Ана тілім мақтанышым мерейім мерекелік сценарийі

«Ана тілім –мақтанышым, мерейім» тілдер мерекесіне арналған кеш

(салтанатты жиын)

2017-2018 оқу жылы

«Тіл-тірегім, соғып тұрған жүрегім» атты салтанатты жиын сценарийі

Мақсаты: Ана сүтімен бойға дарыған ана тілін сүюге, құрметтеуге тәрбиелеу. Елжандылыққа, Отансүйгіштікке баули отырып, оқушылардың сөйлеу қабілетін дамыту.

І Жүргізушілер!!!!

Құрметті оқушылар, ұстаздар! Мектебімізде 22 қыркүйек- ҚР халықтарының тілдері күні мерекесіне орай 17-24 қыркүйек аралығында апталық ұйымдастырылып отыр. Бұл жиынымыз апталықтың бастамасы. Елбасы Н. Назарбаевтың 1998 жылдың 20 қаңтарындағы жарлығымен 22 қыркүйек «ҚР халықтарының тілдері» күні болып белгіленді. Содан бері бұл мереке көпұлтты Қазақстан халықтарының сүйікті мерекесіне айналып, жыл сайын атап өтіліп келеді. Әр ұлт өкілдері өз туған тілінің тағдырына жанашырлық танытып, оның одан әрі өркендеуіне өзінше үлес қоса алады. Сондай-ақ Қазақстанды Отаным деп білетін әрбір азамат мемлекеттік тіл- қазақ тілінің мәртебесін арттыру үшін атсалысуға міндетті. Сол үшін 1989 жылы және 1997 жылы Тіл туралы Заң қабылданды. Заң тек қазақ тілінің ғана емес, барлық ұлттың тілдерін дамытуды көздейді. «Таза, терең, өткір, күшті, кең тілім» деп Мағжан ақын жырлаған ана тілімізді қадірлеу- перзенттік парыз. Елбасымыз өзінің сөйлеген бір сөзінде осы парыз жөнінде «Өзіміздің осы елге қонақ емес екенімізді, Қазақстанда қазақ тілі де, ел бірлігі мен татулығы да, тарихымыз бен мәдениетіміз де тек қана қазаққа керектігін түсінгенде ғана бұл міндетті орындауға болады» деген екен. Ендеше «Мен қазақпы

ІІ Оқушылардың әдеби-музыкалық сәлемдемесі

1-жүргізуші: О, туған ана тілім! Тас бұлақтың тұнығы да сенде, ана сүтінің жұғымы да сенде, райхан гүлдің жұпары да сенде, қыран құстың жанары да сенде, сахара даланың жазықтығы да сенде...

2-жүргізуші: Тамаша таңдайға татып балдай, Өз тіліңде жыр оқу бақыт қандай! Жан-дүниең жарқырап сала берер, Ағарып келе жатқан атып таңдай!

Думан Туған тілім- бабам тілі-өз тілім! Туған тілім- анам тілі-өз тілім! Туған тілім – дала тілі – өз тілім! Туған тілім – адам тілі – өз тілім!