Ана өмір шуағы тәрбие сағаты мектепке дейінгі балаларға

Тақырыбы: Ана өмір шуағы!

Мақсаты:Балаларға 8- наурыз Халықаралық Аналар мейрамы екенін ұғындыра отырып, аналарын ешқашан ренжітпеуге, қолғанат болуға, әрқашан құрметтей білуге тәрбиелеу. Балаларды ананың еңбегін ақтауға, анаға деген сүйіспеншілікке, ананы құрметтеп,сыйлауға тәрбиелеу.

Залдың іші мерекеге сай безендірілген.Балалар саз ырғағымен екі-екіден қол ұстасып кіріп төрге енеді.

1 -Тәрбиеші: Қымбатты да ардақты, аяулы аналар!

Сіздерді көктемнің алғашқы айында еліміздің барлық жерінде тойланатын 8 наурыз әжелер, аналар, ару қыздар мейрамымен шын жүректен құттықтаймыз.

2-Тәрбиеші: Сіздерге әлемнің нұрын, өмірдің гүлін, көктемнің шуағын тілейміз. Мына жарық дүниенің мәніде, сәніде сіздерсіздер! – дей келе ертеңгілігімізді ашып беру үшін құттықтау сөзді балабақшамыздың меңгерушісі Айдана Қабылбайқызына сөз береміз.

Ендеше бүлдіршіндеріңіздің сіздерге арнаған «Ана өмір шуағы!» атты ертеңгілігімізіді ашық деп жариялаймыз!

1-Тәрбиеші: Біз ғана емес қадір тұтқан бабалар,

Аналардан туған небір даналар.

Ана деген тіршіліктің тірегі,

Армысыздар Қасиетті аналар! – дей келе «Балдырған» тобы мен «Балбөбек» тобының орындауындағы ән «Ақ мама»

2-Тәрбиеші: Армысың мейірімді аналарым,

Мейірбан ашық көңіл даналарым, Гүл көктемнің алғашқы мейрамымен,

Құттықтайды сіздерді балаларың – дей келе «Балбөбек» тобының балаларына тақпақтарына береміз.

Самғат :Жанымызды жайнатқан

Сіздерсіз ғой аналар

Зор денсаулық , мол бақыт.

Тілейміз біз балалар

Фариза: Әже деген көп шығар, Әжемдей менің жоқ шығар. Мейірімді бұл кісі, Қандай ғажап күлкісі.Санжар: Тәттілерін сақтайды ,

Санжарыма берем деп.

Мен тілеймін әрқашан,

Әжем аман болсын деп.

Сезім: Ақылшымыз данашым,

Ұзақ өмір сүріңіз.

Айналайын анашым,

Алдымызда жүріңіз.

Қ.Аянат: Немересін жанындай,

Әжем жақсы көреді.

Қонаққа барса ұмытпай ,

Кәмпит әкеліп береді

Сырғалым: Бүгінгі көктем күнінде, Барлық адам қуанар . Аналарды мейраммен, Құттықтайды балалар.

Інжу: Аналарды сүйеміз,

Сөзін ойға түйеміз.

Әжемізді ардақтап

Әдеппен бас иеміз.

Нұрәділ: Әр сөзімді жаттаған,

Жүрегімде сақтаған,

Анашым деп мақтанам,

Айналайын ақ анам!

Қайсар :Тың ғой олар әлі де,

Сүйенбесін дәріге.

Ұзақ ғұмыр тілеймін,

Әжелердің бәріне.

Жанерке : Анам – өмір шырағы,

Анам - өмір бұлағы.

Бесігімнің жыр әні ,

Жүрегімде тұрады.

Айару: Ана біздің күніміз ,

Ана біздің гүліміз.

Бізді ана қуантып,

Ұзақ өмір сүріңіз

Нұрәли: Аялаған саялаған, Бар бақытым берекем Құттықтаймын әжетайым Бүгін сенің мерекең.

Әли: Әлпештеген аялаған Ақ сүт берген апатайым.

Сәтжан Аянат:Теңдесі жоқ данасың Арқа сүйер панасың Еңбегіңді ақтаймын Аман болшы анашым

Әбу : Анаң болса қасында.

Басқа бақыт не керек,

Аналардың жүрегі,

Мейірімді ғой керемет.

Томирис: Бесіктерін әнімен Тербетуде аналар

Жасай берсін сәнімен Жер бетінде аналар.

Нұркелді: Менің әжем мейірбан, Мені жақсы көреді. Қажетіне жарасам, Жас балаша күледі

1-Тәрбиеші: Мерекеге арналады бүгін билер,

Көтерілсін қанекей, көңіл күйлер

Алдарыңызда қазір «Танго» биі

Қол соғып демеу берер көрермендер

Би: «Танго» /Мадия,Нұржамал,Ихсан-Әли, Айзере, Досымжан,Нұрдана/

Тәрбиеші: Ана- дейміз бәрімізде аңқылдап,

Ана дейміз жас сәби де жарқылдап.

Ана деген бәйтерегі өмірдің

Ана деген – алтын қазық, алтын бақ - деп абзал аналарымызбен, ардақты әжелеріміздің құрметіне «Балдырған» тобының ер балаларының орындауындағы «Аналардың тілегі» атты әнді қабыл алыңыздар.

2-Тәрбиеші:

Гүл- гүл жайнап бәріміз

Кіреді біздің сәніміз

Аналарды тойымен

Құттықтаймыз бәріміз - дей келе балалардың аналарына арналған жыр – шуағын қабыл алыңыздар.

Зере: Мәпелейсің мені анам,

Қолыңдағы құсындай.

Құлпыра өсіп дем алам,

Құшағыңда қысылмай.

Мерей: Ана – өмір шырағы,

Ана – өмір бұлағы.

Бесігімнің жыр әні,

Жүрегімде тұрады.

Нұржамал: Жарқын жүзді жан анам

Сендей болсын бар адам,

Сендей болса бар адам.

Шаттық кетпес баладан.

Әмірхан: Үн қатасың бал тіліммен.

Еркелеймін әр күн мен

Құттықтаймын анашым!

Сегізінші наурызбен.

Досымжан: Еркелесем күлімдейтін

Ұрысқаны білінбейтін.

Маңдайымнан иіскеп менің

Құлыншағым күнім дейтін.

Мейірбек: Әлпештеген аялаған

Ақ сүт берген анашым.

Сәлем жазып бүгін саған

Мейрамыңмен құттықтаймын!

Бекназар: Жанымызды жайнатқан,

Сіздерсіз ғой аналар,

Зор денсаулық мол бақыт,

Тілейміз біз балалар.

Ихсан –Әли: Ана - біздің күніміз!

Ананың біз гүліміз

Әркез бізді қуанттып

Ұзақ өмір сүріңіз.

Сәуле: Сәуле шашқан әсем күндей,

Көтерілсін көңіліңіз.

Жарқыраған қызыл гүлдей,

Болсын әсем өміріңіз.