Ана тілің – арың бұл тақырыбындағы ашық сабақ

Тақырыбы:

Ана тілің- арың бұл!

Ортаңғы «Айгөлек» тобы

Тәрбиеші:

Жексенбаева А.А.

Тақырыбы: Ана тілің- арың бұл!

Мақсаты: Балаларды ана тілінің қасиетін сезінуге, мәртебесін көтеруге баулып, танымдылық қабілетін арттыру.Тілді құрметтей білуге тәрбиелеу.

Көрнекілігі: плакаттар, слайд

Пәнаралық байланыс: Сөйлеу дамыту,көркем әдебиет,ән-күй

Әдіс-тәсілдер:аралас, түсіндіру, сұрақ-жауап.

Ұйымдастырылған оқу қызметінің барысы: Балалар әнмен екі-екіден болып топқа кіреді.

Тәрбиеші: Балалар, бүгін ерекше күн екен.Біздің сабағымызға көптеген қонақтар келіп отыр. Олай болса,балалар,қонақтармен амандасып алайық.

Шаттық шеңбері:

Арайлап таң атты,

Алтын шуақ таратты.

Қайырлы таң, балалар!

Қайырлы таң, апайлар!

Тәрбиеші: Ия,балалар,осындай жақсы көңіл-күйімізбен орындарымызға жайғасайық.

Тәрбиеші: Жарайсыңдар,балалар. Олай болса ерекше күн деп есептеп,тақырыбымызды «Ана тілің- арың бұл.»,-деп бастайық.

І Ғажайып сәт.

Есік қағылып,ішке шет мемлекеттен қонақ келді.Ол біздің елімізге ұшақпен жетіпті.Оның арманы біздің еліміз туралы көп білгісі келеді екен.

-Сәлеметсіңдер ме балалар?

-Балалар,бұл қай мемлекет?

-Қазақстан Республикасы

-Бұл мемлекеттің бас қаласы қай қала?

-Астана қаласы

-Мен сендердің мемлекеттерің туралы толығырақ білсем деп отырмын.Сендер маған көмектесесіңдер ме?

-Ия, көмектесеміз.

-ҚР Елбасы кім?

-Нұрсұлтан Әбішұлы Назарбаев

-ҚРның мемлекеттік тілі қай тіл?

-Қазақ тілі

Тәрбиеші: Қәне,балалар,біз қонағымызға мемлекетіміздің әнұранын айтып берейік.

Балалар әнұранды орындайды.

-Ана тілі туралы қандай тақпақ білесіңдер?

Айша: Ана тілің біліп қой,

Еркіндігің, теңдігің.

Ана тілің біліп қой,

Мақтанышың елдігің.

Бекжан:Ана тілім

Жүрегісің анамның

Жүрек – ана

Мен өзіңмен жаралдым.

Ж.Айша:Өсірген ой – білімді

Сүйем туған тілімді

Мақсат етем әр сөздің

Мәнін терең білуді.

Акерке:Ақыл – ойын дананың,

Ана тілден аламыз.

Ана тілім ардақты,

Ақ сүтіндей анамның.

Алинұр:Ана тілім – қазақ тілім туған тіл,

Қасиетті тіліміздің бәрін біл.

Ана тілді құрметтеңдер адамдар,

Заманға сай өзге тілдің бәрін біл.

Алима:Қазақстан халқының,

Қазақ тілі тірегі.

Ана тілде айтылар,

Әнұраны жүрегі

- Жарайсыңдар,балалар,рахмет сендерге .Мен сендерден көп нәрсе біліп алдым,көп нәрсе біледі екенсіңдер.Енді маған рұқсат мен кетейін.Сау болыңдар!

Тәрбиеші: «Мақал-сөздің мәйегі» демекші туған тілімізге қатысты тіл өнеріне байланысты мақал мәтелдер айтайық.

Айша Ж: Тіл тас жарады,

Тас жармаса бас жарады.