Ана – өмірдің гүлі тәрбие сағаты бастауышқа

Бекітемін

Тәрбие ісі жөніндегі орынбасары

______________Т.Қайдакешов

«__»______________2018жыл

Тәрбие сағаты

Тақырыбы: «Ана - өмір шуағы»

Мақсаты: Әр адам үшін басты тұлға – Ана туралы түсіндіру.

Балалардың тілдерін, ойлау қабілетін дамыту.

Аналарын сыйлауға тәрбиелеу.

Көрнекілігі: Шарлар, қанатты сөздер, плакат, техникалық құрал.

Мұғалім:- Қош, келдіңіздер,құрметті ата-аналар!Ардақты, аналар, әжелер мен апалар! Сіздерге осынау мерейлі мереке тек қана игі жақсылықтар әкелсін. Деңдеріңізге саулық, бала-шағаларыңызға амандық тілейміз. Жүздеріңізден күлкі қуаныш пен шаттықтың нұры кетпесін. Еңбектеріңіз табысты болып, шаңырақтарыңызға құт – береке дарысын! Аспанымыз ашық, мемлекетіміздің іргесі берік болсын

1-жүргізуші: Армысыздар, аналар, ұстаздар, қыздар! Міне, жыл аралатып көктемнің алғашқы күндерімен келетін 8-наурыз Халықаралық әйелдер күні де келіп жетті. Жер бетіндегі тіршіліктің өзегін келешекке жалғаған, өсер ұрпағына құндақтағы шағынан ізгіліктің дәнін еккен аналар мерекесі бұл.

Бәрі де, ана, бір өзіңнен басталды

Сен деп жаздым алғаш өлең-дастанды

Қуандым ба, өзің бар деп қуандым,

Жыладым ба, өзің жоқ деп жас тамды.

Бәрі де, ана бір өзіңнен басталды.

Жанарыңнан көрдім алғаш аспанды

Еркелесем, бір өзіңе еркелеп,

Жасқандым ба, тек өзіңнен жасқандым.

2-жүргізуші: Қош келдіңіздер, құрметті аналар! 8-наурыз Халықаралық әйелдер күні мерекесі құтты болсын! Сіздерге әрқашан сыр бермес денсаулық, өмірдің шапағатын тілейміз. Бұл күні өздеріңізге бағытталған тілектер періштенің құлағына шалынсын. Әрдайым мейірім шуағын шашып жүре беріңіздер.

Ардақты ана, аяулы ана, қымбаттым,

Тәтті ұйқыңды бөліп талай түн қаттың

Өміріме нәрін берді ақ сүтің,

Кең құшағың аясындай гүл бақтың.

Ер жеткізіп елге берген баласын,

Ақылдысың, ардақтысың, данасың!

Қарайтыным қас-қабағың бір сенің.

1- жүргізуші:

Той пердесін ашайық

Тойға шашу шашайық

Аналарды құрметтеп

Ән маржанын ашайық.

2-жүргізуші:

Сіздерден өскен балалар

Батырлар мен даналар.

Құттықтаймыз мейраммен,

Құрметті абзал аналар.

1-жүргізуші:кезекті сыныбымыздың тақпағына береміз.

Анель: Қайда барсам қалмайсыз, сіз ойымнан,

Сіз бұлбұлсыз, мен сізге жай балапан.

Уайым салып, шет жүрсем, сағынасыз,

Мен кіршіксіз, ыстық-ыстық, «салем» салам.

Әли: Ана! Ана! Осы сөз дана, дара,

Анаң барға шүкір ет, болған пана.

Әуелі Алла, кейінгі Пайғамбардан,

Қасиетті адамсыз, сіз-Жан АНА!

Нұрсезім:Ана десем шешек ашып жанары,

Өмірімнің бастау алар ажары.

Ана деген тіршілікке пана боп,

Әрбір үйде жұлдыз болып жанады.

Мирас: Адам барма ана сүтін татпаған,

Алуан-алуан ауыр сынды аттаған

Адалдықты, ар-намысты сақтаған,

Мен анамның сонысына мақтанам!

Рамазан:Аяулы да алтын нұрлы анашым,

Жүрегіммен мәңгі бірге боласың