Анашым, ән арнаймын бір өзіңе тәрбие сағаты 6-сынып

Тәрбие сағатының тақырыбы: «Анашым,ән арнаймын бір өзіңе!»

Күні:

Мақсаты: дүниедегі жақсылық атаулының бәрі күннің нұрынан, ананың мейірімінен тарайтынын ұғындыру, анаға деген сүйіспеншілік сезімдерін арттыру, ананы құрметтеп сыйлай білуге, мейірімділікке, аналардың өлшеусіз еңбегін бағалай білуге үйрету, оқушылар бойындағы жеке қабілеттері мен таланттарын дамыту, адамгершілікке, ізгілікке, достықты қастерлей білуге тәрбиелеу.

Бәрі де, Ана, бір өзіңнен басталды.

Сен деп жаздым алғаш өлең дастанды.

Қуандым ба, өзің бар деп қуандым.

Жыладым ба, өзің жоқ деп жас тамды.

Бәрі де, Ана, бір өзіңнен басталды.

Жанарыңнан көрдім алғаш аспанды.

Еркелесем, бір өзіңе еркелеп,

Жасқандым ба, тек өзіңнен жасқандым.

Алғашқы дәм, ол да сендік сүт еді,

Ақ сүт берген қашанда үміт күтеді,

Отанымның өзі сенен басталып.

Жауларыма жеткен жерден бітеді.

Мұғалім сөзі: Әр адам көзін ашып дүниеге келгенде мейірімді, жүрегі жылы жанды көреді. Ол – Ана. Қанаттыға қақтырмай, тұмсықтыға шоқтырмай бауырына басып, біз үшін жанұшыра шырылдайтын да – Ана. Әрқашан дұрыс, таза жүр, адал бол деп тілейтін де – Ана. Ана, бұл жел жағымызға пана, бәріміз үшін дара, дана тұлға. Ана дегенде сөзге келмейтін тіл, лүпіл қақпайтын жүрек, мөлтілдемейтін жанар жоқ. Балаға анадан артық, анадан қымбат жан жоқ. Әрбір ана отының өшпеуін, бақытының көшпеуін, шаңырағының құламауын, сәбидің жыламауын, сұл соғыстың болмауын, қызыл гүлдің солмауын тілейді. Бойымыздағы ең жақсы қасиеттер бізге алдымен анадан тарайды. Ананың нәзік үні, жұмсақ та аялы алақаны, жан жылыуымен аялауы бізді әлдилеп жұбатады, көңілімізді сергітеді. Дүниеде ананың көз жасынан салмақты, одан ауыр таразы басын басатын ештеңе жоқ. Өйткені ананың көз жасы өзінің киесімен ауыр. Дүниеде анасыз адам жоқ. Қаламы жүйрік жазушы да, данышпан ғалым да, ел басқарған көсем де, күміс көмей әнші мен мың бұралған биші де анадан туып, соның көкірегінен нәр алып өскен. Ана – тіршіліктің гүлі, отбасының берекесі, бүкіл адамзаттың тәрбиешісі. Ендеше анамызды сыйлап, құрметтейікші, жас достар!

Ән «Анашым» хор

1910 жылы Данияда Копенгаген қаласында революционер әйелдердің халықаралық конференциясы өтті. Мінбеге Клара Цеткин шықты. Ол ақ шашты қара көзді орта жастағы адам еді. Біз күреспен қол жеткізген осы мерекені жыл сайын 8 наурыз күні атап өтейік. Бұл барша әйел қауымының мерекесі болсын деген ұсыныс айтты. Ұсыныс бір ауыздан қабылданып, 8 наурыз халықаралық әйелдер күні болып қабылданды. Сол уақыттан бастап 8- наурызда халықаралық әйелдер мерекесін тойлап келеміз.

Аналарымызға жүрегімізден шықан өлең шумақтарымызды арнаймыз.

Десек те уақытпен жарыспайды,

Қиялға қиялменен қарыштайды.

Шәкірттер шын жүректен тебіреніп,

Өнерін аналарға бағыштайды

Динара Жаңабек

Ардақты ана, аяулы ана, қымбаттым, Дүниедегі ең ардақты асыл жан

Тәтті ұйқыңды бөліп талай түн қаттың Анам менің мәпелеген жасымнан

Өміріме нәрін берді ақ сүтің, Мен қуансам қуанады ол бірге

Кең құшағың аясындай гүл бақтың. Мен қиналсам табылады қасымнан

Ер жеткізіп елге берген баласын, Маған қымбат жан жоқ сірә анадан

Ақылдысың, ардақтысың, данасың! Бар жақсылық аналардан тараған

Қарайтыным қас-қабағың бір сенің, Жер бетіне өмір нәрін себуші

Қайратыңнан қайта көрме, анашым Ана алдында борышты ғой бар адам

Елнұр Арайлым

Ана тұрса құшаққа алып баласын Асыл анам – алтын жан, асқар тауым

Бақыт, шаттық белгісіндей жарасым Арайланып алдымнан атқан таңым

Қабағыңды кірбің шалмай өмірде Әлпештедің, әлдилеп аяладың