Ана киелі есім тақырыбындағы қазақ тілі эссесі

«Ана-киелі есім!»

Ана жайлы өз ойыңды айтып, жеткізу мүмкін емес. Әр бала өз анасын шексіз жақсы көреді. Анасын жақсы көрмеу мүмкін емес. Тоғыз ай бойы өз жүрегінде сақтап, дүниеге алып келген, түн ұйқысын төрт бөліп, түнде бесік таянған, ақ сүтін беріп, мәпелеген, бар өмірін баласына арнаған адамды қалай жақсы көрмейсің? Ең алғаш дүние есігін ашқанда сен бірінші ананың құшағына енесің, анаңның құшағына еніп, иісін иіскейсіңде ананың мейіріміне бөленесің!

Менде анамның маған өмір сыйлағаны үшін алғысымды осы шығармада айта кеттім келдім. Мен үшін ең ыстық асыл жан Ол менің –анам! Менің ең алғаш айтқан сөзім де «АНА» сөзі болды. Дүниеге келген күннен бастап мені өзінің мейіріміне бөлеп, тұмсықтыға шоқтырмай өсіріп келеді. Менің кез –келген кішкентай жетістіктерім үшін ең бірінші анам қуанып, «Менің қоңыр қозым мықты!», деп отырады. Менің қуаныштарыма сүйсініп, қателіктерім болса күрсініп отыратын, әрқашан менің қамымыды ойлап жүретін асыл анам менің! Ана жүрегі кең ғой шіркін. Тентегінің барлық жасаған қателіктерін кешіре білетін, сол қасиетімен мағанда кешірімді болуға баулып келеді. Мен дүниедегі ең бақытты баламын! Себебі мені мәпелеп отырған жер бетіндегі жұмағым, тағынатын тұмарым, мен үшін бүкіл әлем болған аяулы анам бар! Анашымды бүгінгі мерекесімен шын жүректен құттықтаймын! Алладан анама ұзақ ғұмыр берсін деп тілеймін! Ал мен анамның маған артқан сенімін ақтап шығуға тырысамын! Анам қалағандай Қазақстан Республикасының туын әлем ареналарында биікке көтеретін мықты күресші боламын!

Қорыта айтқанда дүниенің нұры,өмірдің гүлі, қызықтың қызығы – ананың қолында. Ана бір қолымен бесік тербетсе, екінші қолымен әлемді тербеткен сегізінші кереметі!