Ананың махаббаты әлемді жылытады 1 сынып

Сабақтың тақырыбы: «Ананың махабаты, әлемді жылытады»

Сабақтың мақсаты: ананың өмірдегі орны, оның адамгершілігі, берер тәрбиесі жайлы түсіндіру;

Оқушылардың мейірімділік, қайырымдылық құндылықтары туралы түсініктерін кеңейту.

Көрнекілігі: сынып бөлмесін безендіру, даналық сөздер, интерактивті тақта.

Мұғалім сөзі: Саламатсыздар ма, қадірлі ақ жаулықты аналар, құрметті ұстаздар. Қағбаның қара тасын, Самарқанның көк тасын жібіткен, ақпанның ақ дауылын, ақ мамық бұлтын серпіп тастап, барша қазақ халқын татулыққа шақырған, жүректерге жылу дарытқан көктемнің алғашқы мерекесі 8-наурыз халықаралық әйелдер күні мейрамы құтты болсын!

-Балалар, қазір жылдың қай мезгілі?

-Көктем мезгілінде қандай мерекелер бар?

Шаттық шеңбері: Сәттілік біздер тілейік,

Күндей күліп жүрейік.

Күннің нұрын төгейік

Көктем келді, алақай,

Ендеше гүл терейік.

Топқа бөлу: 1-топ: «Көктем»

2-топ: «Жаз»

3-топ: «Күз»

4-топ: «Қыс»

Мұғалім: Айналдым ана деген асыл аттан

Шуағын бар әлемге шашыратқан

Ойнап жүрген құлынын даладағы,

Үйде отырып даусынан ажыратқан-деген өлең шумақтарынан біз ананың балаға деген қамқорлығы мен мейірімін аңғарамыз.

Тоғжан: Ана, ана, ана! Не деген мейірлі, не деген шапағатты сөз. Осынау үш әріптен құралған қасиетті сөздің түбінде ұлы сезім жатыр десеңізші! Жақсылық атаулының барлығы да ананың сүтімен жаралған.

Еркемай: Ана – перзент тәрбиелеуші, ана-қызметкер! Сондықтан да болар, әркім өз анасы жөнінде толғанады, ойланады, сағынады, қолынан келгенше мәпелейді. Әйел-ана алдындағы адамзаттық борышын өтеуге тырысады. Қарапайым еңбек адамы анасына сый-құрмет көрсетсе, ақын оған арнап өлең жазады, композитор ән, күй шығарады.

Арайлым: Адамзат ең алдымен ана алдында қарыздар. Ана қарызы алтынға бөлеуді, ақ орда салуды қаламайды. Ана баласының ер жетіп, адам болуын қалайды. Анаға осыдан артық тарту, таралғының керегі жоқ.

Жасмина: Тарихқа көз жіберсек, 1910 жылы Копенгагенде социалист әйелдердің күнін атап өтуді мәселе етіп көтеріпті.Содан кейін де, яғни 1911 жылы Германияда, Австрияда, Швейцарияда және Данияда, 1913 жылы Петерборда халықаралық әйелдер күні мерекеленіп өтеді.

Шұғыла: Ана баласының ғана қамқоршысы емес, ол адамзат атаулының амандығын тілеп, сол үшін қажырлы күреске шығады. Сондықтан да дүниежүзінің озық ойшыл жандары 8-наурызды Халықаралық әйелдер күні етіп белгіледі. Ол күн жыл сайын мереке ретінде аталып өтіледі.

Мұғалім: «Бала тілі – бал дегендей» балалардың шын көңілінен шыққан, жүрек жарды аналарына деген тілектері бар. Осы мерекенің алдында айтқан болатынбыз, аналарыңның мерекесі келе жатыр, қандай тілек тілер едіңдер-деп. Менің тілегімді жазыңызшы деп ұсыныс білдірген балалардың жылы лебізін қабыл алыңыздар.

Шұғыла: Анашым аяладың,әлпештедің

Ана үшін бәріне мен барар едім

Сенсің менің басымдағы бақ дәулетім

Басыңнан кетпесін еш бақ дәулетің.

Ернұр: Менің әжем, бұл әжем

Айтқан сөзі дәл әжем.

Аман болса кореді,

Қызығымды әлі әжем.

Сандуғаш: Ана деген асыл жан

Тастамайтын баласын