Ана өмір шырағы тәрбие сағаты 2 сыныпқа

«Ана-өмір шырағы»

Мақсат: Аналар мерекесі қарсаңында асыл аналарды құттықтау, оқушылардың бойына адамгершілік деген асыл қасиетті сіңіру.

Көрнекілігі: Интерактивтік тақта, шарлар, ұлағатты сөздер жазылған плакат, орамалдар.

Кештің барысы

Мұғалім сөзі: Ана әрбір адамның жарық дүниедегі ең жақыны, жанашыры, қадірлісі, қамқоршысы, ақ сүтін емізіп аялаған, жанын да аямаған ардақтысы. Ана баланың амандығын бақытты, абыройлы болуын тілейді. Бойымыздағы ең жақсы қасиеттер бізге алдымен анадан тарайды. Қайран ана, өз перзентін әдемі не ұсқынсыз, ақылды не ақымақ, мейірімді не рақымсыз, кесір-қырсық болса да бәрібір шексіз сүйеді. Дүниеде ананың көз жасынан салмақты, одан ауыр таразы басын басатын ештеңе жоқ. Өйткені ананың көз жасы өзінің киесімен ауыр. Ана-тіршіліктің гүлі, отбасының берекесі, бүкіл адамзаттың тәрбиешісі. Анасы жоқ балалар да аз емес. Олар ананың мейірімін, аялағанын ешқашан сезген емес. Ендеше, анамызды сыйлап, құрметтейік достар! Мұғалім: Армысыздар, аналар, ұстаздар, және біздің аяулы бүлдіршіндеріміз біздің бүгінгі тәрбие сағатымызға хош келдіңіздер! Балалар, біздің алдымызда қандай мереке келе жатыр? - Аналарымыздың аяулы қыздарымыздың мерекесі. Біздің аналарымыз жайлы ассосация құрастырып жіберейікші?

Күй ойнап тұрады, екі бастаушы ортаға шығады.

1. Абыз: Құрметті- асыл аналар,

Қадірлі- ұстаздар,

Қырмызы қызғалдақ- қыздар!

2. Қанат: Қар астынан қылтиып шыққан қызғалдақтай болып, келіп қалған, гүлдей құлпырған мерекелеріңіз, күн мерекелеріңіз құтты болсын!

Әдеби монтаж: оқушылар ортаға шығып тақпақтарын айтады.

Абыз: Сіздерден өскен балалар,

Батырлар мен даналар.

Құттықтаймыз мейраммен,

Бәрі бірге: Аяулы асыл аналар!

Қанат: Кім ойлап тапқан,

Сөздерді ең аяулы.

Енді білдім оларды,

Бәрі бірге: Аяулы асыл аналар!

Абыз: Енді, қызғалдақтай құлпырған қыздарымызды ортаға шақырамыз. Сыныптың қыздарын екі топқа бөліп, «Өлеңнің жалғасын айт» ойынын ойнату арқылы, өнерлерін тексереміз.

Ойынның шарты: Бір топтың қыздары өлеңді бастайды, екінші топтың қыздары жалғастырып кетуі керек, келесіде керісінше екінші топ қыздары ән айтады да бірінші топ жалғастыру керек. Ерекше көзге түскен қыз «Әнші, қыз!» дипломымен марапатталады.

Би «Ханшайым» қыздар тобы

1. Абыз: Аналар өмір жүрегі,

Балалар оның тірегі.

Өмір бойы аймалар,

Анамызды сүйеміз!

2. Қанат: Ана біздің күніміз,

Ананың біз гүліміз.

Ұландарды қуантып,

Ұзақ өмір сүріңіз

«Жан ана» ұлдар мен қыздардың ән шашуы