Ақкөңілділік тақырыбындағы ашық сабақ 3 сынып

Өзiн-өзi тану сабағының жоспары

Тақырып: Ақкөңілділік туралы. Құндылық: сүйіспеншілік Қасиеттер: мейірім, қуаныш, достық.

Сабақ мақсаты: Оқушыларға кең пейілділік, бауырмалдық сияқты адамгершілік құндылықтар туралы түсінік беріп, олардың бойындағы мейірімділік, қамқорлық сезімдерін дамыту.

Міндеті:

Білімділік:Оқушылардың айналасындағыларға түсіністікпен қарап, олардың қамқорлық сезімдерін дамытуға ықпал ету.

Дамытушылық: Оқушылар адалдық, әдеп сақтау туралы түсініктерін тереңдету;

Тәрбиелік:Оқушыларды көпшіл, қамқор болуға тәрбиелеу.

Ресурстар: (құралдар, мәліметтер)

Кітап, дәптер, үнтаспа, ақ қағаздар, нақыл сөздер, маркерлер, стикерлер

Сабақ барысы:

1. Ұйымдастыру кезеңi.

Сәлемдесу, оқушылардың көңіл-күйін сұрау, сабаққа қатысуды тексеру.

Топтарға бөлу.

Cәлeмдecедi, кeзeкшi кeлмeгeн oқушыны aйтады

Оқушылар қорапшадан өздеріне ұнайтын түске сай маркерлер алады.

2. Жағымды көңіл-күйге келу.

Бaяу музыкa opындaлaды. Тыныс алу жаттығуы.

Балалар, тыныс алу жаттығуын жасаймыз. Тыныс алуға зейін қойған кезде, біздің миымыз дем алады. Ауаны жұту кезінде тыныштық пен қуаныш қабылдаймыз. Демді сыртқа шығарған кезде өзіміздегі мазасыздықтарды сыртқа шығарамыз. Кәне дайындалайық балалар.

Көзімізді жұмамыз..., арқамызды тіктейміз..., қолдарыңды алдарыңа қоямыз.

Демал....., шығар......(жаймен 9,10 рет). Әрқашан тыныштық пен қуанышты бойымызда сақтауға тырысайық

3. Үй тапсырмасын тексеру. Ермек Өтетілеуұлы «Рақым» әңгімесін «сұрақ-жауап» әдісі арқылы сұрау.

Сұрақтарға жауап береді.

4. Дәйексөз. Мұғалім оқушыларды оқулықта ұсынылған сабақтың дәйексөзімен таныстырады.Дәйексөзді алдымен мұғалім өзі оқып береді. Сосын балаларға дауыстап айтуды ұсынады.

Ақкөңілділік-адам ойының тазалығының көрінісі.

Жүсіп Баласағүн

Дәйексөзден қандай ой түюге болады?

Оқушылардың жауаптарына сүйене отырып, қорытынды жасау. Ақкөңілділік –адамгершілік қасиет болып табылады. Көңілі таза, пейіл ақ, ниеті адал, ықыласы мол адамды ақкөңіл дейміз. Ақкөңіл адам басқаларға тек жақсылық тілейді. Ол әрдайым сезімтал, жанашыр, мейірімді. Айналасындағыларға үнемі көмек беруге, қолдау көрсетуге даяр тұрады. Адамдарға қуаныш, шаттық, бақыт сыйлайды.

Дәйексөзді талдайды

5. Әңгiмелеу Мұғалім сыйы

««Өмір жаңғырығы» әңгімесі.

Ғани әкесімен бірге үлкен тау жартастарының арасымен серуендеп келе жатқан еді. Кенет Ғани сүрініп кетіп: «А-а-а-а!» деп айқайлап жіберді. Сол кезде жоғарыдан «А-а-а-а!» деген дауыс естілді. Ғани өзінің даусының қайталанғанына таңырқап:

-Сен кімсің?-деп дауыстағанда, Ғаниға:

-Сен кімсің?-деген жауап келді.

Ғани түкке түсінбей жынданып:

-Сен қорқақсың!-деп айқайлайды.

Таудан шыққан дауыс та:

-Сен қорқақсың!-деп жауап берді.

Қатты ашуланған Ғани әкесіне қарап:

-Әке,бұл кім өзі?-деп сұрады.

Әкесі:

-Ұлым, менің сөзіне құлақ сал,-деді де тауға қарап тұрып:-”Мен сені жақсы көремін!” деп айқайлайды.

Таудан:

-Мен сені жақсы көремін!-деген жауап келді. Әкесі тағы да айқайлап:

-Сен әдемісің!-деді.