған ең қымбат сыйлығыңыз?Көңілің Алатаудың ақ қарындай,Мейірімің күннің шуақ шақтарындай.Қалайша аяулы ана тына алармын,Ән болып сағыныштан ақтарылмай, - деп абзал аналарымыздың құрметіне Сезімнің орындауында «Аяулы ана» әнін қабыл алыңыздар!

Ал, енді аналарымызбен бір ойын ойнайық. Ол үшін бізге 6 ана ортаға шықса. Ойынның аты «Шаш өру». Ойынның ережесі бойынша аналарымыз берілген орамалдарды шаш сияқты өріп жарысады. Ұл балалардың аналары, әлде қыз балалардың аналары шапшаң ба екенін анықтаймыз.

(музыка ойнап тұрады).

Ана десем шешек ашып жанары,

Өмірімнің бастау алар ажары.

Ана деген тіршілікке пана боп,

Әрбір үйде жұлдыз болып жанады – дей келе, келесі кезекті балаларыңыздың сіздерге арналған ақ тілектеріне береміз.