Ана өмір шуағы балабақша ертеңгілігі

«Ана – өмір шуағы»

Жүргізуші: Сегізінші Наурыз! Табиғаттың өзі де бұл күні біздің аяулы аналарымызды, әжелерімізді, сүйкімді қыздарымызды даңққа бөлеп тұрғандай! Наурыз айының басында біздің еліміздің көптеген жерінде әлі де қар жатады. Бірақ, көңілімізді көктемнің алғашқы мерекесі жылындырады. Бұл мереке тек көктем мерекесіне сай секілді. Өйткені көктем секілді әйелдер де адамзатқа өмір, жылылық пен әсемділік сыйлайды.

Армысыздар ақ жаулықты әжелер,ардақты аналар,ұлағатты ұстаздар! Өздеріңізге арналған мерекемізге қош келдіңіздер. Сонымен, «Құлыншақ» тобының

«Ана – өмір шуағы» атты ертеңгілігін бастаймыз.

(Балалар бір ұл,бір қыз болып «Біздің елдің қыздары» әнімен шығады.)

Күн жылынды қар еріді

Құстар келіп ән салды.

Бүршік атып,нұрын шашып,

Көктем бізге келіп қалды. (хормен айтады)

Жүргізуші: Балалар, бүгінгі мерекені бастауға дайынбыз ба?Балалар,көктем келгені әлі сезілммейтін сияқты.Неге бұлай болды екен?

Қараңыздаршы бізгі қарай бір ақ құйын келе жатыр.

Қатігез қар ханшайымы: Мен тұрғанда еш жерде көктем болмайды.

Жүргізуші: Сәлеметсіңбе Қар ханшайымы.Біз Көктем ханшайымын күтіп отырмыз.

Қатігез қар ханшайымы: Бәрі де кеш!Көктем ханшайымы мәңгілік ұйқыға кетті,сендер оған көмектесе алмайсыңдар.

Жүргізуші: Балалар,мен тапқан сияқтымын,сендер көктем туралы әнімізді шырқайықшы

Балалар: Иә!

Жүргізуші: Олай болса көктем аруына көмектесейік

Осы кезде әдемі әуен қойылып балалар әнді айтады.

Ән: «Наурыз – көктем»

Ал Қар ханшайымы болса ашуланып залда айнала бастайды.

Қатігез қар ханшайымы: Жоқ,жоқ естігім келмейді!Тоқтатыңдар!Жоқ!

Құлағын жауып сахнанын артына тығылып қашып кетеді.Осы кезде әдемі әуен қойылып,Қар ханшайымы кірген жерден Көктем ханшайымы шығады.

Көктем ханшайымы: Сәлеметсіңдер балалар!Рахмет сендерге балалар,сендер болмағанда мәңгілік ұйқыға кетер едімғой.

Жүргізуші: Көктем ханшайымы сіз демалып отырыңыз балалардың тақпағын тамашалаңыз.

Тақпақтар:

Ғаділбек: Құтты болсын осы шаттық күніңіз,

Бақытты да, ұзақ өмі сүріңіз.

Қуанышты жүзіңізбен әрдайым,

Бұл өмірде күліп қана жүріңіз.

Райана: Жарқын жүзді жан анам,

Сендей болсын бар адам.

Сендей болса бар адам,

Шаттық кетпес баладан.

Әр сөзімді жаттаған,

Жүрегімде сақтаған.

Анашым деп мақтанам,

Айналайын ақ – анам.

Әлихан: Ақ қабақты анашым,

Күн сәулелі анашым.

Әлпештеген баласын,

Айналайын анашым.

Мен гүлдерді жұлмаймын,

Торғайларды қумаймын.

Айтқан сөзді тыңдаймын,

Анашымды сыйлаймын.

Көзайым: Ақ анашым аппағым,

Өзің жайлы тақпағым.

Өзің жайлы әнімде,

Арнадым саған бәрінде.

Шашымды өріп тараған,

Қабағыма қараған.

Үлкен кіші демейді,

Сыйлайды оны бар адам.

Ақберен: Анам менің ардақты,

Алтыннан да салмақты.

Жақсы көрп баласын,

Мәпелейді анашым.

Жақсылыққа шақырып,

Жамандықтан тыяды,

Мейірімімен тәрбиелеп,

Иман нұрын құяды.

Арай: Аспандағы айымсың,

Бақытыма балаған.

Құтты болсын мерекең,

Айналайын жан анам.

Жүргізуші: Кезекті көктем аруымен қыздар биіне берейік.

Би: «Гүлдер»

Жүргізуші-Балалар біз ауылға барғанда бізге сақтап қойған құртын,тәттілерән беретін кім ол?

Балалар: ӘЖЕ!

Жүргізуші: Иә балалар, Әжемізғой!

Олай болса әжетайларымызға арнап ән шырқайықшы.

ӘН: «Әжем менің»