Ана өмірдің гүлі іс-шара сценарийі сынып жетекшілеріне

"Тауағаш орта мектебі"КММ

«Ана – өмірдің гүлі»

Дайындаған: Ибраева А.Д.

«Ана – өмірдің гүлі»

Мақсаты:

1. 8-наурыз Халықаралық әйелдер мерекесін атап өту.

2. Анаға деген мейірімді,сүйіспеншілікті арттыру,үлкенге ізет,кішіге үлгі бола білуге үйрету.

3. Оқушы бойында ізгілік,инабаттылық,биязылық сияқты қазақ қызына тән жақсы қасиеттерді қалыптастыруға тәрбиелеу.

Көрнекілігі:Зал мерекеге сай әсем безендірілген. Шарлар, ана туралы нақыл сөздер

Барысы:

«Қара жорға» биімен басталады

Әсем:

Армысыздар бақытты балалық шағымыздың шат көңілді өтуіне барлық жағдайды жасап отырған аяулы да, ардақты аналар! Сіздерді 8-наурыз халықаралық әйелдер мерекесімен шын жүректен құттықтаймыз.

Әсел: Адам бойындағы жақсы қасиет күннің нұрынан,ананың ақ сүтінен таралған.Сондықтан құрметті асыл аналар,қадірлі әжелер бүгінгі «Ана- өмірдің гүлі» атты мерекелік кешіміз сіздердің құрметтеріңізге арналады.

Бекболат: Мереке құтты болсын аналарым

Мәпелеп,еркелеттің,аяладың

Лебізіңе алғысты айта келе

Ән жырымды қабыл ал аналарым!

Балжан: Қош келіпсіз, құрметті ата-аналар,

Жүздеріңнен мейіріммен нұр тамар.

Алдарыңда жауқазындай құлпыраған.

Балғын шақты біз бақытты балалар!

Армысыздар, мұғалімдер, әз жандар,

Білім іздеп, инемен құдық қазғандар.

Құшақ жая қарсы аламыз сіздерді,

Би-биленіп, ән де бүгін шырқалар!

Ән: «Анашым» Хормен

Әсем: -Құрметті қауым, бүгінгі кешімізді біз сәл ерекшелеу өтсек па деген оймен аналар мен қыздарының арасында сайыс ұйымдастырдық.Енді сіздерді аналар мен қыздарының арасында өтетін сайысымызды тамашалауға шақырамыз.

Әсел: олай болса алдымен сайысқа қатысатын аналарымызды қол шапалақтап қошеметпен ортаға шақырайық.

1. Ибраева Айгүл Болатқызымен мен Ибраева Балжан

2. Жаныбекова Бақшагүл мен Жаныбекова Айнұр

3. Жолаушина Әсел мен Ерсайын Аяжан

Әсем : Ендігі кезекте сайысымыздың шартымен таныстырып өтейік

Сайыс шарттары:

1) Таныстыру

2) Мақалды жалғастыр

3) Әртүрлі жағдаяттарға шешім таба білейік.

4) «Шешеге қарап-қыз өсер» –қолөнер сайысы

Әсел:

Ақ көңілмен, ниетпен,

Әділ баға берсін деп,

Шаршамай, еш жалықпай,

Айтқаныңызға көндік деп,

Әділқазы алқасын,

Сайлап алсақ жөн болар. –

Әділқазылар :

1. Мустафина Әсия Балтабекқызы

2. Курсарина Сәндігүл Аманбайқызы

3. Қазбекова Айман Қажғалиқызы

Ойрат: Құрметтейік,о адамдар,аналарды,

Бізді өмірге әкелген даналарды.

Себебі ана деген асыл жан ғой,

Ойлауменен істелік әр қадамды.

Бахтияр:Ақ сүтінен жаралған,

Ақ сүтінен нәр алған,

Анаға бас иеміз!

Туған елдің тілі деп,

Туған жердің үні деп,

Анаға бас иеміз!

Әсем: Немере үшін ең мейірімді жан – әже. Ақ сүт берген аналардың анасы – әже. «Жан жүрегім, жарығым» деп немересін, шөбересін жүрегіне теңейтін де әже. Олай болса қадірменді қауым әжелердің ақ тілегі тойға жиналған көпшілік үшін тәбәрік деп ойлаймын. Сол әжелердің жолын біздерге берсе екен деп тілек айтамын.

Әжемнің саясында ер жеттім мен

Аялы ақ бесікте тербетілген

әжемдей ақ ниетті абзал жанды

Таппаймын айналсам да жер бетінен.

Аяжан:Дүниеде ең кемеңгер дананы,

Әже еркелетеді,аялайды,бағады.

Сол үшін де құдіретіне бас иіп,

Құрметтейік қасиетті әжені.

Әсем:

Енді сайысымызды бастайық.

Өнер қуып аналар өтер деймін

Бір басына өнерлері жетер деймін.

Бәсеке түскен аналар кезектесіп,

Таныстырып өздерін өтер деймін, - деп кезекті таныстыруға берейік.

1. Ибраева Айгүл Болатқызымен мен Ибраева Балжан

2. Жаныбекова Бақшагүл мен Жаныбекова Айнұр

3. Жолаушина Әсел мен Ерсайын Аяжан

Әсел: -Тамызып мақал тілінің Білімді болсаң жарарсың.Ұшқыр ой, талап, біліммен Әлемді жаулап аларсың, - дей келе келесі кезек мақал-мәтел жарысында

Мақалдарды жалғастырыңыздар.

1) Ауылдан асқан байлық,

--------- қымбат қазына жоқ. /кітап/

2) Талапсыз жас,

Қанатсыз-----. /құс/

3) ------- қылығымен көркем. /қыз/

1) Білім – теңіз, ------ кеме. /мектеп/

2) -------- көңілі балада. /ананың/

3) Сөз тапқанға - --------- . /қолқа жоқ/

1) Жақсы сөз - ------------ . /жарым ырыс/

2) Ине көзінен сынады --------- . /шешен сөзінен сынады/