Анашым ардақтым тәрбие сағаты 4 сыныпқа

Анашым- ардақтым.

(ашық тәрбие сағаты)

Тәрбие сағатының мақсаты: Адамгершілікке баулу, үлкенді сыйлауға,

ізеттілікке , салт-дәстүрді сақтауға тәрбиелеу.

Көрнекілік: Сынып бөлмесін гүдестелермен безендіру, ана туралы жазылған

Ұлы адамдардың сөздері, слайдтар.

1-жүргізуші: Құрметті аналар, ұстаздар! Көктем өзінің шуағымен,

жылылығымен аналар мерекесін ала келді!

2-жүргізуші:Құрметті аналар! Сіздерді көктем мерекесі Аналар күнімен

құттықтаймыз!

1-оқушы:

Мәпелейсің мені анам,

Қолыңдағы құсыңдай.

Құлпыра өсіп дем алам,

Құшағыңда қысылмай.

2-оқушы:

Үмітіңдей көзіме

Көп қарайсың үңіліп.

Еркелеген сөзімде

Ертеңіңіз тұр күліп.

3-оқушы:

Сен жалықпай жетектеп,

Мен жаттыға жетермін

Айтқаныңды екі етпей

Ақ сүтіңді өтермін.

«Ананың тілі»- әні орындалады.

4- оқушы:

Өмірде мынау ең жақын,

Аяулым сенсің , анашым.

Болмаса мейлі зор даңқың,

Мен үшін бірақ данасың.

5- оқушы:

Мейірім төккен нұр жүзің

Тұрғандай сезем жаныңда

Адам бол деуші ең , жұлдызым

Сақталды сөзің жадымда.

6-оқушы:

«Игі еңбек түбі осы-ау» - дер,

Көргендер жеміс ағашын

Қартаймай мәңгі жасай бер,

Мәңгілік күндей Анашым!

Ән - «Ана тілін сүйеміз » орындалады.

7- оқушы:

Тентек болсам ашынып,

Жақсы іс қылсам асырып.

Маған сақтап жүреді,

Тәттіні де жасырып.

8- оқушы:

Тосып тәтті дәмдерін,

Ол бар жерде бал жедім

Мен ұйықтарда айтады

Ертегісін- әндерін

Әжетайым бар менің!

«Ақ әжем » әні орындалады.

9- оқушы:

Бала, бала, бала деп,

Түнде шошып оянған.

Түн ұйқысын төрт бөліп,

Түнде бесік таянған.

10- оқушы:

Аялы қолда талпынған,

Қаймақты сүттей қалқытқан

Суық болса жөргегін,

Қорғасындай балқытқан.

«Айналайын ақ мамам» - әні орындалады.

1-Жүргізуші: Балалар , Ана туралы мақал- мәтелдер білеміз бе?

Оқушылар: Ағайын алтау, Ана- біреу.

- Ананың сүті- бал,

- Баланың тілі - бал.

- Ағайынның алтын сарайынан- Анамның лашығы артық.

- Ердің анасы- елдің анасы.

«Ана туралы баллада» әні орындалады.

2- жүргізуші: Келесі тамашалайтындарыңыз «Үш ана» көрінісі.

Рөлдерде: Әйгерім (қыз бала), Анасы, Әжесі.

(Ортаға стол қойылып, айнала үш орындық қойылады. Орындықтың шетін ала стол астында қуыршақ жатыр).

Жүргізуші: Ойыннан келген Әйгерім,

Қуыршағын іздеді

Астынан стол тапты да,