Ана мейірімі туралы рухани тәрбие сағаты

РУХАНИЛЫҚТЫҢ МӨЛДІР БҰЛАҒЫ – АНА МЕЙІРІМІ

Мақсаты:Оқушыларға әлемнің жарығын сыйлаған жан анаға деген сый-құрметке тәрбиелеу, ұлтқа тән жақсы қасиеттерді қалыптастыру.

Көрнекілігі: Мерекелік кештің тақырыбы, ана мен бала туралы оқушылар салған суреттер, слайд.

I.Қазақша би

1-жүргізуші: Ананың ақ сүтімен, ақ жаулықтың әженің тәрбиесімен өскен әлеумет, армысыздар!

2-жүргізуші: Бармысың аналарым, мақтанышым,

Әжелер, сендерге жыр ақтарылсын.

Аяулы жар болатын сұлу қыздар,

Сендерсіз қай ісіміз атқарылсын.

1-жүргізуші: Иә, шынымен де, әлемнің көркі де, сәні де – әйелдер.

1-жүргізуші: Ендеше, сіздерді көктем мерекесімен құттықтаймыз, өздеріңізге арналған концерттік бағдарламамызды қарсы алыңыздар!

2-жүргізуші:

Адасып сөйлеп, әдептен бүгін аспаймыз,

Дайынбыз бүгін, берікпіз ал, тастаймыз.

Көктемде туған құлпырған айдай арулар,

Сіздерге деген көрікті кешті БАСТАЙМЫЗ!

II Өлең жолдары (ана туралы) 3 оқушы

Берикболова Бекзат «Жан анама»

«Жан анашым» авторы белгісіз

«Я люблю тебя мама» авторы белгісіз

1-жүргізуші: "Қыз еркелесе, жеңеді",– дейді қазақ.Шын мәнінде, дәл солай. Бұл жердегі еркелік – жігіттің мойнына асылып, орынсыз күлу емес. Қазақ ұғымында еркеліктің де өзіндік шекарасы болғаны белгілі. Қырсықтықтың қаһарына ілігіп жүрген қыздарымыз қаншама?.. Қазақ санасындағы қыз бала мінезі биязы, ұяң, ибалы секілді тіркестермен өлшенеді. Әлі де солай. Неге?! Себебі, қазақ болмысы әйел адамды қаншалықты құрмет тұтып, қадірлесе, соншалықты ер-азаматтан кейінгі орынға қойып, артық әрекет жасатпаған.

2-жүргізуші: Па шіркін, сөзі қандай баланың, Саған берер бәсі басым бағаның. Бүгін онда мерекесі екен ғой, Қызғалдағы өңін берген даланың.

1-жүргізуші:Мәңгі жасыл жүзіңді көріп тамсансын,

Қос етек кисе қазақтың қызын аңсарсың.

Төгілген бұрым, қиылған қасқа елітіп,

Пернебайдай Сері жігіт керемет бір ән салсын.

Ән :“ Жаным, Апа”.

2-жүргізуші: Қазақтың күйі, даланың мұңы, дастаны,

Ән салып бірге жаңғырып жатар асқары.

Қыраны қағып қанатын биік саңқ етсе,

Ашылар шайдай көгілдір көкте аспаны.

1-жүргізуші: Өлең сөздің патшасы,сөз сарасы

Қиыннан қиыстырар ер данасы

Тілге жеңіл,жүрекке жылы тиіп,

Теп-тегіс жұмыр келер айналасы,-дей келе келесі

кезекті өлең шумақтарына берейік. 2 оқушы