Ақиқатты жолға алып, адалдықпен өмір бастаймыз сабақ жоспары

Пән: Өзін – өзі тану

Мектебі: ҚОЖББМ

Күні: 04.09.2019ж

Тақырыбы : №1 «.Ақиқатты жолға алып, адалдықпен өмір бастаймыз!»

Құндылығы: Ақиқат

Қасиеттері: шындықты айту, қарапайымдылық, кішіпейілділік.

Мұғалімі: Бердібекова.М.Ж

Сыныбы: 1 Оқушылар саны: 19

Мақсаты: Оқушыларға адалдық адамның маңызды қасиеті екенін түсіндіре отырып, ақиқат құндылығының мәнін ашу.

Міндеттері:

Білімділік: Оқушыларға адал өмір сүрудің мәнін түсіндіре отырып, тек шындықты айту керектігін үйрету.

Дамытушылық: Оқушылар бойындағы қарапайымдылық қасиеттерін дамыту.

Тәрбиелік: Оқушыларды кішіпейілділікке тәрбиелеу.

Ресурстар:

(материалдар, дереккөздер)

Сабақтың барысы:

Ұйымдастыру кезеңі.

Тыныштық сәті: Нұрға бөлену.

5Т – ережесі:

1.Тәртіп.

2.Талап.

3.Тыныштық.

4.Тазалық.

5.Татулық.

2. Сабақтың дәйексөзі.

(Бірінші ұл балалар қайталайды, кейін қыз балалар қайталап оқиды)

«Ақиқат – даналықтың бастауы»

Халық даналығы

Сұрақтар:

1. Ақиқат деген не?

2. Адами қасиетке нені жатқызуға болады?

3. Дәйексөзден қандай ой түйдіңіз?

3. Оқиға айту (Мұғалім сыйы).Елеместің адамгершілігі

Ертегі

Ертеде бір кедейдің үш баласы болыпты. Үшеуінің мінезі үш түрлі екен. Үлкені қатыгез, қу, тек қана өзін ойлайтын, ал ортаншысы жігерсіз, елдің айтқанымен жүретін адам болып өседі. Ең кішісінің аты Елемес екен. Ол ағаларына қарағанда мейірімді, адал, еңбекқор еді.

Әмиянды жерден көтеріп алып:

- Мынау кімнің әмияны? Кім жоғалтты? – деп жар салады.

Бұл сөзді естіген жәрмеңкеде жүрген қала жұрты аңтарылып Елемеске қарап қалады. Осы кезде Елеместі Қоршап тұрған адамдардың арасынан бір қария шығып:

- Мен жоғалттым. Оның ішінде менің өмір бойы жиып-терген алтын теңгелерім бар. Оларды әйелім тігіп берген гүлді орамалдың ішіне түйіп қойғанмын. Балам, әмиянді ашып көрші, — дейді.

Елемес әмиянды қарап тұрған жұрттың көзінше ашады. Расында да ішінде гүлді орамалға түйілген алтын теңгелер бар екен. Жоғын тапқан қария қуанып Елемеске алғысын айтады.

- Балам, өзің кім боласын?Қайдан келесің? Қайда бара жатырсың? – деп жөн сұрайды

Елемес қарияға барлық мән-жайды айтып береді. Оның әңгімесін естіп болған қарт:

- Сен мейірімді, адал жан екенсің. Егер қаласаң, осы қалада қал. Менің үш ұлым бар еді, төртіншісі бол, — дейді.

Елемес қарияға еріп оның үйіне барады. Қарияның балаларымен бірге жер қазып, егін егеді. Бір күні жер қазып жүрген оның күрегіне бір зат ілінеді. Алып қараса — алтын. Алтынды көрген ол одан әрі қаза түседі. Сол жерден ат басындай алтын тағы шығады. Елемес тапқан алтынды алып, қарияның үйіне келеді де:

- Әке, мен ат басындай алтын таптым. Міне, алыңыз, — деп алтынды шалға ұсынады. Оның көңіліне разы болған қария:

- Балам, бұл алтынның маған қажеті жоқ. Қашанғы бізбен бірге тұра берем дейсің. Өзіңше үй-жай болып, өніп-өс. Бұл – адалдығың мен еңбегіңнің арқасында тапқан байлығың, — деп кеңес береді.

Елемес алғыс айтып, алтынның бір бөлігін қарияға береді. Өзі қалған алтынын сатып, үйленіп, үй болады. Мал-мүлік жинайды. Ешқандай қара жұмыстан қашпай, күні-түні еңбек етеді.

Сұрақтар:

1. Қарт Елемеске қандай кеңес береді?

2. Елеместің өмірі қалай жалғасты?

3. Елемес қандай адам?

4. Оның адалдығын қандай ісінен көруге болады?

5. Адал болу не үшін қажет?

4. Шығармашылық жұмыс, топпен жұмыс.

Тапсырма: Оқушыларға тақырыпқа байланысты бояулар тапсырылады.

Оқушылар оларды бояп әңгіме құрастырып айтады.

5. Топпен ән айту.

"Бала тілегі" Сөзі:С.Молдасанұлынікі

Әні:Ф.Лұқпанованікі

1.Бал-балалық,балдырған шақ сан арман,

Барлық бала армандауға жаралған.

Кел,достарым,әндетіңдер,билеңдер,

Гүлденсін деп атамекен қара орман.(2 рет)

2.Болашақтың иесіміз бәріміз,

Туған жердің түрлендірер нәріміз.

Алтын бесік-ұлан байтақ елімде,

Жарқын болсын шырқап айтар әніміз.(2 рет)

3.Қалықтаған көгершіні көгінде,

Мұңаймасын ешбір бала елімде.

Ата берген батаменен көркейсін,

Ұлы Отаным,тілегім сол менің де.(2 рет)

6. Үйге тапсырма.

№2 – сабақ. «Түлкі мен ешкі» ертегісін үлкендердің көмегімен оқып келу.

8. Соңғы тыныштық сәті: Балалар, бүгінгі сабақтан игерген жақсы қасиеттерді есемізге түсіріп, жүрегімізге сақтайық!

Пән: Өзін – өзі тану

Мектебі: ҚОЖББМ

Күні: 11.09.2019ж

Тақырыбы: №2. «Ақиқатты жолға алып, адалдықпен өмір бастаймыз!»

Құндылығы: Ақиқат

Қасиеттері: шындықты айту, қарапайымдылық, кішіпейілділік.

Мұғалімі: Бердібекова.М.Ж.

Сыныбы: 1Оқушылар саны: 19

Мақсаты: Оқушыларға адалдық адамның маңызды қасиеті екенін түсіндіре отырып, ақиқат құндылығының мәнін ашу.

Міндеттері:

1. Білімділік: Оқушыларға адал өмір сүрудің мәнін түсіндіре отырып, тек шындықты айту керектігін үйрету.

2. Дамытушылық: Оқушылар бойындағы қарапайымдылық қасиеттерін дамыту.

3. Тәрбиелік: Оқушыларды кішіпейілділікке тәрбиелеу.

Ресурстар:

(материалдар, дереккөздер)

1.https://infourok.ru

Сабақтың барысы:

1. Ұйымдастыру кезеңі.

Тыныштық сәті: Орманға ойша саяхат

2. Үй тапсырмасын тексеру.

№1 – сабақ. «Түлкі мен ешкі» ертегісін үлкендердің көмегімен оқып келу.

Сұрақтар:

Түлкінің айтқаны шындыққа жата ма?

Неліктен?

Әрдайым шындықты айтқан дұрыс па? Неліктен?

Өз өмірлеріңде шындықпен жол тапқан мысалдар келтіріңіздерші?

5Т – ережесі:

1. Тәртіп.

2. Талап.

3. Тыныштық.

4. Тазалық.

5. Татулық.

3. Сабақтың дәйексөзі.

(Бірінші ұл балалар қайталайды, кейін қыз балалар қайталап оқиды)

«Ақиқат – даналықтың бастауы»

Халық даналығы

Сұрақтар:

1. Адал деген не?

2. Адамдар неліктен адал өмір сүру керек деп ойлайсыздар?

3. Дәйексөзден қандай ой түйдіңіз?

4. Оқиға айту (Мұғалім сыйы).

Не үшін?

Қ.Мырзалиев

Екі көзің не үшін керек?

Жақсыларды көру үшін!

Екі қолың не үшін керек?

Елге көмек беру үшін!

Құлақ деген не үшін керек?

Ақыл-кеңес тыңдау үшін!

Жүрек деген не үшін керек

Жауларымнан қыңбау үшін!

Тіл мен жағың не үшін керек!

Ақиқатты айту үшін!

Ал аяғың?..

Шет жүрсем,

Туған жерге қайту үшін!

Сұрақтар:

Көздің, қолдың, жүректің, тілдің, аяқтың шынайы міндеттерін қалай түсінесіңдер?

Қандай қасиеттер арқылы адам ақиқатқа жете алады?

Өзгелердің бойындағы жақсы қасиеттерді қалай танып, біле аласыңдар?Мысал келтіріңдер.

Өз достарыңның бойындағы жақсы қасиеттерді сипаттап бер.

5. Шығармашылық жұмыс, топпен жұмыс.

Тапсырма: Балалар ертегі кейіпкерлерінің суретін дәптерге салады.

6. Топпен ән айту.

«Біз осылай өсеміз»

Сөзін жазған М.Әлімбаев

Әнін жазған И. Нүсіпбаев

Суда жүзіп өсеміз,

Қырды сүзіп өсеміз.

Күнге қызып өсеміз,

Құмда шыжып өсеміз.

Қайырмасы:

Талаптанып өсеміз.

Қанаттанып өсеміз.

Таулар көріп өсеміз,

Баулар егіп өсеміз.

Жеміс теріп өсеміз,

Жеңіскер боп өсеміз.

Қайырмасы.

7. Үй тапсырмасы. №1 дәптердегі суреттерді бояу

Келесі сабақ №3 – сабақ. «Сыпайы қоян» ертегісін үлкендердің көмегімен оқып келу.

8. Соңғы тыныштық сәті: Балалар, бүгінгі сабақтан игерген жақсы қасиеттерді есемізге түсіріп, жүрегімізге сақтайық!

Пән: Өзін – өзі тану

Мектебі: ҚОЖББМ

Күні: 18.09.2019ж

Тақырыбы: №3. «Тәртіп пен парыз»

Құндылығы: Дұрыс әрекет

Қасиеттері: ата-ананы, үлкендерді, мұғалімдерді сыйлау, тілалғыш болу, шындықты айту.

Мұғалімі: Бердібекова.М.Ж.

Сыныбы: 1 Оқушылар саны: 19

Мақсаты: оқушыларға тәртіп пен парыздың мәнін түсіндіре отырып, дұрыс іс-әрекет құндылығының мәнін ашу

Міндеттері:

1. Білімділік: Оқушыларға тек шындықты айту керек екенін үйрету.

2. Дамытушылық: Оқушылар бойындағы тілалғыштық қасиеттерін дамыту.

3. Тәрбиелік: Оқушыларды ата-ананы, үлкендерді, мұғалімдерді сыйлай білуге тәрбиелеу.

Ресурстар:

(материалдар, дереккөздер)

Сабақтың барысы:

1. Ұйымдастыру кезеңі.

Тыныштық сәті: Нұрға бөлену

2. Үй тапсырмасын тексеру.

№3 – сабақ. «Сыпайы қоян» ертегісін үлкендердің көмегімен оқып келу.

Сұрақтар:

1. Қоян қандай дұрыс әрекет жасады?

2. Жылан неліктен қоянға тиіспеді?

3. Адамның тәртіптілігі неден көрінеді?

4. Өздеріңнің өмірлеріңде сыпайылықтың көмектескен кездері болды ма?

5Т – ережесі:

1. Тәртіп.

2. Талап.

3. Тыныштық.

4. Тазалық.

5. Татулық.

3. Сабақтың дәйексөзі.

(Бірінші ұл балалар қайталайды, кейін қыз балалар қайталап оқиды)

Жақсы тәртіп көрсе бала күнінде,

үлгісімен қуантады түбінде.

Ж. Баласағұни

Сұрақтар:

1. Тәртіпті бала қандай бала, қалай ойлайсыздар?

2. Тәртіпті бала кімдерді қалай қуанта алады?

3. Дәйексөзден қандай ой түйдіңіз?

4. Оқиға айту (Мұғалім сыйы).Ерлік

Шыжыған шілде айы. Асқар мен Амантай көлге шомылуға келе жатыр. Екеуі де үнсіз. Тек оқта-текте мәйкілерін ыстық құмға төсеп жіберіп, күйген табандарын отыра қалып уқалап-уқалап қояды.

Бұлардың бір-бірлерімен сөйлеспейтіндей жөндері бар. Өйткені, әлгінде ғана Асқар жолдан бәкі тауып алған. Турасы, Амантайдан бұрын көрген. Ал сол бәкіні досы жерден көтеріп алған болатын. Содан екеуі таласып қалған еді. Асқар: «Бәкіні мен бұрын көрдім, сондықтан мен аламын», – десе, Амантай: «Сен бұрын көргенмен, мен жерден бірінші алдым ғой!» – деп бет бақтырмайды. Ақыры, сөзге келгенде ешкімге дес бермейтін Асқар алып тынған-ды сол бәкісі құрғырды. Егер сол бәкі жерде жатпағанда немесе бұлар тауып алмағанда екі достың ренжіспеулері де мүмкін ғой?!

Кенет, «ойбай, құтқарыңдар!»деген ащы дауыстан әуелгіде екеуі де селк ете қалды.

– Не де болса, суға батып бара жатқан адам! Тез барып құтқаруға тырысайық! – деді Асқар.

– Әй, мынау тіпті таныс дауыс, Айбек болып жүрмесін... – деді Амантай. Екеуі өздері отырған биік дөңнен төменге қарай құлдилай жөнелді.

Шынында да, Амантай қателеспепті, суға бір батып, бір шыққан Айбек қақала-шашала бұларды көре сала еңіреп жылап жіберді. «Құтқарыңдар! Өлдім!» - деген сөзін бірнеше қайталап, көрінбей кетті.

Ал бұл екеуі қапелімде не істерлерін білмей абдырап қалды. Бірақ әшейінде тау құлап келе жатса да міз бақпайтын Амантай Асқардан бұрын суға қойып кетті.

Амантайдың ауылда суға жүзгіштігімен аты шыққан. Балалар өзара суға жүзіп жарысқанда ол алдына жан салмайтын. Содан да болар, мұны ауылдағылар «Балық» деп атап кеткен. Бірақ бұған шамданатын Амантай жоқ, қайта бұлай атағанға масаттанып қояды.

Міне, көзді ашып-жұмғанша ол Айбекті жағаға алып шықты. Атасынан үйренген бірінші көмегін көрсетуде: кеудесінен басып, аяқ-қолын уқалап, аузынан дем беріп үрлеп қояды. Ал бұған Асқар аң-таң. Бұрын-соңды Амантайдың мұндай істерін көрмепті.

– Амантай, сен бұлардың бәрін қайдан үйреніп жүрсің?! – деп сұрады шын таңданғанын жасыра алмай.

– Ә-ә, мұны ма... – деді досына масаттана қараған Амантай. – Кезінде атам үйреткен! Бұл дегенің – «Жедел жәрдем» келгенге дейінгі алғашқы көмек! Керек десең, сен де үйреніп ал! – Дауысын және көтере сөйледі.

Осы сәтте жерде етпетінен жатқан Айбек көзін ашты-ау, әйтеуір. Әуелгіде жан-жағына жалтақ-жалтақ қарап қойды. Бірақ бұл кезде мұның жанында жақынырақ Асқардың болғанынан ба, оған алғысын жаудырды келіп.

– Түуһ! Өліп қалған шығармын десем... Әйтеуір тірі екенмін... Көп рақмет саған, Асқар! – деп жымың-жымың етті.

– Жә, ештеңе етпейді, – деді Асқар қысыла. – Сені мен емес, Амантай ғой құтқарған. Соған айт алғысыңды!

– Ә, Амантай екен ғой, – деді Айбек күлімдеп. – Бәсе, ол бекерден-бекер «Балық» атанып жүрген жоқ қой...

– Амантай! Сен болсаң, Айбектің өмірін құтқарып қалдың! Міне, нағыз азаматсың! Сондықтан манағы екеуміз тауып алған (осы кезде досына қулана…