Ана тілім асыл қазынам тәрбие сағаты 5 сынып

Сабақтың тақырыбы: Ана тілім – асыл қазынам

Сабақтың мақсаты:

Білімділік: Оқушыларға ана тілін құрметтеп,қадір-қасиетін

ұғындыру, қазақ тілінен алған білімдерін жүйелей

отырып, адамгершілікке баулу:

Дамытушылық: Оқушылардың салмақты сөз айтуын,ойын нақты,

дұрыс жеткізуге,тапқыр оймен шешен сөйлеуіне көңіл

бөлу, шығармашылық қабілеттерін дамыту.

Тәрбиелік: Оқушыларды туған тілін құрметтеуге,таза сөйлеуге

тәрбиелеу

Сабақтың көрнекілігі: суреттер, ана тілі туралы жазылған нақыл сөздер.

Сабақтың әдісі: баяндау, сұрақ жауап.

Сабақтың барысы:

І. Ұйымдастыру кезеңі.

Оқушылармен сәлемдесіп, назарын сабаққа аудару.

Қ.Р.Гимн орындау.

Шаттық шеңбері:

«Жүректен-жүрекке» шеңбері

– Балалар! Сендерді «Жүректен – жүрекке» деп аталатын тамаша шеңберге шақырамын. Қолдарымыздан ұстасамыз. Бір-бірімізге күлімдей қараймыз. Өзімізге мейірімді, қамқор, бақытты болуға тырысамыз деп уәде берейік. Келістік пе?! Ал енді бір-бірімізге шын жүректен былай деп жар салайық:

Бар әлемге жақсылық жаса,

Басқалар қуансын деп жақсылық жаса!

II. Негізгі бөлім

I. Ой қозғау (Ана тілі туралы ән тыңдау)

- Балалар біз неліктен ана тілі туралы ән тыңдадық деп ойлайсыңдар?

Себебі, біздің бүгінгі тәрбие сағатымыз ана тіліміздің құрметіне арналады. Бүгінгі тәрбие сағатымыздан алатын мол мағлұматтарыңыз да, сабақ барысында сіздерге берілетін тапсырмалардың барлығы да туған тілімізге арналмақ.

Туған тілім – тірлігімнің айғағы,

Тілім барда айтылар сыр ойдағы.

Өссе тілім, менде бірге өсемін,

Өшсе тілім, мен де бірге өшемін,- Ә. Тәжібаев атамыз айтқандай, тіл – халықтың жаны, сәні, тұтастай кескін келбеті. Адамды мұратқа жеткізетін ана тілі мен дәстүрі. Біздің осындай қасиетті мұрамыз, ана тіліміз – қазақ тілі. Қазақ тілі – Қазақстан Республикасының мемлекеттік тілі. Қазақ тілі өте бай тіл. Осы бай тіл - біздің мақтанышымыз. Әрқашан біз өзіміздің ұлттық тілімізді,ана тілімізді қадірлеп,оны әрі қарай дамытып отыруымыз керек. Әрбір елдің қуаты, байлығы,бақыты экономикалық даму деңгейімен ғана емес,сонымен қатар мәдени,рухани өрісімен айқындалады.

Ұлылар айтқан ұлы сөз. / Дәптермен жұмыс/

Тәрбие басы – тіл (Махмұд Қашқари)

Басқа пәле – тілден (Жиренше)

Аяққа кісен салуға болар, қолға кісен салуға болар – тілге кісен салуға болмас (Бәйдібек Қарашаұлы)