Ана тілі мәңгі құламайтын бәйтерек 4 сынып

Қ.Қалыбеков атындағы орта мектеп

Тақырыбы: «Ана тілі – мәңгі құламайтын бәйтерек!»

Сыныбы: 4 «Б»

Сын жетекшісі: Қарағойшиева Ш.М.

2015-2016 оқу жылы

Тақырыбы: «Ана тілі – мәңгі құламайтын бәйтерек!»

Мақсаты:

Білімділігі: оқушыларды өз ана тілінің қадір-қасиетін біліп, ана тілінің көркемдігін сезініп, сөз құдіретін түсініп оның адам өміріндегі маңызын ұғуға үйрету.

Дамытушылығы: мақал-мәтелдер, тілдің көркемдігін, байлығын, шешендігін көрсететін нақыл сөздер арқылы оқушы дүнииетанымын, ой-өрісін дамыту.

Тәрбиелігі:мәдениетті сөйлеу, тіл тазалығын сақтау, шешендік өнерді оқушы бойына сіңіру арқылы ана тіліне деген сүйіспеншілігін қалыптастыру, мемлекеттік тіл мәртебесін көтере отырып, оқушыларды туған халқының тілін қастерлейтін саналы азамат етіп тәрбиелеу.

Көрнекілігі:нақыл сөздер, суреттер, әдебиеттер, буклеттер

Сабақтың барысы:

І. Ұйымдастыру кезеңі

Сабақты ҚР мемлекеттік әнұранымен бастау.

ІІ. Ана тілім – айбыным

Мұғалімнің кіріспе сөзі:

Ананың сүтімен бойымызға дарыған тіл – қазақ тілі. Қазақ тілі – ұлтымыздың ана тілі. Ол халық тарихымен қатар жасап, ұрпақтан-ұрпаққа қатынас құралы ретінде қызмет еткен, мәдениетімізді, экономикамызды дамытқан асыл байлығымыз.

Білімді, техниканы да ана тілі арқылы үйренеміз. Сондықтан да өз тілімізге «ана» деген ардақты сөзді қосып ана тілі деп айтамыз.

Бүгінде Қазақстанға емес Ресей, Өзбекстан, Қырғыстан, Моңғолстан, Қытай, Ауғанстан, Иран, Ирак, Түркия, Германия мемлекеттерінде тұратын қазақтар да ана тілін дамытуға өз үлестерін қосуда. Олар қазақ тілінде оқи да жаза да алады. Олай болса тіл – ұлттың жан дүниесі. Тіл – идеяның, сезімнің, ойдың жаңа көрінісі.

Тіліміздің өте бай, шежіре, әңгіме мақал-мәтелдерді оқып-тоқып, ой-өрісімізді байыта түсеміз. Әсіресе сөйлеуге, әсіресе, тапқырлық пен әсем ойдың інжу-маржандары мақал-мәтелдерін жетік біліп, оның сырына үңілу, ана тілінде сөйлеу – оны құрметтеу..

-Туған тіл жайында толғамаған ақын, жазбаған жазушы жоқ шығар сірә. Бүгін біз де ана тіліміз жайлы сыр шертіп, қоғамның тіл жайындағы ой-пікірлермен бөліскелі отырмыз.

Зарина:

Туған тілім тірлігімнің айғағы,

Тілім барда айтылар сөз ойдағы.

Өссе тілім мен де бірге өсемін

Өшсе тілім мен де бірге өшемін.

Мәдияр:

Тілім менің ең бірінші байлығым,

Тілім менің – арқа сүйер айбыным.

Тілім менің сен арқылы сеземін

Шабытымның шалқар сезім айдынын.

Дильназ:

Ана тілім жырлап өткен талайлар,

Жырлап өткен Ыбырай мен Абайлар.

Қасиетті менің ана тілімде