Аналар асыл жандар сыныптан тыс жұмысы 3 сынып

Тақырыбы: Аналар – асыл жандар

Мақсаты: оқушыларға 8 наурыз мерекесі туралы түсінік беру.

Ана еңбегін ардақтай білуге, аналарға құрмет көрсете білуге, мейірімділікке тәрбиелеу.

Көрнекілігі: плакатқа жазылған қанатты сөздер, оқушылардың салған суреттері, газет, шарлар

Өту барысы: І Ашылуы.

1-жүргізуші: Сәлеметсіздер ме, құрметті аналар, ұстаздар!

Сіздерді келе жатқан 8 наурыз – Аналар мерекесімен шын жүректен құттықтаймыз. Сіздерге зор денсаулық, мол бақыт, ұзақ өмір тілей отырып, «Аналар – асыл жандар» атты тәрбие сағатымызды ашық деп жариялаймын.

2-жүргізуші: Әр адам көзін ашып дүниеге келгенде мейірімді, жүрегі жылы жанды көреді. Ол – Ана. Қанаттыға қақтырмай, тұмсықтыға шоқтырмай бауырына басып, біз үшін жанұшыра шырылдайтын да – Ана. Балаға Анадан артық, анадан қымбат жан жоқ. Күн жылынып, аспан әлемі бар мейірін осы бір аналар күнімен ала келгендей, еліміздің көп жерлерінде қар жауса да, көңілімізді көктемнің алғашқы мерекесі жылындырады, өйткені көктем секілді аналар адамзатқа өмір, жылылық әсемдік сыйлайды.

Ел жатқанда жатпаған ,

Мен деп тыным таппаған.

Бақыты үшін баланың,

Аман сау бол ақ мамам, -

деген әдемі ән балалардың аузынан түспей айтыла берсін.

Хор. «Ақ мамам» әні

1-жүргізуші: Адам бойындағы барлық жақсы қасиеттер күннің нұрынан, ананың сүтінен таралған. Сондықтан, құрметті асыл аналар, қадірлі қонақтар , кешімізді сіздердің құрметтеріңізге арнаймыз.

(Сынып ішінде Мейіржан ерсілі-қарсылы жүреді. Қасына Нұрдидар келеді.)

Нұрдидар: Мейіржан, саған не болған? Неге көңілсіз жүрсің?

Мейіржан:Е-е, мен келе жатқан 8 наурыз мерекесін қалай өткізсек екен деп ойлап жүрмін.

Нұрдидар:Онда тұрған не бар? Тақпақ айтып,би билеп, өлең айтып құттықтаймыз да аналар мен қыздарды.Міне , мен би билейін, сен тақпақ айт.

Мейіржан:Жоқ-жоқ, жылда тақпақ айта береміз бе? Былтыр да тақпақ, биыл да тақпақ.

Нұрдидар: Сен қызықсың, Мейіржан.Тақпақ айтпай болмайды. Ана туралы ең әсем, ең жылы сөздер ақындардың өлеңдерінде. Балалар дайындалып жүрген, оларды шақырып кімде қандай тақпақ, ән барын білейік?

Нұртаң: Иә, бәріміз де аналарымызды құттықтағымыз келеді.

Дәулет: Тоқтаңдар! Тоқтаңдар! Қазір бәріміз бірге аналарға ән арнайық!

Жаңабек: Ендеше Райбек, біздің әнімізді жақсылап хабарла.

2-жүргізуші: Той пердесін ашайық,

Тойға шашу шашайық.

Аналарды құрметтеп,

Ән маржанын шашайық.

1-жүргізуші: Ән: «Құттықтаймын, мама, туған күніңмен!» орындайтын

2-сынып ұлдар тобы. Қарсы алыңыздар!

ІІ Анамызға жыр арнаймыз.

2-жүргізуші: Армысыз, ару қыздар, абзал ана,

Анаға тең келетін бар ма дана?

Мерекең бүгінгі күн құтты болсын,

Қуанышпен құшағың гүлге толсын! – деп кезекті аналарға арнаған жыр шумақтарына берейік.

1)Ана дейміз бәріміз де аңқылдап,

Ана дейді жас сәби де жарқылдап.

Ана деген бәйтерегі өмірдің

Ана деген – алтын қазық, алтын бақ.

2) Дүниенің ең қымбаты ана екен,

Ананың ең тәттісі бала екен.

Түн ұйқысын төрт бөліп

тәрбиелеген,

Ананың орны бөлек дара екен.

3) Жер бетінің ғұмыры,

Күн нұрымен арайлы.

Біздің үйдің жылуы,