Аналар күніне арналған ертеңгілік сценарийі кіші топ

ІІ-ші кіші топтарының Аналар күні мерекесіне арналған

«Ардақтайық ананы!» ертеңгілігінің сценарийі.

Залдың іші мерекеге сай әдемі безендірілген.

Кейіпкелер: Жүргізуші; Көктем;

Жүргізуші: Қымбатты аналар, әжелер, құрметті қонақтар! Бүгінгі көктемнің алғашқы күндерімен бірге келетін сегізініші наурыз Аналар мейрамы құтты болсын! Баршаңызға отбасына береке, бірлік, бақыт тілейміз. Бүгінгі ІІ-кіші тобының Аналар күні мерекесіне арналған «Ардақтайық ананы!» ертеңгілігіне қош келдіңіздер!

Музыка ырғағымен балалар залға гүлдермен билеп кіреді, жартылай шеңберге тұрады «Көктем» әні әуенімен музыкалық ырғақтық қимылдар жасайды.

Жүргізуші: Құтты болсын осы шаттық күніңіз,

Бақытты да ұзақ өмір сүріңіз.

Қуанышты жүзіңізбен әрдайым,

Бұл өмірде күліп қана жүріңіз!

Құрметті аналар, қадірлі қонақтар мына тамаша әнді өздеріңіздің құрметтеріңізге тарту етеміз. Қабыл алыңыздар!

Ән:«Құттықтаймын, мама, туған күніңмен!»хормен орындалады.

(Сөзі:М.Мақатаев; Әні:Н.Тілендиев)

1.Нұрын төккен маған,

Шуағымсың сен!

Айналайын, мама,

Қуанышынмен!

Шаттандырған мені,

Жұбанышым сен!

Құттықтаймын сені

Туған күніңмен!

2.Аялаған мені

Ән қанатымен.

Құттықтаймын сені

Салтанатыңмен!

Бақытты ғой заман,

Қандай көңілді!

Мен тілеймін саған

Ұзақ өмірді!

Соңында: Балалар (хормен): Құттықтаймын, мама! –(2 рет)

(Балалар орындарына отырады.)

Жүргізуші: Бүгін – наурыздың сегізі,

Сұлулықтың негізі.

Әдемі сөз адамның,

Анаға айтар лебізі.

Балабөбектеріңіздің сіздерге арналған тақпақтарын қабыл алыңыздар!

Аналарға арналған тақпақтар:

1. Титтей бөбек кезімнен,

Еркелетіп күлгізген.

Әлдилеген емізген,

Алғаш ана дегізген.

2.Сүйікті анашым,

Аштыңыз көзімді.

Бір сағат көрмесем,

Сағынам өзіңді.

3. Бізді өсіріп баптаған,

Жақсы болсақ шаттанған.

«Алтыным» деп мақтаған,

Айналайын ақ мамам.

4. Ана-біздің күніміз,

Ананың біз гүліміз.

Балаңды ана қуантып,

Ұзақ өмір сүріңіз.

5.Жанымызды жайнатқан,

Сіздерсіз ғой аналар.

Зор денсаулық, мол бақыт,

Тілейміз біз балалар.

6. Бал бөбегін баптаған,

Мамам үшін мақтанам.

Ақ бетіннен сүйейін,

Келші, келші, ақ мамам.

7. Деп тілеп «адам бол»,

Көрсеттің маған жол.

Қуатым - өзіңсің,

Анашым аман бол!

8. Айналайын анашым,

Асқар таудай панасың.

Күн көзіңдей күлімдеп,

Құшағына аласың.

Жүргізуші: Бүршік шашып, ағаштар,

Орманда бұлбұл сайраған,

Жылғалардан су ағып,

Гүл құлпырып жайнаған.

Балалар, айтыңдаршы,

Бұл қай кезде болады?

Балалар: Көктемде!

Жүргізуші: Дұрыс айтасыңдар, көктемде.

Жүргізуші: Дұрыс айтасыңдар, көктемде. Ендеше «Көктем» ханшайымын шақырайық!

Балалар: Көктем, Көктем! Өлкемізге кел, Көктем!

Музыка әуенімен залға билеп, қолында бір себет гүлдері бар, Көктем кіреді.

Көктем: Шуақты көктем келді гүлін алып,

Көктемнің мерекесі бүгін анық.

Өмірдің көктемі де, гүлі аналар,

Ана деп бас иеді күллі халық.

Гүлге толы құшағым

Құлпырады кең далам.

Тіршіліктің бастауы.

Гүл көктемің мен болам.

Сәлеметсіздер ме, ардақты аналар, ақжаулықты апалар, құрметті қонақтар! (Қонақтар амандасады: - Сәлеметсіз бе!)

Сәлеметсіңдер ме, балалар?

Балалар амандасады: - Сәлеметсіз бе!

Көктем: Мен баршаңызды аналар күні мейрамымен құттықтаймын!!!

(Қонақтар амандасады: - Рахмет!!!)

Жүргізуші:Сәлеметсің бе, көктем! Өзің келіп дала гүлге оранды, түрлі түске боянды,

Жылғалардан су ағып, табиғат та оянады.

Балалар, көктемге арнап тақпақ айтып берейік.

Көктем: Рахмет, мен балалардың өнерін қуана тамашалаймын. (Көктем микрофон ұстайды)

Көктем туралы тақпақтар

1.Көктем келіп, жер көгеріп,

Даламызда түрленді.

Ауламыз да, алмамыз да,

Шешек жарып гүлдеді.

2. Көктем келді далаға,

Наурыз айын тудырып,

Наурыз айы болғанда

Жер гүлденер құлпырып.

3.Көктем күні керемет,

Жаңбыр жауар себелеп.

Күн ашылса болғаны,

Көлбеңдейді көбелек.

4. Келсе көктем сырнайлы,

Бұлақ күліп тынбайды.

Шуақ төгіп күміс күн,

Бұлбұл бақта жырлайды.

5. Көктем қандай көңілді,

Көктен жаңбыр төгілді.

Мөлдір аспан ашылып,

Күннің көзі көрінді.

6. Наурыз айы көктемім,

Күлімдейді көкте күн.

Жайқалған жазы жапанға

Күннің нұрын төккенін.

7.Көрініп жиі күлімдеп,

Төбеден күн күледі.

Ұшып кеткен құстар да,

Көктемде қайтып келеді.

8. Жер мен аспан көкпеңбек,

Айналамыз жайнайды.

Көктем, көктем, көктем деп,

Құс біткендер сайрайды.