Ана өмірдің ажары тәрбие сағаты 4 сынып

Сынып сағатының тақырыбы: «Ана – өмірдің ажары»

Сабақтың мақсаты:Оқушы бойында ізгілік,инабаттылық,адамгершілік қасиеттерді қалыптастыру,

Оқушыларды ананың еңбегін ақтауға, анаға деген сүйіспеншілікке, ананы құрметтеп, сыйлауға тәрбиелеу .

Сабақтың көрнекілігі: Нақыл сөздер,бейне материалдар,интерактивті тақта

Сабақтың барысы: Жүргізуші: Қош келіңіздер аяулы аналар, асыл әжелер,қызғалдақ қыздар!Көңілдеріңізге көктем шуағындай сезім мен нұр құйып 8наурыз халықаралық әйелдер мерекесі де келіп жетті. Осынау көктем мерекесінің қай кездеде орны бөлек.Өйткені аналарға ыстық сезім,алғыс пен құрмет ешқашан сөнбек емес.Себебі, ана өмірдің гүлі,көңілдің жыры.Әр отбасының алтын діңгегі. Ендеше, көктемнің алғашқы күндеріне арналған ертеңгілігімізді бастауға рұқсат етіңіздер.

Асылкен: Армысың мейірімді аналарым,

Мейірбан ашық көңіл даналарым.

Гүл көктемнің алғашқы мейрамымен,

Құттықтайды сіздерді балаларың!

Азат: Армысың ақжаулықты әжелерім,

Ақылы дариядай кемеңгерім.

Ардақты аналардың мейрамында,

Арнайды бүлдіршіндер өлеңдерін.

Нұржан: Ару ана өмірдің асылдары,

Жайнаған көңілімнің жасыл бағы.

Сіздер үшін ән мен би өлең мен күй,

Сіздер үшін мереке шашулары.

Хормен: Олай болса, асыл аналар, ақжаулықты әжелер, мерекелеріңіз құтты болсын!

Саханалық қойылым:( Ортаға музыка ырғағымен көктем келіп кіреді)

Көктем: Мен көңілді көктеммін,

Былтырда келіп кеткенмін.

Құшағым гүлге толсын деп,

Нөсерімді төгемін.

Жүргізуші: Ару көктем, қош келдің төрге шық.Сенің көктемгі жаңбырыңның арқасында айналамыз әсем гүлдерге кенелді.Кең байтақ даламыз гүлге бөленді.Сондықтан ару көктем біз саған ризамыз. Біздің халық өнерпазға бай тегі,Әнші деп те,күйші деп те айт оны.Күлімдеген көктемге ана жайлы бір ән шырқасақ қайтеді!

Хор: «Анажаным» әні

Көктем:Гүлдердің сан алуан,

Түрлерін мен білемін.

Сол гүлдерді өсіріп,

Аялаумен келемін.

(Гүлдер музыка ырғағымен орнынан тұрады)

Бәйшешек: Көктем гүлі бәйшешек,

Мен боламын қараңдар

Наурыз,сәуір айында

Мен жайқалып шығамын.

Қызғалдақ: Қырлардың төрінде,

Қаулап көзге ұрамын.

Құлпыра жайнап өңірде,

Қып – қызыл боп тұрамын

Жауқазын: Жауқазынмын жайқалған,

Сұлу гүлмін жайнаған.

Көктемде мен гүлдесем,

Құлпырып кетер аймағым.

Көктем:- Кең даламды хош иісімен, сұлулығымен жайнатқан менің әсем гүлдерім. -Аналарымызға қуаныш сыйлап би билеп берейік!

Би: «Гүлдер»

Жүргізуші: -Ардақты аналар!

-Мінекей,күлімдеген көктем келіп айналамыз құлпырып кетті!

Көрікті көктемнің алғашқы мерекесі аналар күні қарсаңында «Сазды сәлем»

Бағдарламасы да қонаққа келіп отыр.Енді кезекті сол бағдарламаға берейік.

(Эфирге жүргізуші ұл мен қыз келіп отырады).

Мирас:Армысың, құрметті теле көрермендер!Эфирде сіздермен бірге

«Сазды сәлем» бағдарламасы

Сабина:-Бүгін біздің студиядамызда: «Теміртау қаласының №10 мектептің

3 «А» сынып оқушылары қонақта»