Аналар сайысы мектепалды даярлыққа арналған тәрбие сағаты

Мақсаты: Ата-аналар мен балаларды сайысқа қатыстыра отырып, олардың отбасылық тәрбие туралы білімдерін кеңейту, тәрбиенің үздік үлгілерін насихаттау. Ата-аналардың мектеппен, мұгаліммен, басқа ата-аналармен тұрақты қарым-қатынасын қалыптастыру. Мектеп — отбасы — бала қарым-қатынастың тиімді модельдерін іздестіру. Түрі: Ата-аналар мен балалардан құралған топтар арасындағы сайыс түрінде өтеді. Көрнектілігі: Әр отбасына арналған слайд-шоу, бейнесюжеттер, «Аңса, балам», «Бала арманы» әніндерінің минустары, құнсыз заттар.

Жүргізуші:

Ана-бала,бала-ана бір ұғым

Бір –бірінсіз жоқ олардың бақыты

Омыртқаның үзбеу үшін жұлынын

Екеуінің өтсін бірге уақыты

Ана –бала көздің ақ пен қарасы

Бір-бірінсіз таусылмайтын шарасы

Әр ананы арманына жеткізер,

Әр баланың ақылы,ары санасы дегендей -Бүгінгі біздің сыныбымызда «Отбасы — алтын діңгек» атты сайыс өткелі отыр. Олай болса, бүгінгі сайысқа қатысушы аналарымызды балалармен бірге қошеметтеп ортаға шақырайық.

Әділ Әкімжанның отбасы —

2.Косолапова Елизавета отбасы-

3.Асқар Асыл отбасы-

4.Жанболат Айзере отбасы-

Жүргізуші: Өнерпаздар өнерін салыстырып,

Бәйге үшін терлетер шабыстырып.

Әділдікті қолдайтын баға беріп,

Жіберейік қазыларды таныстырап. Бүгінгі сайыстың әділ бағасын беріп, жеңімпазын анықтайтын әдіқазылар алқасымен таныс болыңыздар

Жүргізуші: Аналар бар өнерін салары анық,

Өнегелі тәлімді алған қанып.

Ал ендеше таныстырып өтейін мен,

Бөлімдерін сайыстың бөліп жарып.

Сайыс бағдарламасы төрт бөлімнен тұрады:

1 бөлім — Таныстыру

2 бөлім — «Бала арманы» үй тапсырмасы

3 бөлім — «Жағдаяттар» сұрақ-жауап сайысы

4 бөлім — «Өз өнері» сайысы.

Отбасымыз келіп жетті танысуға,

Сыпырды томағасын осы дұға.

Қызып келген қырандай керілтеді,

Әдеппенен ізетпен танысуға. Әрбір отбасы өздерін таныстырып өтеді.Жүргізуші: Әділ қазы мүшелерінен таныстыруға берген бағаларын сұрасақ.

Кедеймін деп қысылма,

Өнерің болса қолыңда.

Өнерлінің ырысы,

Жарқырап жатыр жолыңда — демекші ата-ана мен баланың дайындаған «Бала арманы» үй тапсырмасын тамашалайық. Бұл бөлім үш критерий (өлше) бойынша бағаланады.

1. Әділ Әкімжанның отбасы — Әкімжанның арманын ..... түрінде көрсетеді.

2.Косолапова Елизавета отбасы-

3.Асқар Асыл отбасы-

4.Жанболат Айзере отбасы- Жүргізуші: (қорытынды сөз): Балалардың армандары бүкіл адамзатқа ортақ. Қай тілде бала сөйлемесе де, оның болашағы, аңсаған арманы, кейін мақсаты ата-анасына байланысты. Бұл сайысты Мұхтар Шахановтың «Арман» өлеңінің жолдарымен аяқтағым келеді: Мәңгі лаулап жану үшін ғаламда,

Үлкен бақыт табу үшін ғаламда,

Үлкен болып қалу үшін ғаламда,

Үлкен арман керек екен адамға. Әділ қазы мүшелерінен үй тапсырмасына берген берген бағаларын сұрасақ.

Өзінің алғырлығын ұғындырып,

Көрсетер көп іздеген мығым қылық,

Келесі бұл сайыстың жоспарында,

Түседі бәйгеге білімділік — деп, сайысымыздың

3 бөлімі — «Сұрақ-жауап» сайысын бастайық.

1. Балаңыз мектепте біреумен ілінісіп қалыпты. Сіздің әрекетіңіз?

Үйде қонақтар бар. Балаңыз сіздің ең қымбат ыдысыңызды сындырып алды. Сіздің әрекетіңіз?

Балаңыздың достасқан баласы тәртібі қиын, нашар бала. Сіз қандай кеңес бересіз?