Ана тілім, қазақ тілім тәрбие сағатының жоспары

Жасай бер, Ана тілім- қазақ тілі!

Мақсаты: Оқушылардың ана тіліне деген сүйіспеншілігін арттыру.Мемлекеттің тілдің өркендеп ,оянуына , мемлекеттік тілімізді сүюге

Мемлекеттік тілдің мәртебесін биік ұстау жөнінде , әр ұлттың өзіндік ерекшіліктері , салт дәстүрі , діні, тіл ерекшілігі болатынын түсіндіру.Оқушылардың ой- өрісін ,дүниетанымын кеңейту, сөздік қорын молайту, жұрт алдында еркін сөйлеуге баулу.

Түрі : дәстүрлі.

Әдісі:екі топ арасындағы сайыс.

Көрнекілігі: нақыл сөздер.

1-жүргізуші:

Қазақ тілі өз тілім ,дана тілім.

Абай ,Мұхтар сөйлеген дана тілім.

Қастерлейді ұл- қызың мәңгі сені,

Болашағым бақытым , дара тілім.

2-жүргізуші: Қазақстан көп ұлтты , ұлан байтақ мемлекет. Өз бауырына жүзден астам ұлт өкілдерін сыйғызып отыр.Әр ұлттың ең үлкен , ең негізгі анасы –туған тілі болып саналады.Қазақ халқы –сөзге шешен , ойы ұшқыр , мақалдап сөйлейтін халық. Кез келген дауды атақты билеріміз бір ауыз сөзбен шеше білген. Тәрбие сағатымыз оқушылардың ана тіліне деген құрметін , қазақ тіліне деген патриоттық сезімін артыру мақсатында екі топтың сайысы түрінде өтеді.

Бірінші сайыс «Мақал сөздің мәйегі»

Екінші сайыс «Сөз тапқанға қолқа жоқ»

Үшінші сайыс «Сөз мерген»

І-сайыс «Мақал сөздің мәйегі»

1-топ:

1.Тіл тас жарады, тас жармаса бас жарады.

2.Тіл қылыштан өткір.

3.Бас кеспек болсада , тіл кеспек жоқ.

4.Тіл ақыл өлшемі .

5.Би екеу болса - дау төртеу болады.

ІІ.топ:

1.Піл көтермегенді, тіл көтереді.

2.Қаһарлы сөз қамал бұзар.

3.Айтылған сөз атылған оқпен тең.

4.Өнер алды қызыл тіл.

5.Шешеннің тілі ,шебердің бізі.

Тәрбиеші: Балалар , құтты болсын тілің бүгін,

Ашатын жан сарайын білімдінің.

Кешегі анаң айтқан , бабаң айтқан,

Тіліне зер салыңдар бұрынғының.

Ұлтымыздың салт-дәстүрін қадірлейік ,

Жастарды имандылыққа әзірлейік.

.Тәрбие мен ілімді тең игерген ,

Болашағы қазақтың деп тілейік.

1-жүргізуші:

ІІ. «Сөз тапқанға қолқа жоқ» -атты екінші сайыста өлең шумағының алғашқы екі жолы беріледі.Екі топ өлеңді аяқтайды.

1-оқушы:

Туған тілім-тірлігімнің айғағы,

Тілім барда айтылар сөз ойдағы.

2-оқушы осы өлеңді жалғастыру керек.

Өссе тілім- менде бірге өсемін ,