Аналар – асыл қазынам ертеңгілік сценарийі

«Аналар – асыл қазынам!»

Мақсаты: Балаларға 8 наурыз халықаралық аналар, қыздар, әжелер мейрамы екенін ұғындыра отырып, аналарын ешқашан ренжітпеуге, қолғанат болуға, әрқашан құрметтей білуге тәрбиелеу.

Әсем әуенмен балалар қолдарына гель шармен ортаға шығады.

Би: «Шын жүректен»

А.С.

Қымбатты балалар, сүйікті аналар, апалар, әжелер, құрметті әріптестер! Бүгін біз көктемнің алғашқы мерекесі күні әсем залға 8 наурыз аналар мерекесін тойлауға жиналып отырмыз.

А.С., Б.Н.

Мерекелеріңіз құтты болсын!

Б.Н.

Той пердесін ашайық,

Тойға шашу шашайық.

Аналарды құрметтеп,

Ән маржанын шашайық.

А.С.

Армысың мейірімді аналарым,

Мейірбан ашық көңіл даналарым.

Гүл көктемнің алғашқы мейрамымен,

Құттықтайды сіздерді балаларың.

Ән: «Құттықтаймын анашым!»

1.Нұрын төккен маған,

Шуағымсын сен.

Айналайын мамам,

Қуанышыңмен!

Шаттандырған мені,

Жұбанышымсен.

Құттықтаймын сені,

Туған күніңмен.

ЛЯ-ЛЯ-ЛЯ, ЛЯ-ЛЯ-ЛЯ, ЛЯ-ЛЯ-ЛЯ ²

2.Аялаған мені,

Ән қанатымен.

Құттықтаймын сені,

Салтанатыңмен!

Бақытты ғой заман,

Қандай көңілді.

Мен тілеймін саған,

Ұзақ өмірді.

Б.Н.

Бүгін Наурыздың сегізі,

Сұлулықтың негізі.

Әдемі сөз адамның,

Анаға айтар лебізі – деп балаларымыздың аналарына деген лебіздеріне сөз берейік.

1.Әмина

Жарқын жүзді жан анам,

Сендей болсын бар адам.

Сендей болса бар адам,

Шаттық кетпес баладан.

2.Аман

Анам – өмір шырағы ,

Анам өмір бұлағы.

Бесігімнің жыр әні,

Жүрегімде тұрады.

3. Айзере

Бөбегінің сыйлығын.

Қабыл алшы анашым.

Ұзақ өмір жүз жасап,

Ауырмашы анашым.

4.Алишер

Әр сөзімді жаттаған,

Жүрегімде сақтаған.

Анашым деп мақтанам,

Айналайын ақ мамам.

5.Ильдана

Біз доспыз гүлдермен,

Текке оны жұлмаймыз.

Той күні бір – бірден,

Аналарға сыйлаймыз.

6.Дамир

Немересін жанындай,

Әжем жақсы көреді.

Қонаққа барса ұмытпай,

Кәмпит әкеп береді.

(әуенмен залға билеп сайқымазақ кіреді)

Сайқымазақ:Сәлеметсіздер ме, балалар, ата-аналар, ардақты әжелер!

Мен осы жерде аналар, апалар, әжелер, қыздардың мейрамдары өтіп жатыр деп естіп келдім.

Б.Н.: Иә Сайқымазақ, бізде мереке болып жатыр. Біздің мерекемізге қош келдің!

Мерекелерің құтты болсын!

Жан-жағыма қарасам,

Қонақтар өте көп екен.

Ұлдар да көп, қыздар да көп,

Апайларды мұнда көп.

Мен сайқымазақпын,

Ақылыма көркім сай.

Ұнаймын жұрттың бәріне,

Үлкенге де кішіге.

Келіп қалдым мен бүгін,

Құттықтауға сіздерді.

Аналарды қыздарды,

Әжелерді ізгі әлгі.

Мен билегенді жақсы көремін .

Мен сендерге бос келген жоқпын аналарымыздың, қыздарымыздың көңіл-күйлерін көтеру үшін сайқымазақтарымды бірге ала келдім.

Мен би билегенді жақсы көремін қане бірге билейік.

Би: «Сайқымазақтар»

Сайқымазақ: Ал, балалар, сендердің қандай өнерлерін бар? Қане барлығымыз бірге көңіл-күйімізді көтерейік.

А.С.: -Иә, сайқымазақ, біздің балаларымыз аналар, әжелер туралы әндер біледі. Қане, балалар, «Айналайын ақ мамам» әнін орындап берейікші.

Ән: «Айналайын ақ мамам»

1.Еркелеймін шаттанам,

Жарқын күлкің бақ маған.

Ақ бетіңнен сүйейін,

Келші, келші ақ мамам.

2.Бал бөбегін баптаған,

Анашым деп мақтанам.

Мерекеңмен мен сені,

Құттықтаймын ақ мамам.

7. Аниса

Бізді өсірген анашым,

Еңбегіңіз зор екен,

Құтты болсын Анашым,

Құтты болсын мерекең.

8.Диас

Анам менің анашым ,

Сені жақсы көремін.

Мерекенмен бүгінгі,

Құттықтаймын мен сізді.

9.Сұлу

Анашым, анам,

Ризамын саған,

Тіліңді алам.

Ақылды болам.

10.Коля

Из цветной бумаги,

Выражу цветочек.

Из него я сделаю,

Маленький цветочек,

11.Софья

Мамочке и бабушке

Я стишок дарю.

Милые, хорошие,

Больше всех люблю!

12.Батыр

Анаң болса қасында,

Басқа бақыт не керек.

Аналардың жүрегі,

Мейрімді ғой керемет.

Сайқымазақ: -Балалар, өте керемет менің көңіл – күйім өте тамаша. Рахмет сендерге.

(әуен ойналып залға көктем кіреді)

Көктем:

Мен көңілді көктеммін,

Былтыр келіп кеткенмін.

Көзін ашып бұлақтын,

Түбіне тал еккенмін.

Гүл боп қырда егілем,

Дән боп жерге себілем.

Жаңбыр болып жауам да,

Нұр боп көктен төгілем.

Шуағын төгіп әлемге,

Жылуын күннің әкелем.

Б.Н.: -Сәлеметсің бе, Ару көктем! Ұлан-байтақ жерімізге қош келдіңіз! Шуағынды шаттандырып, нұрыңды мол төгебер.

Ару көктем, біздің балаларымыздың аналарына, әжелеріне арнаған өлеңдерін қабыл ал.

13.Сана

Ана біздің күніміз,

Ана біздің гүліміз.

Балаларды қуантып,

Ұзақ өмір сүріңіз.

14.Санжар

Ақ қабақты анашым,

Жылы жүзбен қарашы.

Әлпештеген баласын,

Айналайын анашым.

15.Інжу

Аналарды сүйеміз,

Сөзін ойға түйеміз.

Әжемізді ардақтап,

Әдеппен бас иеміз.

16.Нұрасыл

Әже деген көп шығар,

Әжемдей адам жоқ шығар.

Мейірімді бұл кісі,

Қандай ғажап күлкісі.

17.Сабина

Менің әжем мейірбан,

Мені жақсы көреді.

Қажетіне жарасам,

Жас балаша күледі.

18.Айлана

Ана – бақыт,

Ана-гүл.

Ана-қуаныш,

Ана – жыр.

Көктем:Мынау менің құшағым толы қыр гүлін, гүлдей жайнаған қыздарға сыйлағым келіп отыр.Осы әдемі гүлдерімізбен бір би билеп жіберейік!

Би: «Гүлдер»

Көктем: Балалар менімен ойын ойнағыларын келеме?

Балалар: - иә.

Ойын: «Гүлдерді жина»

Ойынның шарты:Гүлдің ортасы оған бір жапырақшасы жапсырылған, қалған жапырақтарын жинау керек.

А.С.: Құрметті әжелер, бүлдіршіндеріміздің сіздерге арнаған «Әжем»

әнін қабыл алыңыздар.

Ән: «Әжем»

1.Әжем менің әлі де,

Ұқсамайды кәріге.

Шәй қайнатып береді,

Біздің үйдің бәріне.