Әнші болғым келеді музыкалық ойын сценарийі

"Әнші болғым келеді"

Мақсаты: қабілетті оқушыларды анықтау, оқушылардың орындаушылық дағдыларын қалыптастыру, өздеріне деген сенімділіктерін арттыру;

Сахналық мәдениетке, өнер адамдарын құрметтеуге тәрбиелеу.

Жүргізуші: Армысыздар, құрметті көрермен қауым!

Ән барлық халықтарды біріктіреді, себебі оның тілі барлық халықтарға да түсінікті. Ән сөзбен айтып жеткізе алмайтын сезімдердің, ойлардың өзін түбі жоқ тереңнен алып шығып, әуен арқылы бүкіл сана-сезіміңді баурап алып жеткізе алатын қасиетке ие.

Жүргізуші: Менің ойымша дарын, икемділік, жұртшылықты өзіне қарату, ерекше сезім иесі және терең білім шеберлікті қажет етеді. Ендеше біздің мектепте осындай өнерлі балалар бар ма?

Жүргізуші: Олай болса тұрмайық, байқауымызды бастайық. Әділ баға беретін Әділқазылар алқасымен таныс болайық:

1. ИВТ пәнінің мұғалімі: Есенова Әсел апай

2. Бастауыш сынып мұғалімі, ардагер-ұстаз Қаражанова Дәмелі апай

3. Музыка пәнінің мұғалімі: Тулешова Гүлжан апай

4. Өзін-өзі тану пәнінің мұғалімі: Мамбетқазиева Құралай апай

Жүргізуші:

Адам - ғалам, ғажайып, жеке дара,

Жан құмары ізденген мәңгі сана.

Өзіңді өзің танысаң істің басы,

Түзеген өз ғаламын болған дана - деп, байқауға қатысушыларымызды ортаға шақырамыз.

Қатысушылар сахна төріне шығады.

Жүргізуші: Құлпырған еліміздің ұл-қызымыз,

Әзірге үлпілдеген құндызымыз.

Арасын жер мен көктің бағындырар,

Ертеңгі жарқыраған жұлдызымыз, - деп, байқауымызды "Көңілді күн" әнімен Абдолдаева Гаухар ашады.

Жүргізуші:

Музыка - ырғақ, нәзік әуен, асқақ үн,

Музыка - өзен, дала, аспан үн.

Ғұмыры жоқ ырғақтардың басқаның!

Кәне, әншілер, бас әуенге, қос әнге,

Шырқат биік тіршіліктің дастанын.

Жүргізуші:

Сахнаға байқауымыздың қонағы, көптеген Халықаралық, Республикалық байқаулардың жүлдегері Бауыржан Жәлелді "Жалаң аяқ" әнімен қарсы аламыз.

Ән: "Жалаң аяқ" Бауыржан Жәлел.

Жүргізуші: Ұйықтап жатқан жүректі ән оятар,

Үннің тәтті оралған мәні оятар - деп кезекті дуэтке береміз.

Ән:"Еркем" Жұмағұлова Ақиба, Байрамгелді Галина.

Жүргізуші: Көңілдері марқайып бір қалсыншы,

Өнерпаздар шырқап әнге салсыншы.

Ән: "Жұлдызым" Бияшева Ақтоты

Жүргізуші: Құлақтан кіріп бойды алар,

Жақсы әнмен тәтті күй.

Көңілге түрлі ой салар,

Әнді сүйсең, менше сүй - деп, Абай атамыз айтқандай келесі қатысушыларды қарсы аламыз.