Ана өмірдің шуағы тақырыбындағы тәрбие сағаты, 4-сынып

“Ана - өмірдің шуағы.”

Сабақтың мақсаты: 1. оқушыларға 8 наурыз туралы түснік беру. 2.Балаларды барлық аналарға деген сүйіспеншілікке баулу, ана еңбегін ардақтап , құрметтей білуге тәрбиелеу

3. Оқушылардың логикалық ой – өрісін , тіл байлығын , сөздік қорын ойлау қабілеттерін дамыту.

Сабақтың көрнекілігі: Күйтабақ «анамызға мың алғыс», суреттер , альбом , буклет. Сабақтың барысы ( үнтаспадан М . Омаровтың орындауында «Анашым» әні баяу естіліп тұрады ) Жүргізуші :Той пердесін ашайық ,

Тойға шашу шашайық.

Аналарды құрметтеп,

Ән маржанын шашайық Жүргізуші: Адам бойындағы барлық жақсы қасиет күннің нұрынан,ананың сүтінен таралған,сондықтан құрметті асыл аналар,қадірлі апайлар,қызғалдақ қыздар бүгінгі «Ана-өмірдің шуағы»атты ертеңгілігімізді сіздердің құрметтеріңе арнаймыз. 2-оқушы: Құтты болсын, ардақты ана

Асыл анам мерекең.

Құтты болсын теңдік алған-

Қуанышты берекең.

3-оқушы: Бала,бала,бала деп,

Тұнде шошып оянған,

Түн ұйқысын төрт бөліп

Түнде бесік таянған.

4-оқушы: Өмірдің иесі сен,ғазиз ана

Келтірген дүниеге нелер дана,

Анасыз батыр да жоқ,ақын да жоқ

Өмірдің алтын кілті сонда ғана.

5-оқушы: Адамзат қуатын алар ақ сүтіңнен,

Мәпелеп әлдилеген пейілің кең

Аналық махаббаттың кәусар бұлақ,

Сөнбейтін ақ жүрегің мәнгі шырақ.

6-оқушы: Алтын анам жасымнан аялаған,

Мен үшін игілікті аямаған

Сабақтан шаршап үйге келгенім де,

Бал сөзі-жаным деген,сая маған.

7-оқушы: Бал бөбегін баптаған

Мамам үшін мақтанам,

Аялайтын біздерді

Көп жасасын жақсы адам.

Сахналық көрініс: «Бәрінен жақсы» Бір кішкентай қыз көшеде шешесінен адасып қалыпты.Ол шешесін іздеп бақырып жылайды. Сен жылама.Біз сені қазір шешеңе алып барамыз.Сенің шешең қандай еді?деп сұрапты.Сонда қыз жылап тұрып: Менің шешем-ең жақсы адам,ол бәрінен де жақсы!

8-оқушы: Ақ жүректен сақтаған,

Жарқын күлкі бақ маған

Ақ бетіңнен сүйейін

Келші,келші,ақ мамам!

9-оқушы: Өмірді ащы-тұщы аралаған,

Сондықтан анам ойы дана маған.

Жайқалып жауқазындай өсіп келем

Өсірген ер жеткізіп панам-Анам.

10-оқушы: Бал Анам,асыл Анам,таңым да Анам,

Мен сенен қуат алам,жалын да алам

Күн болып көңілімді күйге бөлеп,

Арнадың өміріңнің бәрін маған.

11-оқушы: Айналайын анашым

Әлпештеген мамашым,

Еміп өскен бөпеміз

Маматайдың мамасын.

12-оқушы:Ақ қабақты анашым,