Аналарға мың алғыс ашық тәрбие сабағы, 3 сынып

Сабақтың тақырыбы: « Аналарға- мың алғыс!»

Сабақтың мақсаты: Оқушылар бойында 8 наурыз мейрамын қастерлеу сезімін дамыту.Өздерінің сүйікті аналарына деген сыйластығын тәрбиелеу.Оқушылардың бойындағы өнері мен дарындылығын дамыта түсу.

Сабақтың барысы

Мұғалім:

Құрметті аналар мен әжелер, қыз-қызғалдақтар!

Сіздерді келе жатқан 8-наурыз аналар мерекесімен құттықтаймын.Дендеріңізге саулық,отбасыңызға амандық, құт-береке, татулық, бақыт тілеймін.Мынау жарық дүниедегі өрнекті, өркен деген өмір құдіретті күннің ақ шуақ нұрынан, аяулы ананың ақ сүтінен жаралған.

Сіздерге өмір сыйлаған аяулы жан-асыл аналарыңа өмір бойы қызмет етсең де, оның бір түнгі ұйқысына да татымайды.

Ана балаға тек жақсылық тілейді, ұрпағының кейбір кемшілігі мен мінді мінездерінің кемісін кешіреді. «Баланың табанына кірген тікен,менің маңдайыма қадалсын»деген мақал осының дәлелі.

Міне, сондықтан да ананың ақ сүтін ақтау үшін, оның өсиетін тыңдап, өнегесін орындап өсу, біздің перзенттік борышымыз екенін бар жан-тәнімізбен сезініп, тәрбиеленуге тиіспіз.

Мұғалім: Жан ана

Жетпегенін мейіріммен,

Жеткізеді жан ана.

Қыл көпірден пейілімен,

Өткізеді жан ана.

Бір күн өмір сүрмейді,

Өзім үшін деп ана.

Көбінесе көз ілмейді,

Көрешегі көп ана.

Шаршап жүрген кезінде,

Табыл анаң қасынан.

Туған анаң барына,

Тәуба қыл, сен, жас ұлан!

Жып-жылы үйді елестетші анасыз,

Ол бәрібір сұп-суық.

Күлер шақта, күле алмайсыз анасыз,

Жанарыңа шық тұнып.

Ана ғана-Ет жүрегі елжіреп,

Ерітетін жаныңды.

Құшып, сүйіп мөлдіреп,

Үн қататын жағымды.

Тойдыратын тамағы,

Түксимейтін қабағы.

Ана ғана бала үшін,

Бар бейнетке барады.

Аналар көктемгі күндей жарқырап гүлдей құлпырған, гүл мерекеңіз күн мерекеңіз құтты болсын!

Осы аналар мерекесіне арнап «Аналарға- мың алғыс!» деп аталуының өзі, жайдан жай емес. Аналар аман болыңыздар! Күндей жарқырай беріңіздер!

Құттықтау сөз:

І жүргізуші: Мұнараш

Наурыздың келер сегізі

Сәті түсті бүгін сізге

Балаңыздың жүрек жарды

Анаға айтар лебізі

ІІ жүргізуші: Қуаныш

Күн жарық өнер сүйер барша қауым,

Бұл кеште керек сіздің шаршамауың

Сахнаға шықты міне балаларың

Қажет қой шапалақтап қарсы алуың.

І жүргізуші: Мұнараш

- Бүгін ерекше күн ғой және келген қонақтар да жай қонақтар емес «Аналар». Сәби өмірге алғаш келгенде өз сезімін уілдеген үнімен білдірсе, мен ер жете келе ерекше сезімді әнмен жеткізгім келеді.

- Бүгінгі күн, аяулы аналар, сіздер үшін де, сәбилеріңіз үшін де ерекше күн болмақ. Қиын да қысылтаң кезде шыдамдылықпен, ақылмен, мейірімділікпен аялай мәпелеп, еркелігімізді кешіре жол сілтеген ардақты аналар, бүгінгі балалық сезіміміз, алғысымыз, әсем әніміз,көңілді күйіміз, демалыс кешіміз сіздерге арналады.

Екеуі бірігіп:

Қош келдіңіздер!Аяулы аналар, құрметті ұстаздар,құрбы қыздар!

Хор: «Анашым қартаймашы жалынамын»

Тақпақтар:

1.Оқушы: Ернар

Аяулы да ардақты

Ашық аспан тілеймін

Ана сөзі жан-жақты

Бар баланы демеймін

Өмірге маған жол нұсқап

Тәрбие беріп өсірген

Қыңыр кетсем қолды ұстап

Қателігімді кешірген

Әлемдегі ең қымбат

Анашым менің анашым

Алысқа кетсем қол бұлғап

Сағынумен қаласың.

2.Оқушы: Құдайберген

Өмірде ана-бұлақ, ана-пана,

Өмірді өркендетер ана ғана.

Өсірген талай көсем, талай шешен,

Талай ер, талай ақын, талай дана.

Ана! Ол – біздің елде ардақты адам,

Кіші де, үлкен де оны ардақтаған.

Өзінің аяулысы – Отанды да,

«Ана» деп біздің халық текке айтпаған.

3.оқушы : Гүлбаршын

Бүгін –наурыздың сегізі,

Сұлулықтың негізі.

Әдемі сөз-Адамның

Анаға айтар лебізі.

4.Оқушы: Қуаныш

Күн сәулелі анашым,

Рухыңмен панасың.

Жадымда әркез қаласың,

Жүрегім боп соғасың.

Күн мейірімі төгілген

Ана ғана ғаламда.

Жақсы ананың шуағы

Мәңгі қалар санаңда.

Аналардың мейірімі

Тірлікті еткен ғаламат.

Ұмытпайық біз мұны,

Үлкен, кіші азамат.

1.Жүргізуші: Мұнараш

Ән: «Қазағым» орындайтын Жоламан Ақерке

Тақпақтар:

5.оқушы :Нұрғиса

Ана дейміз бәріміз аңқылдап

Ана дейді жас сәби де жарқылдап.

Ана деген- бәйтерегі өмірдің,

Ана деген -алтын қазық алтын бақ.

6.оқушы Мирас

Ана деген-асыл жандар болаттай,

Ана деген –мөлдір жандар бұлақтай.

О, адамдар, қадірлей біл ананы,

Жат қылыққа ақыл-ойды тонатпай.

8.Оқушы: Дидар

Ана десем, шешек атып жанары,

Өмірімнің бастау алар жаңа әні.

Ана деген тіршілікте пана боп,

Әрбір үйде жұлдыз болып жанады.

10. оқушы:Байжигит

Анасыз бір жоқ күнің,

Әжесіз жоқ бір күнің.

Ұсынамыз бір бүтін,

Сөздің сұлу шоқ гүлін.

2-ші жүргізуші: Қуаныш

Армысыңдар сыныбымыздың асылдары

Жайнасын көңілімнің жасыл бағы

Сіздер үшін ән мен күй өлең мен би

Сіздер үшін бишілердің шашулары

Би: Гүлдер биі. Бишілер:Қыздар тобы

1.Жүргізуші: Мұнараш

Анам маған күн мейірімін төгеді

Анам менің алтын айым көктегі

Ана деген әрқашанда асыл жан

Анам маған жүрек нұрын себеді

Ән: «Ана» орындайтын Усербаева Ұлбике

Тақпақтар:

11.Оқушы:Мейірман

Ана десем сезім билер тым ыстық,

Жарасымды адамдарға туыстық

Бар адамға берсе ананың мейірін,

Орнар еді бар әлемде тыныштық

12.оқушы Ернұр

Баланың да тірегі,

Дананың да тірегі

Шаншымасын ешқашан,

Аналардың жүрегі.

13.оқушы Бақтияр

Жақсы оқыған сабағын,

Балаға мен ағамын.

Біздер үшін-Ананың

Бұл баспасын қабағын

14.оқушы Балнұр

Әлемге тыныштық тілеген,

Жан ана жаныңа гүл егем.

Жаңалық жүректен айтылған,

Махаббат белгісі бұл өлең.

1-жүргізуші: Мұнараш

Би: Жігіттер биі

15.оқушы Нұрислам

Қуаныштың ағайын

Қоңырауын қағайын.

Ағартпасын тентектер,

Бір ананың смайын.

16.оқушы Жаңыл

Бәріде ана, ана,

Бір өзіңнен басталады

Сен деп жаздым, алғаш өлең дастанымды

Қуандымба,

Өзің бар деп қуандым.

Жыладым ба?

Өзің жоқ деп жас тамды,

Бәрі де ана бір өзіңнен басталады,

Жанарыңнан көрдім алғаш аспаныңды.

18. оқушы Әсел

Анам маған үлкенді сыйла деген,

Сол сөз маған ізгілік құйған ерен.

Үлкендерден ауысқан кішілікті

Үлкендердің өзіне сыйға берем

Атамнан қалған мұра ізеттілік

Арымды соған қойған күзеттіріп

Адалдық менің сәби айбарым ғой

Маңдайынан жүргені жүз өптіріп.

19. оқушы Ақілес

Мұрат, мүдде мақсатын,

Жақсы күн мен жақсы түн.

Нағыз бақыт ананың,

Ақтау дер ем ақ сүтін.

Жан ана, жарық күн жанарың,

Бір сенде кеңдігі даланың.

Балаңды құшақтап сүйгенде,

Сеземін көктемнің самалын.

І жүргізуші: Мұнараш

Ана – әлемдегі ең ардақты, құрметке ие, аяулы асыл жан. Елдің болашағын, заманының дарабозын, өмірдің сәйгүлігін тәрбиелеп, қанатын қатайтып, өмір нұрын сыйлаушы. Өмірдің соққан дауылды желінен, тағдырдың ойлы-қырлы соқпағынан жеңілмей, жеңіп өтуді үйретеді.

2-ші жүргізуші: Қуаныш

Адалдықтың сиқырын түсіндіру де нағыз аналардың арқасында асқақ қыздар, арыстандай ұлдар Отанның перзенттері болып өсіп жатыр.

Елдің тірегін тәрбиелеу халықтың тілегі мен аналардың құдіретінен қуат алады.

Ән: «Сағындым әже, сағындым» орындайтын Қарсыбек Айнара

Тақпақтар:

20. оқушы Айнара

Ана деген бұл ұлы есім,

Оны сен дағы білесің

Ана деген қахарман

Өмірдің жеген күресін

Ана деген бұл ұлы адам

Ұл қызына бақ сұраған

Сырты күлгенмен ал іші

Жауындай көзі жылаған

Ана-деген бұл жұмағым

Шырқалар солай жыр әнім

Аналар мәңгі жасасын

Тәңірден осы сұрарым

21.оқушы: Ханшайым

Асыл анам, есіл анам,

Елжіреймін еркелеймін есіме алам.

Мен үшін сен суалтқан, ақ сүтіңді,

Ақтамасам боп жүрмін несіне адам.

22.оқушы: Нұрсая

Анам менің, ақ сүтін берген аялаған,

Анамдай ардақты жанды қайдан табам

Әкемдей асқар тауым тұрған кезде,

Мен мұндай қиыншылық байқамағам.

Ата-ананы құрметтейік ағайын,

Ата-анамдайқамқор жанды қайдан таба

23.оқушы Жанеля

Айналайын анашым

Әлемдегі жаны асыл

Болса маған не керек

Бәрін іздеп табасың.

Айналайын анашым

Асқар таудай панасың

Күн көзіндей күлемдеп

Құшағыңа аласың.

2-ші жүргізуші: Қуаныш

Мейіріміңе табынармын ата-ана

Алыс кетсем сағынармын ата-ана

Екеуіңе жоламасын қайғы – мұң

Сендер үшін жаным пида,ата-ана.

(Оқушылар өлеңдерін мәнерлеп оқиды)

Еркеназ,Ұлбике, Ақерке, Мұнараш

І жүргізуші: Мұнараш

Анашымның жылы-жылы сөздері,

Көңілімнің өсуіне себепкер.

Анашымның мейірімді көздері,

Өмірімді өмір бақи өбектер.

Ән: «Әже» орындайтын Куандык Жанеля,Жаксилик Әсел

2-ші жүргізуші: Қуаныш

Анашымның қас-қабағы түспесін,

Қайғыланып қара шайын ішпесін

Анасына еркелеген бар бала,

Анасы үшін тек жақсылық істесін.

Би: Қазақ биі: Қыздар тобы

І жүргізуші: Мұнараш

Анам менің бесігім.

Тұла бойы кешірім.

Анам аман тұрғанда

Өшірмеймін есімін.

Ән: «Ана-әке» орындайтындар Жамаладин Ақілес,Иманберди Балнұр

І жүргізуші: Мұнараш

Түн ұйқысын төрт бөлген

Сенсің ана тірегім

Саған бақыт тілеймін

Сіз деп соғар жүрегім.

Бір сәт кетсең қасымнан

Сағанамын әрдайым.

Би: «Адай биі» бишілер жігіттер тобы

2-ші жүргізуші: Қуаныш

Анашымның жылы-жылы сөздері,

Өмірімді өмір бақи өбектер.

Анашымның мейірімді көздері,

Көңілімнің өсуіне себепкер.

Ән: «Ата-әже» орындайтынТұрсынхан Еркеназ, Жоламан Ақерке

Ақ сүт беріп өсірген асыл анам

Көңілінді ешқашан түсірмеймін,Оқимын,еңбектенем ақын болам

Анашыма тек жақсылық тілеймін мен.

І жүргізуші: Мұнараш

Ақ сүт беріп өсірген асыл анам

Көңілінді ешқашан түсірмеймін,

Оқимын,еңбектенем ақын болам

Анашыма тек жақсылық тілеймін мен

Би: «Жігіттер биі» орындайтындар жігіттер тобы

2-ші жүргізуші: Қуаныш

Анаң сенің жүргің

Ана – сенің тірегің

Сен бақытты ұлансың

Бәрі саған қуансың.

Өмірімде бір ғана,

Кешіріп жүрген бұл ана.

Мақтан етіп баласын,

Мәпелеген жан ана.